airplanebooksbriefcase business cogs cross election entertainment fish house law lockmedicalpeopleselfservices socialtax

Pilersaarusiornermut sulisussamik Maniitsumut

Qeqqata Kommuniani Maniitsumi Teknikkimut Avatangiisinullu Immikkoortortami pilersaarusiornermi nunaminertanullu tunngasunik sullissisutut atorfik inuttassarsiorneqarpoq.

Maniitsumi Teknikkimut Avatangiisimullu immikkoortortaqarfik maannakkut arfinilinnik sulisoqarpoq.
Qinnuteqarfissaq kingulleq:
29. marts 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. april 2019 imaluunniit isumaqatitgiinnikkut
Akissarsiat:
Isumaqatigiissutit malillugit

Atorfininneq isumaqatigiissutillu 

Suliassat akisussaaffiillu:

  • Teknikkimut Avatangiisinullu Ataatsimiititaliamukartussanik suliaqarneq
  • Illuliornermi ilusilersuisartoq teknikkimullu tunngasuni ikiorti qanimut suleqatigalugit suliaqarneq nunaminertanullu tunngasunik ataqatigiissaarineq
  • Kommunimi pilersaarutinik digitalinngorsaanermi nalunaarsuineq ikiuunnerlu
  • GIS-imik kommunimilu digitalimik aaqqissuussinermi ineriartortitseqqinneq kiisalu nunap assinganik aamma nalunaarsuinermik il.il.digitaalinngorlugit atuisinnaaneq.
  • Kommunip umiatsianut containerinullu inissiiviinik aqutsineq

Pisinnaasaqarfissat:

  • Teknikkimut tunngasumik  ilinniagaqarsimassaatit assingusumilluunniit tunuliaquteqarlutit
  • Atorfimmut assingusumik Kalaallit Nunaanni kommunini ukiualunni misilittagaqarsimassasutit. imaluunniit ilinniakkamik naammassinneqqammerlutit pisortani ingerlatsinissamik soqutiginnilluassasutit
  • Oqalunnikkut allattariarsornikkullu attaveqarluarsinnaasutit assiliartalersuisinnaassuseqartutillu
  • Pilersitsisinnaassuseqartutit, peqqissaartuusutit, ataqatigiimmik aaqqissusisinnaasutit suliamillu tamakkiisumik isiginnissinnaallutit
  • Qarasaasiamik atuisinnaassasutit aamma mapinfomut NunaGisimullu ilisimasaqassasutit
  • Marluinnik oqaaseqassasutit, kalaallisut qallunaatullu – tamannali piumasaqaataanngilaq

Akissarsiat atorfinitsitaanermilu atugassarititaasut 

Akissarsiat atorfininnermilu atugassarititaasut, matumani akiliunneqarluni angalasinnaatitaanerit pequtillu angallanneri ilanngullugit, Kalaallit Nunaanni Naalakkersuisut sulinermilu peqatigiiffiup isumaqatigiissuteqarsinnaatitaasup isumaqatigiissutaat atuuttoq naapertorlugu iluarsineqassapput.

 

Atorfimmut atatillugu inissaqartitsisoqarsinnaavoq, tamatumanilu malittarisassat naapertorlugit akiliuteqartoqartassalluni.

 

Atorfininneq pissaaq 1. april 2019 imaluunniit isumaqatigiinnikkut.

 

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfimmut atatillugu paasissutissat annertunerusut pillugit Teknikkimut Avatangiisinullu pisortaq Ole Thor Hermansen, oqarasuaat (+299) 81 7840, e-mail: othe@qeqqata.gl attavigineqarsinnaavoq.

 

Qinnuteqaat attuumassuteqartunik ilinniagaqarsimanermut uppernarsaatit assinginik, oqaaseqaatinik, saaffiginniffiusinnaasunik ilalerlugu kingusinnerpaamik 29. marts 2019-mi tigoreersimassavarput

 

 

 

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Ole Thor Hermansen

(+299) 81 7840

othe@qeqqata.gl