airplanebooksbriefcase business cogs cross election entertainment fish house law lockmedicalpeopleselfservices socialtax

Sunngiffimmi pisortamik Maniitsumut

Qeqqata Kommuniani Maniitsumi Ilinniartitaanermut immikkoortortami sunngiffimmi pisortatut atorfik inuttassarsiorneqarpoq
Qinnuteqarfissaq kingulleq:
4. april 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. maj 2019 imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu: 

Qeqqata Kommuniani meeqqat atugaat immikkut sammineqarpoq. Kommunip peqqinnermut, peqqinnerulersitsinissamut kulturikkullu sunngiffimmi sammisaqartitsinerit sammisarai. Kommunip pingaartitaraa innuttaasut soqutigisaat, pisariaqartitaat innuttaasullu amerlassusiat aallaavigalugu naapertuuttunik sunngiffimmi atortorissaaruteqarnissaq. Nammineq kajumissutsimik suliniartarneq annertusarneqassaaq, inoqarfinnilu nukiit atorluarneqarnerussallutik. Timersornikkut, kulturikkullu atugassarititaasut ineriartortinneqartuassapput, matumani illoqarfinni aamma nunaqarfinni illup iluani silamilu atortorissaarutinik ineriartortitsineq, kiisalu timersoqatigiiffinnut timersortarfinnullu tapersersuineq. Sunngiffimmi neqeroorutit perorsaanikkut ineriartuutaasumik neqeroorutaassapput ukioqatigiinnut assigiinngitsunut, soorlu ilaatigut Islandimiit isumassarsiorneq ujartorneqarluni. Suliniutini taakkunani tamani sunngiffimmi pisortaq perorsaanikkut siuttutut, ataqatigiissaarisutut qitiusumik inissisimavoq, aamma innuttaasut, peqatigiiffiit, suleqatit suliffeqarfiillu taassuma ataaniittut suleqatiginerisigut kommunip anguniagaanut piviusunngortitsissalluni.

Suliassamut pissanganartumut tassunga peqataarusuppit?

 

Pingaarnertut suliassat akisussaaffiillu

Kulturikkut ingerlatsinermi sammisassaqartitsineq pillugu inatsisartut inatsisaat nr 5, 6 juni 2016-meersoq naapertorlugu kulturikkut ingerlatsineq sunngiffimmilu sammisaqartitsineq aamma kulturikkut ingerlatat allat nalinginnaasut, taakkununnga Maniitsumi aamma nunaqarfinni piginnaanngorsaataanngitsumik sunngiffimmi atuartitsineq, sunngiffimmi ornittakkat, sunngiffimmi sammisaqartitsiviit meeqqat inuusuttullu suliniaqatigiiffii.

Ilinniartitaanermut pisortaq qaninnertut pisortaralugu kommunip allaffiani inissisimassaatit, akisussaaffeqarfigalugillu:

  • Maniitsumi nunaqarfiinilu sunngiffimmi atuartitsinermut, sunngiffimmi kulturikkullu neqeroorutinut pingaarnertut perorsaanikkut aqutsinermi pingaarnertut akisussaaneq, missingersuusiornermi akisussaaneq kiisalu nakkutilliinermut akisussaaneq.  Taakkua tassaallutik Maniitsumi nunaqarfiinilu sunngiffimmi inuusuttullu klubbii, katersugaasivik, nipilersornermik ilinniarfik atuakkanillu atorniartarfik
  • Peqatigiifinnut siunnersuineq
  • Kulturikkut, sunngiffimmi timersornermilu aaqqissuinernut suliniuteqarneq ataqatigiissaarinerlu
  • Kulturikkut timersornikkullu tunngasutigut pilerisaarineq
  • Immikkoortortami suliniutinik allanillu politikkikkut aalajangigassani saqqummiussassanik kiffartuussineq

 

Pisinnaasat

    • Meeqqat atuarfiani ilinniartitsisutut ilinniarsimasuussaatit

    • Kommunimi naleqartitat tallimaasut naapertorlugit perorsaanermut aqutsisutut suliaqasaatit: Kajumissuseq, Akisussaaqataaneq, Ataatsimoorneq, Pisinnaasatigut ineriartortitseqatigiinneq aamma Oqaloqatigiinneq

    • Suleqatigiinni sulinissamut nuannarisaqartuussaatit aammalu akimortumik suleqateqarluni piginnaasanik ineriartortitsinissaq ukkataralugu allat peqatigalugit ineriartortitseqataallutit

       

Qinnuteqartumut piumasaqaatit

    • Nutaaliorusussuseqarputit allanillu peqateqarlutit sammisasanik perorsaanikkut sammisassanik uummarissaataasunik ineriartortitsinissamut nuannarisaqartuusutit

    • Akimortumik suleqatigiinnisamut, innutaasunik peqataatitsisinnaanermut, kajumissuseqarnissamut, nunat assigiinngitsunut akuulersitsinissamut sulisullu atugarissaarnissaannut aqutsisutut ammasumik inooriaaseqartuusutit

       

Maniitsoq ukiuni kingulerni arlalippassuarni aalisarnikkut ingerlalluartuuvoq, tassani kommuni illoqarfimmik takujuminarsaanermik, inissianik sanaartornissanik suliaqartarsimalluni aammalu nutaamik eqqarsarnikkut meeqqeriveqarnikkut sunngiffimmilu sammisassatigut neqeroorutinik suliaqarluni.   Maniitsumi makkunuunatigut periarfissaqarluarpoq:

  • meeqqerivinni inissat akitigut appasissut
  • sunngiffimmi susassaqartitsinermut tunngasut
  • sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
  • pinngortitamut pisuttuarneq angallammillu angalaarluni periarfissat pitsaasut

Akissarsiat, atorfinitsitaanermilu atugassarititaasut: 

Atorfinitsinneqarnermi atugassarititaasunut Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffiat IMAK-ip allallu akornanni Isumaqatigissutaat 27. august 2014-imeersoq aamma Kalaallit Nunaanni Naalakkersuisut akornanni pingaarnertut isumaqatigiissutitut 28. oktober 1998-imi isumaqatigiissutaat atuuttoq.

Atorfinittut tjenestemandisut atorfimminiit nuuttut isumaqatigiissutaat malillugu atorfeqartinneqaannassaaq.

Sunngiffimmi pisortatut atorfik akissarsiat qaffariarfianni 36-mi inissisimavoq.

 

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq.

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq.  Inatsit naapertorlugu poitiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.  

 

Atorfininneq pissaaq 1. maj 2019 imaluunniit isumaqatigiinnikkut.

 

Atorfik pillugu paasisutissat annertunerusut ilinniartitaanermut pisortamut Anna Heilmann, oqarasuaat (+299) 81 78 68, e-mail: annh@qeqqata.gl-imut saaffiginninnikkut pissarsiarineqarsinnapput.

 

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunik pinerliisimannginnermullu uppernarsaammik ilaqartinneqartoq, kingusinnerpaamik 4. april 2019-mi uunga nasiunneqassaaq:

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Anna Heilmann

(+299) 81 78 68

annh@qeqqata.gl