airplanebooksbriefcase business cogs cross election entertainment fish house law lockmedicalpeopleselfservices socialtax

Utoqqaat angerlarsimaffiata iggavianut nerisassiornermik assistentinik imaluunniit inuussutissanut ikiortinik marlunnik pissarsiorpoq

Qeqqata Kommuniani Ilaqutariinnermut immikkoortortami Utoqqaat Angerlarsimaffiat QUPANUK-mmi igaffimmiumik inuussutissalerinermi ilinniarsimasumik marlunnik pissarsiorpoq.
Qinnuteqarfissaq kingulleq:
16. april 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Maj aallaqqaataani isumaqatigiinnikkulluunnit
Akissarsiat:
Isumaqatigiissut malillugu

Suliassat akisussaaffiillu  

Sisimiuni utoqqaat angerlarsimaffiat QUPANUK najugalinnut 43-inut inissaqarpoq taakkunannga ini ataaseq qasuersaartarfiulluni. Utoqqaat Angerlarsimaffiat immikkoortunut marlunnut agguagaavoq, taakkunannga ataaseq puigortunngortunut immikkoortuulluni. Utoqqaat Angerlarsimaffiat ineriartorpoq, aammalu pingaartitanik sinaakkutinillu pilersitsinikuulluni. Anguniagaasoq tassaavoq, suliatta najugaqartunut tamanut timikkut tarnikkullu passussinermut isumassuinermullu pitsaanerulernissaa.


Suliassat akisussaaffiillu

  • Utoqqaat angerlarsimaffianni najugalinnut, illoqarfimmi innuttaasunut nerisassanik pajutsittarnissamut innersuunneqarsimasunut kiisalu utoqqaat angerlarsimaffianni sulisunut nerisassiorneq.

  • Nerisassanik iffiornissanillu pilersaarusiorneq, tassani nerisassat sanigornartut immikkuullarissullu ilaasarlutik.

  • Pisiniarnissanik pilersaarusiornernillu peqataaneq

  • Eqqiaaneq erruinerlu eqqarsaatigalugit iggafimmut tamarnut akisussaaqataaneq

  • Peqqissutsimik siuarsaaneq pinaveersaartitsinerlu

  • Suliamik ilisimasannik suleqatinut najugalinnullu ilinniartitsineq

  • Igaffimmi aqutsisup peqanngiffiini akisussaaffimmik tigusineq

  • Utoqqaat angerlarsimaffiani immikkoortortanik, utoqqarnut immikkoortortaqarfimmik angerlarsimaffimmilu ikiortinik tamanik akimortumik suleqateqarneq

Pisinnaasassat

  • Nerisassiornermi assistentitut inuussutissanut ikiortitulluunniit ilinniarsimasuusutit

  • Suliannut pikkorissuusutit igaffimmilu angisuumi sulinermik misilittagaqartuusutit

  • Aalajaatsuusutit akisussaassuseqartutillu

  • Ammasuusutit, suleqateqarusussuseqartutit inussiarnersuusutillu

  • Allanngorarsinnaassuseqartutit namminerlu sulisinnaassuseqartutit

  • Timikkut tarnikkullu peqqissuusutit

  • Pimoorussisuusutit inuillu utoqqaat akornanni sulinissamut nuannarisaqartutit

  • Aaqqiiaginngissutinik aaqqiisinnaasutit aaqqiisinnaassuseqassasutillu

  • Nutaamik eqqarsarsinnaasutit, Utoqqaat Angerlarsimaffianni ineriartornermut peqataasinnaassuseqartutit

  • Utoqqaat Angerlarsimaffianni ullunut nikerartunut tulluarsarsinnaassuseqartutit

  • Pisuni immikkut ittuni sukkasuumik sulisinnaassuseqartutit

Vagtini nikerartuni sulisoqartarpoq. Sapaatip akunneranut akunnerni 40-ni ullut tamaasa ulloq unnuarlu. Ilaanneeriarluni immikkut ittumik aaqqissuussisoqartillugu qaanngiuttoorsinnaaneq naatsorsuutigineqarsinnaavoq.

 

 

Akissarsiatigut atorfinitsitaanermilu atugassarititaasut  


Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit inissinneqassapput.

 

Inissaqartitsisoqanngilaq.

 

Atorfininneq 2019-imi maajip aallaqqaataani isumaqatigiissuteqarnikkulluunniit

 

Atorfinnut sukumiinerusumik paasissutissat Utoqqaat Angerlarsimaffiata pisortaanut Paneeraq Grønvold Samuelsen oqarasuaat: 86 73 50-mut mail: pags@qeqqata.gl –mut saaffiginninnikkut pineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilaligaq 2019-imi 16. April -ani nassiunneqarsimassaaq

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl


Attavissaq:

Paneeraq G. Samuelsen

+299 86 73 50

pags@qeqqata.gl