airplanebooksbriefcase business cogs cross election entertainment fish house law lockmedicalpeopleselfservices socialtax

Park Ranger (nunatamik nakkutilliisoq)

UNESCO World Heritage Site Aasivissuit – Nipisat Kangerlussuarmi atorfeqartussamik asimiissinnaanermik piginnaasalimmik nunatamik nakkutilliisussarsiorpoq (Park Ranger)
Qinnuteqarfissaq kingulleq:
25. marts 2019
Sumiiffik/Pisortaqarfik:
Kangerlussuaq
Sivisussuseq:
Tamakkiisumik
Atorfininnermi ulloq:
1. maj 2019 imaluunniit isumaqatigiinnikkut
Akissarsiat:
Isumaqatigiissut malillugu

Suliassat akisussaaffiillu: 

2018-imi aasaanerani Inuit piniariartarfiat kulturikkut nuna Aasivissuit - Nipisat UNESCO-mi nunarsuarmioqatigiinnut kingornussassat allattorsimaffianut ilanngunneqarpoq.

 

Park rangeri Kangerlussuarmi angerlarsimaffeqassaaq nunatarlu UNESCOp allattorsimaffianut ilanngunneqarsimasoq nakkutigissavaa taamaaliornerminilu piniarnermut nakkutilliisoq Kangerlussuarmilu takornarissanut sullissisut qanimut suleqatigissallugit.

 

Park Ranger Kangerlussuup nunataani angalaangaatsiartassaaq suliassallu suliamut attuumassuteqartut tamaasa UNESCOmullu suliniummut aqutsisoq peqatigalugit suliarineqartassapput.

 

 

Sumiiffik:

Kangerlussuaq

 


Suliassat akisussaaffiillu:

  • Nunatami pinngortitatigut kulturikkullu pisuussutinik nakkutilliineq
  • Nunatap atorneqartarnermini ineriartorneranik nakkutilliineq
  • Atuisunut tikeraanullu ilitsersuineq paasissutissiinerlu
  • Inatsimmik unioqqutitsisimanermik kiisalu aarlerinartoqartillugu upalungaarsimanermik misissuineq, nalunaarusiorneq qisuariarnerlu
  • Nunatami torersaaneq/eqqagassalerineq
  • Ukiuunerani suliniummik aqutsisup allaffissornikkut assigiinngitsutigut suliaqarneranik ikiuunneq
  • Suliassallu takkussuuttut allat

 

 

Piginnaasat:

  • inussiarnersoq,
  • pissutsinut paasisimasaqarluartoq aamma
  • kalaallisut, qallunaatut tuluttullu oqaaseqartuuneq, kulturillu assigiinngitsut akornanni sulisinnaasoq
  • Pisariaqartitanik piginnaasaqarneq soorlu biilernermut allagartaq, ikiueqqaarneq kiisalu
  • imaatigut angallannermi malittarisassanik ilisimasaqarneq aamma nunami angalaartarnermi ilisimasaqarluartoq
  • allaffissornermut tunngasunik sarpersannginnissaq iluaqutaassaaq

Akissarsiat, atorfinitsitaanermilu atugassarititaasut: 


Akissarsiat atorfeqartitaanermilu atugassarititaasut, Naalakkersuisut aamma kattuffigisallu isumaqatiginninniarsinnaatitaasup akornanni isumaqatigiissutit qaqugukkulluunniit atuuttut naapertorlugit inissinneqassapput.

 

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni.

 

Atorfininneq pissaaq 1. maj 2019 imaluunniit isumaqatigiinnikkut pisaaq.

 


Pinerlussimannginnermut uppernarsaat:
Atorfik una pinerlussimannginnermit uppernarsaammik paasiniaanissamut inatsimmi pisussaatitaavoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq. Taamaattumik malugeqqussavarput kommunep Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
 
 

Atorfik pillugu paasissutissat annertunerusut, Sisimiuni UNESCOmut suliniummut aqutsisumut Paninnguaq Fleischer-Lyberth-imut, oqarasuaat (+299) 86 73 04, e-mail: panf@qeqqata.gl-imut saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik, kingusinnerpaamik 25. marts 2019-iani tigoreersimassavarput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl


Attavissaq:

Paninnguaq Fleischer-Lyberth

+299 86 73 04

panf@qeqqata.gl