airplanebooksbriefcase business cogs cross election entertainment fish house law lockmedicalpeopleselfservices socialtax

Pilersaarusiornermi siunnersorti

Meeqqanut, inuusuttunut ilaqutariinnullu sullissineq suliassallu suliarineqartarnerisa nukittorsarneqarnissaat siunertaralugu, Qeqqata Kommuniani allaffissorneriinnarmik suliaqarfiunani, suliassanut eqqummaarissunngortitsinissaanik Qeqqata Kommunia anguniagaqarpoq.

Atorfimmut Sisimiuni inissisimasussamik pilersaarusiornerni siunnersortissarsiorpugut.
Qinnuteqarfissaq kingulleq:
29. marts 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. maj 2019 imaluunniit isumaqatigiinnikkut
Akissarsiat:
Isumaqatigiissutit malillugit

Akisussaaffiit 

Pilersaarusiornerni siunnersorti ataqatigiissaarisuussaaq pilersaarummut ”Inuunerinneq – Inuuneq tamaat”-imut, taassuma ataaniittut gruppet arfineq marluupput, tassaasut: 1. Inooqataanikkut atugarissaarneq, 2. Angajoqqaat akisussaanerat, 3. Immikkut pisariaqartitsineq, 4. Siusissukkut iliuuseqarneq, 5. Ilaqutariit paarsisartut, 6. Sammisassaqarluartumik sunngiffik, 7. Peqqinnartumik saammisassaqarluartumillu utoqqaliartorneq. Pilersaarutip akimortumik suleqatigiinnerup nukittorsarneqarnissaa, qaninnerusumik attaveqarnissaq, malinnaanissaq aamma angajoqqaat attaveqaataasullu akuutinneqarnerunissaat kiisalu sammisassaqarluartumik peqqinnartumillu utoqqaliartorneq suliniutigineqassaaq. Pilersaarusiornerni siunnersortip suleqatigiit suleqatiginerisigut naammassineqarnissaa qulakkiissallugu.

 

Piginnaassutsikkut qaffasissumik suliassaasunik suliassanik qaffasissumik ilisimasaqarluni suliarisarialinnik suliakkerneqartarnissaq atorfimmi naatsorsuutaavoq.  Isumaginninnermi inatsit, suliniutinillu aqutsineq pillugu apeqquteqaataasinnaasut isummersorfittut inissisimaneq. Suliniutinik annerusunik minnerusunilluunniit aallarnisaasartoq isumassarsiorfiusorlu.

 

Suliassat:

  • " Inuunerinneq – Inuuneq tamaat "-imik piviusunngortitsineq suliniummillu malitseqartitsineq

  • Pingaarnertut suliniutip ataani suleqatigiissitani allani suleqataaneq

  • Ataavartumik ataatsimiititaliamut saqqummiussassanik suliaqarneq

  • Atuilluartuunissamik suliniutinut saqqummiussassanik suliaqarneq

  • Suliassanik ataasiakkaanik nassuiaasiorneq misissuinerlu

  • Pisortap sulisui suleqatigalugit suliassanik allanik suliaqarneq

  • Suliassat takkussuuttut nalinginnaasut

 

Piginnaasat:

  • Ilinniagartuutut ilinniarsimaneq

  • Inatsisinik/isumaginninnermi inatsimmik ilisimasaqarluarneq

  • Ilinniarnerup naammassereernerata kingorna attuumassutilinnik suliffimmik misilittagaqarneq

  • Tamanik takunnillaqqissuseqarluni suliassanik aallartitsisinnaaneq, iliuuseqallaqqissuuneq, sungiussiasuunerlu

  • Anguniagaqarluni sulisinnaassusilik

  • Suleqatikkuminartoq avatangiisinullu sunniuteqarsinnaasoq

  • Oqaasiinnakkut allattariarsornikkullu attaveqarluarsinnaasoq

  • Nunat tamalaat kulturiinut piginnaasalik

  • Nammineersinnaassuseqartoq suleqatigiinnilu suleqataasinnaasoq

  • Suliniutinik suliassanillu ineriartortitsinermik suliassanik misilittagaqartoq

 

Saaffigineqarsinnaasut pillugit paasissutissat qinnuteqaammut ilanngunneqassapput.

Akissarsiat atugassarititaasullu 

Akissarsiat sulinermilu atugassarititaasut Naalakkersuisut pineqartullu peqatigiiffiata isumaqatigiinniuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

 

Naliliisoqarnerata kingorna suliniutinut pisortatut atorfinitsitsisoqarsinnaavoq.

 

Inissaqartitsisoqarpoq, matumani atorfinitsitaanermi angalanissami, pequtillu assartorneqarnissaanut akiliutsitaasinnaaneq ilanngullugu

 

Pinerluuteqarsimannginnermut uppernarsaat:

Qinnuteqartup nammineerluni politeqarfimmut saaffiginninnermigut imaluunniit www.sullissivik.gl -ikkut pissarsiarissavaa.

 

Atorfinitsitsineq pissaaq 1. maj 2019 imaluunniit isumaqatigiinnikkut.

 

Atorfik pillugu paasissutissat annertunerusut, Kommunimi pisortaanermut Paneeraq Olsen-imut oqarasuaat (+299) 86 73 01-imut, e-mail: paol@qeqqata.gl -imut saaffiginninnikkut pissarsiarineqarsinnaapput.

 

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik saaffigineqarsinnaasunullu ilaqartinneqartoq, 29. marts 2019-imi nassiunneqareersimassaaq

Qinnuteqaat uunnga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Paneeraq Olsen

86 73 01

paol@qeqqata.gl