airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Qeqqata Kommuniani pinaveersaartitsinermik sinnersortimik kiisalu pinerluttunik isumaginnittoqarfimmi avitseqatigiilluni atorfimmut pissarsiorpoq

Qeqqata Kommunia piffissap ilaani pinaveersaatitsisumik kiisalu piffissap ilaani Pinerluttunik isumaginnittoqarfimmi isumassuinermi ikiortimik pissarsiorpoq.
Qinnuteqarfissaq kingulleq:
26. april 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
Maj aallaqqaataani isumaqatigiinnikkulluunniit.
Akissarsiat:
Isumaqatigiissutit malillugit

Atorfininneq- aamma isumaqatigiissutit: 

Ilaatigut kommunimi nal. 8-12 akornanni sulinissat kiisalu ilaatigut nal. 12-16 akornanni Pinerluttunik isumaginnittoqarfimmi sulinissat naatsortsuutigaarput, tamannalu atorfiit marluusut akornanni sulineq nikerartinneqarsinnaakutsoorluni. Frihedenimi Pinerluuteqarsimasunik isumaginnittoqarfimmi sineriak tamakkerlugu, Ilulissanit Tasiilaq tikillugu, sulisunit qanimut suleqatigiinnertaqassaaq, Nuummilu immikkoortortaqarfimmik pingaarnertut suleqatigiinneq ingerlanneqassalluni. 

Pinaveersaartitsinerup aamma meeqqat inuusuttullu akornanni Pinerlunniarnermut pinaveersaartitsinerup Pinerluttunillu isumaginnittoqarfiup iluani akimortumik ataqatigiissumillu suliaqartoqarnissaata sulisup qulakkiissagaa kissaatigaarput.               

 

Suliassat akisussaaffiillu:

  • Illoqarfimmi akimortumik pinaveersaartitsiniarnernut ataqatigiissaarinernut peqataaneq

  • Illoqarfimmi pinaveersaarutaasumik sammisassatigut pilersaarusianut akisussaaqataaneq

  • Atuarfinni meeqqerivinnilu kiisalu inuusuttut sukisaarsaartarfiini paasititsiniaanerit tigussaasut

  • Meeqqanut inuusuttunullu pinaveersaarutitut sammisassaqartitsilluni pinaveersaartitsisumik miljøarbejderinillu qanimut suleqateqarneq

  • Meeqqat inuusuttullu akornanni ajornartorsiutit pinngitsoortinniarlugit ineriartoqqinnginniassammatalu atornerluinerup pinerlunniarnerullu ingalassimaarnissaanik suliniuteqarneq.

  • Allaffissornikkut suliassat

  • Suliassat takkussuuttut

     

Pinerluttunik isumaginnittoqarfimmut suliassat akisussaaffiillu:

 

  • Nakkutigineqartussamut pineqaatissiissutigineqartut aammalu inuiaqatigiinni kiffartuussisussatut pineqaatissiissutigineqartut kiisalu eqqarsartaatsikkut napparsimasunut pineqaatissiissutigineqarsimasut sunniuteqartinnissaannik qulakkeerinninneq, aammalu misiligummik iperagaagallartut pillugit aalajangiinerup sunniuteqartinnissaanik qulakkeerinninneq

  • Nakkutigineqartussanik, inuiaqatigiinni kiffartuussisussatut pineqaatissinneqarsimasunik, eqqarsartaatsikkut napparsimasunik aamma misiligummik iperagaagallartunik allaffissornikkullu suliassanik nakkutiginnilluni suliaqarneq, nalunaarummi nakkutilliineq inuiaqatigiinnilu kiffartuussisarneq pillugu 7. dec. 2009-meersumi allaqqasoq malillugu

  • KiF-imi allaffissornikkut sulisumik suleqateqarneq 

  • Inunnik misissuinissaq pillugu politiinit qinnuigineqartunut tunngatillugu suliassat

  • Allaffissornikkut suliassat 

  • Suliassat takkussuuttut

 

Piginnaasassat:                     

  • Isumaginninnermut tunngassuteqartunik ilinniagaqartuusutit 

  • Oqartussaqarfinni allani misilittagaqartuusinnaavutit

  • Suleqateqallaqqissuusutit avatangiisinillu sunniisinnaassuseqartutit 

  • Pinaveersaartitsilluni suliaqarnermut misilittagaqartuusutit 

  • Akimortumik ataqatigiissaarisinnaasuusutit

  • Marluinnik kulturilimmi avatangiisilimmi anguniagalimmk sulisinnaassuseqartutit

  • Nutaaliortuusutit isumassarsillaqqissuusutillu 

  • Nammineersinnaassuseqartutit sulianillu aallartitsillaqqissuusutit

  • Arlalinnik oqaaseqartuusinnaavutit, kalaallisut qallunaatullu

     

     

     


Akissarsiat atorfininnermilu atugassarititaasut: 

 

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffimmi akornani isumaqatigiissutit sukkulluunniit atuuttut naapertorlugit inissinneqassapput.

Pinaveersaartitsinermut siunnersortitut/ isumassuinermi ikiortitut atorfik allaffissornikkut Maniitsumi inissisimavoq, Pinerluttunik isumaginnittoqarfiup Ilaqutariinnullu inerisaaviup ataani inissisimavoq.

 

Meeqqanik pinerliisimannginnermut uppernarsaasarneq

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.   

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Maj aallaqqaataani isumaqatigiissuteqarnikkulluunniit atorfinittoqassaaq.

Atorfik pillugu paasisaqarnerorusukkuit attavigisinnaavat 

Bertha Dalager ilaqutariinnermut pisortaq e-mail-imut:

beda@qeqqata.gl oqa.nr. (+299) 81 78 53 aammalu Pinerluttunik isumaginnittoqarfimmi atorfik pillugu Trine Chemnitz e-mailimut: tc@krfo.gl oqa. 347509 attavigineqarsinnaavoq.

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq, kingusinnerpaamik 2019-imi apriilip 26-ani tigoreersimassavarput

 

Qinnuteqaat uunga nassiunneqassaaq:

Qeqqata kommunia

Sulisoqarnermut immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

 

 

 

 

 

 

 

Kommunimi atorfilimmik naapitsigit
Qeqqata Kommuniani kommunimi sulisut (atuarfinni, paaqqinnittarfinni, allaffeqarfeqarfimmi) 1300-t missaanniipput, taakkunannga 141-t, Sisimiuni 94-t Maniitsumilu 47-t, allaffeqarfimmi atorfeqarlutik.

 

Nittartakkatsinni www.qeqqata.gl/ansat kommunimi sulisut assigiinngitsut pingasut pillugit atuarsinnaavatit. 

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq 

Postbox 1014

3911 Sisimiut

E-mail: job@qeqqata.gl

We: www.qeqqata.gl/atorfik

Attavissaq:

Bertha Dalager

+299 81 78 53

beda@qeqqata.gl