airplanebooksbriefcase business cogs cross election entertainment fish house law lockmedicalpeopleselfservices socialtax

Sarfannguit atuarfiani aqutsisoq

Qeqqata Kommunia Sarfannguit atuarfiani aqutsisussarsiorpoq
Qinnuteqarfissaq kingulleq:
23. april 2019
Sumiiffik/Pisortaqarfik:
Sarfannguit
Sivisussuseq:
Tamakkiisoq
Atorfininnermi ulloq:
Juni aallaqqaataani imaluunniit isumaqatigiinnikkut
Akissarsiat:
Isumaqatigiissutit malillugit

Atorfinitsitaaneq isumaqatigiissutillu 

Sarfannguanut atuarfimmi aqutsisussarsiorpoq:

Atuartut 17-iupput

Ilinniartitsisunut sisamanut amerlassusiligaavoq

Ilinniartitaanermut pisortaq Annga Lynge oqarasuaatikkut (+299) 86 7380, e-mailikkut: anly@qeqqata.gl attavigineqarsinnaavoq

 

Atuarfimmi aqutsisoq atuartitsissutini tamani atuartitsisinnaasariaqarpoq.

Sarfannguani atuarfimmut atuarfimmi aqutsisumik, ulluinnarni ingerlatsinermut, ilinniartitsisunut, aqutsisut ingerlatsivillu peqatigalugu akisussaasussamik pissarsiorpugut. Qeqqata Kommuniani meeqqat atuarfia ineriartupiloorpoq, tamannalu tunngavigalugu aqutsisumik ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik kiisalu pingaartumik meeqqanik suleqateqarluarnermik pingaartitsisumik pissarsiorpugut. Sarfannguani atuartut 1.-8. klassimiittut 17-iupput, ilinniartitsisunullu sisamanut amerlassusiligaalluni. Nunaqarfimmi atuarfimmi pissanganartumik ineriartortumi aqutsisumik kajumissaataasumik, naligiisitaanermik kiisalu perorsaanikkut ersarissumik aqutsinermik upperisaqartumik pisariaqartitsivugut. Atuarfik Nunavumi klassimik, Catalonien-imi klassimik atuarfimmit paarlaaqateqartarpoq kiisalu Skype aqqutigalugu tuluttut ilinniartitsinermik ingerlataqarluni.

Tamatuma saniatigut inuusuttut akornanni atuagarsornikkut angusarissaarnissaat kiisalu namminersorsinnaanissaat atuarfimmit ukkatarineqarpoq, taamaalillutillu Maniitsumi 8.-9. klassimik ingerlatsinissaminnut piareersimassallutik. Ukkatarineqartut allat tassaapput:

·         Atuartitsinermi iPad-ip atorneqarnera kiisalu Granny Cloud

·         1. klassimit tuluttut atuartitsineq

·         Atuartitsinerup pissarsiaqarfiginissaanut, klassimi ingerlalluarnissamut kiisalu atuarfiup angerlarsimaffiullu akornanni naatsorsuuteqarnermut isumaqatigiissutip tamanit malinneqarneranut atatillugu, angajoqqaanik atuartunillu ataavartumik suleqateqarneq

·         Ukiumut sapaatillu akunneranut pilersaarutinut, pilersaarusiornernut, atuartunut iliuusissatut pilersaarusiornernut, atuartut ingerlalluarnerinut il.il. pillugit atuarfiup intra-nik atuineq.

 

Sarfannguit 124-inik innuttaqarpoq, UNESCO World Heritage Site Aasivissuit - Nipisat between Sisimiut and Kangerlussuaq-llu akornanni kisiartaalluni najugaqarfiulluni.

Suliassat:

  • Sulisunik aqutsineq, sulisunik ineriartortitsineq allaffissornerlu
  • Missingersuutinik naatsorsuutinillu nakkutilliineq malitseqartitsinerlu
  • Nakkutilliineq matumani Sarfannguup Atuarfiata ataani illuutinik kiisalu atuareernerup kingorna paaqqinnittarfimmik aserfallatsaaliineq
  • Nunaqarfimmi innuttaasut sunngiffimmi atuartinneqarnissaannik neqerooruteqarnissamut qulakkeerineq
Atuarfiup siulersuisa kiisalu kommunalbestyrelsip saniatigut, atuarfimmik ingerlatsinermut akisussaaneq

Akissarsiat atorfeqartitaanermilu atugassarititaasut.  

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutit naapertorlugit pissaaq. Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.

 

Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.  Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut naapertorlugit akilersorneqartussamik.  

 

2019-imi Juni aallaqqaanit atorfinitsitsisoqassaaq imaluunniit isumaqatigiissuteqarnikkut.

 

Qinnuteqaammut immersugassaq www.qeqqata.gl/job-imut aaneqarsinnaavoq.

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 23. April 2019-mi tigoreersimassavarput

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Annga Lynge

(+299) 86 73 80

anly@qeqqata.gl