airplanebooksbriefcase business cogs cross election entertainment fish house law lockmedicalpeopleselfservices socialtax

HR konsulentimik Sisimiuni Sulisoqarnermut immikkoortortamut

Qeqqata Kommuniani Sisimiuni Sulisoqarnermut immikkoortortami HR konsulentitut atorfik nutaaq inuttassarsiuunneqarpoq.

HR-mi immikkoortortaqarfik, HR konsulentimik qiimasumik piginnaasusilimillu piaartumik isumaqatigiissuteqarnikkulluunniit pissarsiorpoq. Ulapaartuartuuvugut, taamaattoq utaqqikutsoorsinnaavatsigit. HR-mi sulisut katillugit arfiniliupput, Sisimiuni sulisut sisamat, Maniitsumi marluk, kiisalu ilinniartoqarluni ataatsimik.
Inissakilliulaaraluarluta suleqatigiinnerput pitsaasorujussuullunilu ajunngitsorujussuuvoq immitsinnut ikioqatigiilluaratta.
Qinnuteqarfissaq kingulleq:
20. marts 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Atorfinittoqassaaq 1. april 2019 isumaqatigiissuteqarnikkulluunniit.
Akissarsiat:
Isumaqatigiissut malillugu

Suliassat: 

Suliassavit ilaatigut ilagissavaai Kommunimi sulisut sulisoriinnarnissaat, pisinnaasamikkut ineriartornissaat, ilinniaqqinnerit, atorfinnik inuttassarsiuussineq, qinnuteqartunut allakkanik isumaginninneq, atorfinitsitsinermik allagartanik suliaqarneq, suliunnaartut, utaqqiisaasumik ineqartitsineq allarpassuillu.

Ulluinnarnut ulapaarfiusunut ilanngukkusussuseqassaatit suliassat amerlaneri assigiinngitsuunerilu pissangagalugit.  Nammineertorujussuullutit sulisartussaavutit sulianik suliaqarnerup annertunersaa allaffissornerusussaagami atorfinitsitaanermullu atugassarititanik suliaqarnerulluni. Pingaartipparput allanngueqataarusussuseqartutit suleqataarusussuseqarnissat akornatsinnullu suleqatigiinnguami ilaarusussuseqarnissat, misilittakkannik qiimassusinnillu tunniusseqataallutit.

Immikkoortortatsinni atorfik neqeroorutigisinnaavarput isumaginninnikkut pingaartitsisuulluta, eqaatsumik ingerlaaseqarluta nutaanillu ilikkagaqartuartuulluta.

Marluinnik oqaaseqartuusinnaaguit kalaallisut/qallunaatut pitsaassaqaaq, ilusilersorluakkamik sulisinnaallutit, sullissillaqqittutit, peqqissaartuusutit suleqatikkuminartuuguillu iluassaqaaq.  

Akissarsiatigut atorfinitsitaanermilu atugassarititaasut: 

Akissarsiat sulinermilu atugassarititaasut, matumani akiliunneqarluni angalaneq, pequtillu  angallanneri  ilanngulugit, Naalakkersuisut aamma Atorfillit Kattuffiata / AK akornanni Namminersorlutik Oqartussat Kalaallillu kommuuniisa akornanni sulisunut ingerlatsinermi isumaqatigiissutit naapertorlugit pissaaq.

Inissaqartitsisoqarsinnaavoq, tamatumanilu malittarisassat atuuttut naapertorlugit akiliuteqartoqartassalluni.

Atorfininnissaq 2019-imi aprilip aallaqqaataani isumaqatigiissuteqarnikkulluunniit pissaaq. 

Pinerlussimannginnermut uppernarsaat:
Atorfik una pinerlussimannginnermit uppernarsaammik paasiniaanissamut inatsimmi pisussaatitaavoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq.   Taamaattumik malugeqqussavarput kommunep Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut paasissutissat annertunerusut Sulisoqarnermut pisortamut Inger Eriksen-imut, oqarasuaat (+299) 86 73 27, e-mail: iner@qeqqata.gl imaluunniit sulisoqarnermut siunnersorti Inga Olsen, oqarasuaat: (+299) 86 73 28, e-mail: inol@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 20. marts 2019

Qinnuteqaat uunga nassiunneqassaaq: 

Qeqqata Kommunia
HR Afdeling  
Postboks 1014

3911 Sisimiut
E-mail: job@qeqqata.gl  
Web: www.qeqqata.gl

Attavissaq:

Inger Eriksen

(+299) 86 73 27

iner@qeqqata.gl