airplanebooksbriefcase business cogs cross election entertainment fish house law lockmedicalpeopleselfservices socialtax

Tullersortimik Akuleriissillugu Meeqqerivik Kanaartaq-mut

Sisimiuni Akuleriisillugu Meeqqerivik Kanaartaq tullersortissarsiorpoq.
Meeqqanut 64-inut ukioqanngitsuniit arfinilinnik ukiulinnut, inini sisamani agguarsimasut.
Qinnuteqarfissaq kingulleq:
25. marts 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. april 2019 imaluunniit isumaqatigiinnikkut
Akissarsiat:
Isumaqatigiissut malillugu

Suliassat akisussaaffiillu: 

Meeqqerivitsialaap ineriartorteqqinnissaanut peqataassaatit kiisalu angajoqqaanik suleqatigiinneq qulakkiissallugu.

Pisortaq suleqatigalugu ulluinnarni ingerlanneqarnera isumagissavat, assersuutigalugu suliffissanut malittarisassat, aningaasaqarnikkut akisussaassuseqarneq, aaqqiiagiinngissutinik aaqqiineq kiisalu Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaat nr. 16, 3. decembari 2012-meersoq naapertorlugu sulissallutit.

Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit.

 

Piginnaasassat:

  • Perorsaasutut ilinniarsimasuusutit
  • Meeqqeriveqarnermi tunngasunut misilittagaqartuusutit
  • Akimortumik sulisinnaasutit
  • Aqutsisutut ilinniarsimasuusutit (piumasaqaataanngilaq)

 

Naatsorsuutigaarput:

  • Inatsisinik ilisimaarinnissasutit
  • Suliniutinut nutaanut ammasuusutit, suleqatikkuminartuusutit, saaffikkuminartuusutit nersuerpalaartuusutit
  • Aalajaatsuussasutit, akisussaassuseqarlutillu
  • Aningaasaqarnermut akisussaassuseqartutit

Akissarsiat, atorfinitsitaanermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut aamma NPK akornanni isumaqatigiissutit atuuttut naapertorlugit pissapput.

 

Inissaqartitsisoqarsinnaavoq, malittarisassat atuuttut malillugit akilersorneqartussamik.

Atorfininneq pissaaq 1. april 2019 imaluunniit isumaqatigiinnikkut.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfik pillugu paasissutissat sukumiinerusut Kanaartaq-mi pisortamut Jacobine Jeremiassen-imut, oqarasuaat (+299) 86 74 02, email: kanaartaqsisimiut@qeqqata.gl saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 25. marts 2019-imi tigoreersimassavarput.

 

 

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Jacobine Jeremiassen

+299 86 66 14

kanaartaqsisimiut@qeqqata.gl