airplanebooksbriefcase business cogs cross election entertainment fish house law lockmedicalpeopleselfservices socialtax

Sundhedsassistent-inik marlunnik Sisimiuni Utoqqaat Angerlarsimaffiannut QUPANUK-mmut pissarsiorput

Qeqqata Kommunia sundhedsassistent-issarsiorpoq marlunnik Sisimiuni Utoqqaat Angerlarsimaffiannut QUPANUK-mmut
Qinnuteqarfissaq kingulleq:
16. april 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Maj aallaqqaataani isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

Qeqqata Kommuniani ilaqutariinnermut immikkoortortami Utoqqaat Angerlarsimaffiat QUPANUK allaffimmiussarsiorpoq.

Utoqqaat Angerlarsimaffiat najugaqartunut 43-nut inissaqartitsisoq immikkoortortanut 1&2 aamma  3&4. Ini ataaseq qasuersaarfissatut (aflastning) naatsorsuussaavoq. Utoqqaat najugaqarfii immikkoortortat marluk immikkoortortami aqutsisussarsiuuppagut.

Utoqqaat Angerlarsimaffiat QUPANUK ineriartorfiuvoq naleqartitaqarluta anguniagaralugulu naju-gaqartuutitta timikkut tarnikkullu suli pitsaanerusumik sullinnissaat.

 

Suliassat akisussaaffiillu:

  • Sulisut tiimiinik akissarsiffissani suliaqarneq.

  • Najugaqartunut sulisunullu tunngasunik pappiliarsorneq.

  • Aningaasartuutinik aqutseqataaneq.

  • Akiligassanik allanillu kontolersuineq.

  • Allaffimmi suliassanik naliginnaasunik suliaqarneq.

  • Allakkanik isertunik allattuineq nalunaarsuinerlu.

  • Ataatsimiinnerni allattaaneq.

  • Sulisunik nalunaarsuineq.

  • Ineriartortitseqataaneq.

  • Immikkoortortaqarfinnik qanimut suleqateqarneq.

 

 

 

Pisinnaassutsit piumasaqaatillu:

  • Allaffisornermut tunngasumik ilinniarsimasuussaatit.

  • Kalaallisut qallunaatullu oqaaseqartuussaatit paasisinnaallutillu.

  • Aqutsisutut ilinniarsimaneq iluaqutaassaaq.

  • Inussiarnersuussaatit saaffikkuminartuullutit tatiginninnermillu pilersitsisinnaassallutit.

  • Aaqqiagiinnginnernik aaqqiiniarusussuseqartuussaatit.

  • Naammagittarsinnaassuseqassaatit inunnillu ataasiakkaanik inissaqartitsisuussallutit.

  • Pimoorussisuussaatit unneqqarissuullutit nutaaliorusussuseqarlutillu.

  • Akimortumik suleqateqarluarsinnaasuussaatit, aammali namminersorsinnaallutit.

  • Qeqqata Kommuniata naleqartitaanik piviusuutitsiumassuseqassaatit.

  • Qarasaasianut misilittagaqassaatit.

  • Torersuussaatit, torersuutitserusuttoq.

  • Timikkut tarnikkullu peqqissuussaatit.

  • Utoqqarnik sullissinermut misilittagaqarneq iluaqutaassaaq.

 

Aningaasarsiat atorfininnermilu atugassarititaasut: 

Atorfinitsitsineq pissaaq 01.maj 2019 imaluunniit isumaqatigiissuteqarnikkut

 

Atorfinnut sukumiinerusumik paasissutissat Utoqqaat Angerlarsimaffiata pisortaanut Paneeraq Grønvold Samuelsen oqarasuaat: 86 73 50-mut mail: pags@qeqqata.gl –mut saaffiginninnikkut pineqarsinnaapput.

 

Qinnuteqaatit pappilissallu ilinniarsimanermut uppernarsaatit, CV, oqaaseqaatillu uunga kingusinnerpaamik 16.April 2019 nassiunneqariissapput uunga:

Uunga nassiunneqassaaq:  

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Paneeraq Grønvold Samuelsen

(+299) 86 73 50

pags@qeqqata.gl