airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Qeqqani MISI (PPR)-mut Tarnit pissusiinik ilisimasalimmik pissarsiorpoq

Qeqqata Kommuniani Qeqqani MISI / PPR Maniitsumi immikkoortortaqarfeqalerpoq, tamaattumik tarnit pissusiinik ilisimasalimmik Maniitsumi atorfinittussamik pissarsiorpoq. Maniitsumi immikkoortortaqarfik tarnip pissusaanik ilisimasalimmik aammalu immikkut atuartitsinermi siunnersortimik sulisoqassaaq.
Qeqqani MISI Sisimiuni allaffeqarfeqarpoq massakkullu tarnit pissusiinik ilisimasalinnut aqutsisumit, tarnit pissusiinut ilisimasalimmit, immikkut atuartitsinernut siunnersortimit kiisalu overassistentimik sulisoqarluni.
Qeqqani MISI-p sullitai tassaapput meeqqat inuusuttullu 0 – 18-illu akornanni ukiullit – taamatullu siusissukkut pinaveersaartitsiniarnermillu suliniutit ukkatarineqarlutik.
Qeqqani MISI-ip illoqarfiit Maniitsoq aamma Sisimiut kiisalu nunaqarfittai arfinillit sullitarai, taamaattumik ukiumut marloriarluni angalasarnissaq naatsorsuutigineqassalluni.
Qinnuteqarfissaq kingulleq:
25. marts 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

Qeqqani MISI tarnit pissusiinik ilisimasalimmik ukuninnga soqutigisalimmik pissarsiorpugut:

·         Inooqataanikkut meeqqat ineriartornerannut tunngatillugu atuarfinnut meeqqerivinnut siunnersuinermik aamma ilitsersuinermik / oqaloqatiginninnermik suliaqarsinnaaneq

·         Imarisaq ineriartornerlu pillugit atuarfimmik meeqqerivinnillu suleqateqarsinnaaneq

·         Angajoqqaanut, ilinniartitsisunut perorsaasunullu siunnersuineq ilitsersuinerlu

·         Tarnikkut perorsaanikkut naliliisinnaanermik aammalu meeqqanik inuusuttunillu misissuisinnaaneq

·         Suliffiup iluani avataanilu suleqatigiinnut tarnikkut misissuinermi ilisimasanik ingerlatitseqqiineq

·         Akimut suleqatigiit assigiinngitsuni suleqatigiinnermik pitsanngorsaaqataaneq

·         Suliamut ilisimasalinnut siunnersuisinnaaneq (supervision)

Neqeroorutigaagut:

·         Suliffik sapaatip akunneranut akunnerni 40-ni suliffiulluni uummaarissoq ammasorlu

·         Atoarfik unammillernartoq pissanganartorlu

·         Suliffik ataatsimoorfiusoq

·         Pinngortitami pisuttuarnissamut, imaatigut angalanissamut, sisorartarnissamut, piniartarnissamut aalisartarnissamullu periarfigissaarluni pinngortitarsuaq kusanarluinnartoq

·         Kalaallit Nunaanni Kulturikkut assigiinngitsunik neqerooruteqarfiulluni

Piukkunnaateqarluni qinnuteqartoq:

·         Cand.psych-itut imaluunniit cand.pæd.psyk-itut ilinniagaqarsimaneq

·         Suliatigut naleqquttumik pisinnaasaqarneq

·         Kalaallit Nunaanni kulturi naapertorlugu sulinissaminut piareersimassaaq

·         Meeqqanik inuusuttunillu perorsaanikkut sullissinermik ilisimasalik kissaatigineruarput

·         Tatitooq, suliassallu assigiinngitsorpassuiteqqarsaatigalugitnammineerluni eqaatsumillu sulisinnaasoq

Akissarsiat atorfeqartitaanermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Meeqqanik pinerliisimannginnermut aammalu pillagaasimannginnermut uppernarsaat:

Atorfik una meeqqanik pinerliisimannginnermut aammalu pillagaasimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Piaartumik, isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Atuarfimmi tarnip pissusaanik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 15. februar 2019 tigoriissavarput.

Qinnuteqaat uunga nassiunneqassaaq:  

Qeqqata Kommunia

HR Afdeling

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Marianne L. Olsen

(+299) 38 12 40

olsm@qeqqata.gl