airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Beredskabinspektør/Garagemesterimik

Kommunip Maniitsumi annaassiniartarnermi upalungaarsivianut suleqatikkuminartumik, inussiarnersumik ammasumillu Qeqqata Kommunia Beredskabsinspektør garage-ami nakkutilliisussarsiorpoq. Piaartumik isumaqatigiissuteqarnikkulluunniit atorfik inuttalerneqassaaq.
Qinnuteqarfissaq kingulleq:
17. april 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
Maj aallaqqaataani isumaqatigiinnikkulluuniit
Akissarsiat:
Isumaqatigiissut malillugu

Upalungaarsimanermut inspektøri Sisimiunut 

Qeqqata Kommuniata annaassiniartarnermi upalungaarsimavia kommunit kattunneqarnerisigut, katillugit 106-inik qatserisartoqarluni Sisimiuni Maniitsumilu qatserutaasivinnik marlunnik, nunaqarfinnilu qatserutaasivinnik arfinilinnik qatserutaasiveqarpoq, soorluttaaq Qeqqata Kommunianut sullissisuullutik Kangerlussuarmi 16-inik qatserisartoqarlunilu indsatsledereqarpoq. Upalungaarsimanermi pisortaq, taassumalu tullersortaa suleqatigalugit, Maniitsumi annaassiniartarnermi upalungaarsimaneq beredskabsinspektøritut qaffasissumik ingerlatissavat.

Ilaatigut tullinnguuttut akisussaaffigissavatit:

  • Maniitumi nunaqarfiinilu upalungaarsimanissamik aqutsineq, matumani garage-mi aqutsisutut suliassat ilanngullugit

  • Qatserisarfimmi sulisunik aqutsineq

  • Qatserutaasiviup missingersuutaanut akisussaaneq

  • Upalungaarsimanissami pilersaarutit malinnaatinneqarnissaat

  • Akisussaaffigisap iluani tunngaviusumik ilinniartitsinissap akisussaaffiginera

  • Ikuallatsaaliilluni misissuinerit (brandsyn)

  • Qatserisarfiup atortuutaanik illuutaanillu aserfallatsaaliineq, matumani atortut ingerlatillit isumaginissaat ilanngullugu

  • Illoqarfimmi nunaqarfinnilu innuttaasunut pinaveersaartitsinermut tunngasunik suliniutit

  • Suliat pitsaasumik, eqaatsumik, suliat suliarineqarnissaallu malillugu suliarineqarnissaasa qulakkeerneqarnissaa

  • Suliassat takkussuuttut assigiinngitsut.

    Qinnuteqartumut piumasaqaatit:

  • (Illoqarfimmi/timmisartumi) ikuallattoqartillugu qatserinermi pisortatut ilinniarsimasuussasutit, taamaattorli minnerpaamik inuttanik aqutsisutut (holdleder) tassungaluunniit ilinniarnissannut tiguneqarsimassallutit ingerlaqqinnissannullu piareersimallutit

  • Qatserisartoqarnerup iluani ilinniarsimasuussaatit

  • Imminut upalungaarsimanissamilu illup iluani avataanilu sulianut tunngatillugu ataqqinnissuseqarnermik pilersitsisinnaalluni pisortaassasutit

  • Tatiginassusilimmik sulianut tunngatillugu aaqqissuussaanermi sutigut tamatigut eqqartueqatigiissinnaasutit

  • Tikkuussisinnaallutit ataatsimoortitsisinnaassuseqassasutit

  • Aningaasaqarnermut ilisimasaqassasutit

  • Aalajangiinernut sunniuteqaqataasutut piumassuseqalersitsisumillu sulisut piginneqataasutut misigilersissinnaassagitit

    Qinnuteqartoq inuttut:

  • Sunniuteqarluartuussaaq, aammali naalaarsinnaassuseqartuussallutillu

  • Angusanut ineriartortitassanullu tappissuussaaq

  • Aaqqiagiinngittoqartillugu aaqqiagiingissutsinik iluarsiiniarsinnaassuseqassaaq

  • Tatiginartuussaaq, avatangiisiminullu tatiginassutsimik takutitsisinnaassalluni

Atorfininneq isumaqatigiissutillu 

Akissarsiat atorfinitsitaanermilu atugassarititaasut:

 

Kalaallit Nunaanni Naalakkersuisut sulinermilu peqatigiiffiup isumaqatigiissuteqarsinnaatitaasup isumaqatigiissu­taat, qaffasissusiliinerup nalaani atuuttoq naapertorlugu, akissarsiat atorfininnermilu atugassarititaasut iluarsineqassapput.

 

Atorfimmut atatillugu inissaqartitsisoqanngilaq.

 

Pinerluuteqarsimannginnermut uppernarsaat naammagisimaarnartoq aallaavigalugu atorfinitsitsisoqassaaq.

 

Annertunerusumik paasissutissat:

 

Upalungaarsimanermi pisortap tullianut Morten Siegstad oqarasuaat +299 38 12 71 / mobil +299 52 02 35-imut imaluunniit e-mail mosi@qeqqata.gl  -mut attaveqarlutit, atorfik pillugu annertunerusumik paasissutissanik pissarsisinnaavutit.

 

Qinnuteqaat ilinniarsimanernut uppernarsaatinik, suliffigisimasat pillugit paasissutissanik, pinerluuteqarsimannginnermut uppernarsaammik kiisalu oqaaseqaataasinnaasunik ilaqartinneqarluni ”Maniitsumi Upalungaarsimanermi/Garagemi pisortaq”-mik ilisarnaasigaq, kingusinnerpaamik 2019-imi April 17-ani uunga nassiunneqassaaq: Qeqqata Kommunia, Sulisoqarnermut allaffeqarfik, Boks 1014, 3911 Sisimiut, ajornanngippat mailimut uunga: job@qeqqata.gl

 

Atorfiup inuttassarsiuunneqarneranut allagarsiussaq sumi takusimanerlugu qinnuteqaammut allalaariuk

Qinnuteqaat uunga nassiunneqassaaq 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik