airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni utoqqaat angerlarsimaffiat QUPANUK immikkoortortami aqutsisussarsiorpoq puigortunngortuni aammalu immikkoortortap aappaani.

Qeqqata Kommuniani ilaqutariinnermut immikkoortortami Utoqqaat Angerlarsimaffiat QUPANUK Demensafdeling (puigortunngorsimasut immikkoortortaqarfiani) aammalu immikkoortortap aappaa-ni aqutsisussarsiorpoq
Qinnuteqarfissaq kingulleq:
17. april 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Maj aallaqqaataani isumaqatigiinnikkulluunniit
Akissarsiat:
Isumaqatigiissut malillugu

Suliassat akisussaaffiillu: 

Utoqqaat Angerlarsimaffiat najugaqartunut 43-nut inissaqartitsisoq immikkoortortanut 1&2 aamma  3&4. Ini ataaseq qasuersaarfissatut (aflastning) naatsorsuussaavoq. Utoqqaat najugaqarfii immikkoor-tortat marluk immikkoortortami aqutsisussarsiuuppagut.

Utoqqaat Angerlarsimaffiat QUPANUK ineriartorfiuvoq naleqartitaqarluta anguniagaralugulu naju-gaqartuutitta timikkut tarnikkullu suli pitsaanerusumik sullinnissaat.

 

Suliassat akisussaaffiillu :

  • Tunngaviusumik passussineq isumaginninnerlu toqqaannartumik ikiuunneq.

  • Immikkoortortami aqutsisutut akisussaaffinnik naammassinninneq qulakkeerinninnerlu.

  • Immikkoortortami sulisut tiimiisa pilersaarusiorneri.

  • Suliassanik agguataarineq.

  • Immikkoortortaqarfimmi ineriartortitsineq.

  • Ukiumut pilersaarusiorneq.

  • Nutaaliorneq ineriartortitsineq.

  • Najugaqartut susassaqartinneqarneranni ikiuunneq.

  • Ikiortinik ilinniartunillu ilinniartitsineq.

  • Nakorsiartitsineq nakorsaq utoqqaat angerlarsimaffianiitillugu.

  • Najugallit ilaqutaasalu akornanni ilisimatitsisarneq attaveqaataanerlu.

  • Najugallit pitsaanerpaamik toqqissisimanissaat suliniuteqataaffigalugu.

  • Utoqqaat Angerlarsimaffianni aqutsisoqatigiinnut suleqataaneq.

  • Angerlarsimaffimmi piffiit ilaanni pingaartuuneq.

  • Najugaqartut pitsaasumik sullinneqarnissaannut anguniagaqarneq pingaartitsinerlu.

  • Akimortumik utoqqarnik sullissisunik angerlarsimaffinnilu ikiortinik suleqateqarneq.

  • Pisortap tullersortilluunniit peqanngeriataarnissaanut akisussaaffimmik tigumminninneq.

  • Qeqqata Kommuneata naleqartitaanik piviusuutitsineq.

     

     

 

Pisinnaassutsit piumasaqaatillu:

  • Peqqinnissamut tunngasumik ilinniagaqarsimanissat iluaqutaassaaq.

  • Aqutsisutut ilinniarsimaneq iluaqutaassaaq.

  • Aallarnisaanissamut nassuiaassisinnaanermullu piginnaasaqassaatit.

  • Akunnermiliunnissamut sapiissuseqassaatit

  • Marluinnik oqaaseqartuussaatit kalaallisut qallunaatullu (piumasaqaataanngilarli)

  • Pinerluuteqarsimannginnermut uppernarsaat.

  • Utoqqarnik sullisserusussuseqartuussaatit pimoorussisuullutillu.

  • Puigortunngorneq pillugu pikkorissarsimaneq iluaqutaassaaq.

  • Aaqqiagiinnginnernik aaqqiiniarusussuseqassaatit.

  • Najugaqartunut nalimmassarsinnaassuseqassaatit timikkut tarnikkullu sullissinissamut piumassuseqarlutit.

  • Najugaqartunut sulisunullu aqqutissiuussisinnaasuussaatit.

  • Naammagittarsinnaassuseqassaatit, allallu isumaannik inissaqartitsisuullutit.

  • Inussiarnersuussaatit saaffikkuminarlutit tatiginninnermillu pilersitsisinnaassuseqarlutit.

Akissarsiatigut atorfinitsitaanermilu atugassarititaasut: 

Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

 

Inissaqartitsisoqarsinnaavoq malittarisassat atuuttut malillugit ineqarnermut qaammammut akilii-soqartassalluni.

 

Atorfinitsitsineq pissaaq 01.maj 2019 imaluunniit isumaqatigiissuteqarnikkut

 

Atorfinnut sukumiinerusumik paasissutissat Utoqqaat Angerlarsimaffiata pisortaanut Paneeraq Grønvold Samuelsen oqarasuaat: 86 73 50-mut mail: pags@qeqqata.gl –mut saaffiginninnikkut pineqarsinnaapput.

 

Qinnuteqaatit pappilissallu ilinniarsimanermut uppernarsaatit, CV, oqaaseqaatillu uunga kingusin-nerpaamik 17. April 2019 nassiunneqariissapput uunga:

 

Qinnuteqaat uunga nassiunneqassaaq: 

Qeqqata Kommunia
HR Afdeling  
Postboks 1014

3911 Sisimiut
E-mail: job@qeqqata.gl  
Web: www.qeqqata.gl

Attavissaq:

Paneeraq Grønvold Samuelsen

(+299) 86 73 50

pags@qeqqata.gl