airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Maniitsumi miljøarbejder-itut atorfik inuttassarsiorneqarpoq

Atorfik ataaseq inuusuttunut najugaqatigiiffimmi inissisimalluni Ilaqutariinnut inerisaaviup ataani.
Maannakkut inuusuttunut najugaqatigiiffik sisamanik sulisoqareerpoq.
Qinnuteqarfissaq kingulleq:
15. april 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu 

 
  • Inuusuttut 17½ -23-nik ukiulinnut najugaqatigiiffik qanimut suleqatigineqassaaq. Inuusuttumiit inersimasumut pitsaasumik ikaarsaarnissaannut tapersersorneqassapput, aammalu pitsaasumik nammineersinnaalernissaannut aqqutissiuunneqarlutik imminut napatissinnaalernissaannut.
  • Inuusuttut suliffeqarnissaannut imaluunniit ilinniagaqarnissaannut kaammattorneqassapput. 
  • Inuusuttut sunngiffimmi peqqinnartunik sammisaqartarnissaat.                                                              
  • Pitsaaliuineq inuusuttut akornanni annertooq suliniutigineqassaaq, tassa inuusuttut allat illoqarfimmiittut ilanngullugit sullinneqassammata.
  • Qanimut suleqatigineqassapput Ilaqutariinnut inerisaavik, angajoqqaat, Piareersarfik, Pilersitsivik, ilaqutariinnermut immikkoortortaqarfik, suliffeqarfiit, allallu inuusuttunut attuumassuteqarsinnaasut.
  • Inuusuttunut siunnersuineq ilitsersuinerlu. Iliuusissanik pilersaarutip malitseqartinneqarnissaa.
  • Asiarnissanut inuusuttut peqatigalugit pilersaarusiorneq.

 piginnaasassat

 

  Meeqqanik inuusuttunillu sullitaqarnermik misilittagaqarsimassaatit.

 Tarnikkut qajannaatsuussaatit, isumaqatiginninniallaqqissuullutillu, pingaartumik aaqqiagiinnginnermik ingerlatsinermi isornartorsiuinermilu.

 Tatiginartuussaatit, misiginneqataasinnaassaatit maligassiuisuusinnaallutillu.   

 Inuusuttoq naligalugu naammagittassuseqartuussaatit, kiisalu toqqissisimasuussaatit

 Suleriutsinut naleqqussarsinnaassuseqartuunissat, attaveqaqatigiuminartuunissat aammalu

 ajunngitsumik eqqarsartariaaseqartuunissat pingaatinneqarpoq.

Akissarsiat atorfeqarnermilu atugassarititaasut  

 

Akissarsiaqarnermi atorfeqartitaanermilu atugassarititaasut Naalakkersuisut aamma Atorfillit Kattuffiata akornanni isumaqatigiissutit atuuttut naapertorlugit aaqqinneqassapput.

 

Atorfimmut atatillugu inissaqartitsisoqanngilaq

 

Meeqqanik pinerliisimannginnermut uppernarsaat

Pinerlussimannginnermut /pinerluuteqarsimanermut kiisalu meeqqanik pinerliisimannginnermut uppernarsaatit naammaginartuuneri naapertorlugit atorfinitsitsisoqassaaq. Atorfinitsinneqartussap atsiornikkut akuersissuteqarneratigut, uppernarsaatit atorfinitsitsinissamut oqartussaasut piniassapput, taakkulu Rigspoliti-mut piniarneqassallutik.

 

Piaartumik, isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Inuusuttut najugaqatigiiffianni aqutsisoq Tina Rosing oqarasuaat (+299) 81 34 88 email: tijg@qeqqata.gl atorlugit saaffiginninnikkut pissarsiarineqarsinnaapput. Imaluunniit ornigulluni: Tunoqqusaaq 833 A6

 

Qinnuteqaat ilinniarsimanermut siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu kingusinnerpaamik 2019 april-ip 15-ani Qeqqata Kommunia Sulisoqarnermut immikkoortortap tigoreersimassavaa.

 

 

Qinnuteqaat uunga nassiunneqassaaq:  

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: jobs@qeqqata.gl

Web: www.qeqqata.gl/atorfiit

Attavissaq:

Tina Rosing

(+299) 81 34 88

tijg@qeqqata.gl