airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginninnermi siunnersortinik marlunnik Maniitsumi Meeqqanut Ilaqutariinnullu immikkoortortamut

Maniitsumi Ilaqutariinnermut immikkoortortap ataani Meeqqanut Ilaqutariinnullu immikkoortortami isumaginninnermi siunnersortinik marlunnik pissarsiorpugut
Qinnuteqarfissaq kingulleq:
27. marts 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. maj 2019 imaluunniit isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu 

Ilaqutariinnut immikkoortortaq 23-nik sulisoqarpoq imatut agguataagaasunik, meeqqanut Ilaqutariinnullu immikkoortortami immikkoortortanut marlunnut agguagaapput siulleq Paarsisunik ilaqutariinnillu sullissisut, aappalu Ilaqutariinnik sullissisut angerlarsimaffiup avataanut inissiinnginnissamut sullissineq, Ikiorsiinermi immikkoortortaq Allatseqarfik, Utoqqarnut aammalu Innarluutilinnut immikkoortortaq.

Pisortaqarfimmi Isumaginninnermi sullissinermut soqutigisaqaruit, sullissinermillu inerisarusukkuit minnerunngitsumik innutaasut sullinneqartut qanimut peqatigalugit suleqatiginnissinnaanermik inerisaaqataasinnaanermillu soqutiginnikkuit.

Akisussaaffiit suliassallu:

Angerlarsimaffiup avataanut inissinneqarsimasunut sullissineq

 

  • § 40 - § 41 Ikiorsiinermi suliniutit unitsinneqarneri

  • § 42 suliniuteqareernermi malitseqartitsineq

  • §43 meeqqanik oqaloqatiginninneq

  • §45. Isumaginnikkut misissuineq

  • § 46 iliuusissanut pilersaarutit nutartertarnissaat (minnerpaanik ukiumut ataasiarluni)

  • § 48 Katsorsaanissamut pilersaarut

  • §49 killiffiit pillugit nalunaarusiortitsineq Ilaqutariinnermut isumaginninnermullu ataatsimiititaliamut kiisalu Oqartussaassuseqarfiit assigiinngitsunik suliallit isumaginninnermi suliassat pillugit suleqatigiisitamut ( TSU) oqaluuserisassanik suliaqarneq.

  • Inatsisit allat atuuttut suliamut atuumassuteqarsinnaasut eqqumaffiginissaat.

  • Illup iluani avataanilu ataatsimiinnerni ataatsimeeqataaneq

  • Ilaqutariinnik Inerisaavimmut innersuussassanik siunnersuineq aamma sap.ak. allortarlugit killiffissiuinernut peqataaneq

  • Ilaqutariinnik paarsisartussanik qinnuteqaatinik suliarinninneq.

  • Isumaginnittoqarfimmi pigaartuni peqataaneq

  • Suliassat takkussuuttut suleqataaneq

 

Naatsorsuutigaarput;

  • Isumaginninnermut tunngasuni inatsisinik ilisimasaqartuusutit.

  • Kommunimi suliassanik suliaqarnermik il.il. misilittagaqassasutit.

  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit

  • Tamat isiginnissinnaalluartuusutit aamma pisuni ulapaarfiusuni.

 

Ilinniakkatigut piginnaasat:

  • Isumaginninnermi siunnersortitut imaluunniit isumaginninnermut attuumassuteqartumik ilinniarsimasuusutit

  • Marluinnik oqaaseqartuusutit, kalaallisut aammalu qallunaatut

  • Oqaatsinik atuinermut allattariasornermullu pitsaasumik piginnaasaqartuusutit.

 

Inuttut piginnaasat:

  • Sullissinermik sungiusimasaqartutit

  • Saaffikkuminartuusutit, akuersaartumillu isiginnittariaaseqartuusutit

  • Namminersortumik akisussaassuseqartumillu sulisinnaasutit

  • Aalajaatsuusutit tatiginartuusutillu

  • Suliassanut ilisimaarinnittuusutit, pimoorussisuullutillu

  • Suleqatikkuminartuusutit

Akissarsiat atorfininnermilu atugassarititaasut  

Akissarsiat sulinermilu atugassarititaasut, matumani akiliutsilluni angalasinnaatitaaneq pisattanillu assartuisitsinerit ilanngullugit, Naalakkersuisut aamma Atorfillit Kattuffiata isumaqatigiissutaat atuutut naapertorlugit.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, inatsisit atuuttut malillugit akilersorneqartussamik.

 

Atorfininneq pissaaq 1. maj 2019 imaluunniit isumaqatigiissuteqarnikkut.

 

Atorfik pillugu paasissutissat sukumiinerusut Ilaqutariinnermut pisortaq Bertha Dalager, oqarasuaat (+299) 81 78 53, e-mail: beda@qeqqata.gl imaluunniit inunnik isumaginninnermi siunnersortinut aqutsisoq Dorthe Poulsen, oqarasuaat (+299) 81 78 31 e-mail dopo@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2019-imi marts-ip 27-ani tigoreersimassavarput.

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq 

Postbox 1014

3911 Sisimiut

E-mail: job@qeqqata.gl

We: www.qeqqata.gl/atorfik

Attavissaq:

Bertha Dalager / Dorthe Poulsen

(+299) 81 78 53 / 81 78 31

beda@qeqqata.gl / dopo@qeqqata.gl