airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi atuilluartuunissaq pillugu siunnersortissarsiorpugut

Maniitsumi Qeqqata Kommunianut Atuilluartuunissamut siunnersortitut atorfik pissanganartoq suliniutinik aqutsinermut misilittagalimmik inuttassarsiuunneqarpoq
Qinnuteqarfissaq kingulleq:
14. juni 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
Juli aallaqqaataani isumaqatigiinnikkulluunnit
Akissarsiat:
Isumaqatigiissut malillugu

Suliassat akisussaaffiillu: 

Suliassat akisussaaffiillu:

  • Aatsitassanut Attaveqaqatigiinnermullu immikkoortortani sulianik suliarinninneq

  • Suliniutinik aqutsineq atuilluartuunissamillu ingerlatsineq

  • Aaqqissuussaasumik pilersaarusiorneq aamma akimortumik atuilluartuunissamik suliniutinik isumannaarinninneq

  • Aqutsisoqatigiinnut- aamma sulisoqatigiinnut kommunip pilersissimasaanut peqataaneq, kiisalu

  • Innuttaasut Suleqatigiinnut aamma Nerisarfik pillugu ataatsimiititaliamut allattuuneq

  • Suliffiup iluani avataanilu attaveqaqatigiinnikkut suliassat ineriartortinnissai peqataaffigalugit, atuilluartuunissakkullu eqqarsartariaatsip suleqatinut innuttaasunullu ingerlateqqinnissaa

  • Suliffiup avataaniittunik oqartussaasunik, kattuffinnik suliffeqarfinnillu aammalu pisortaqatigiinnik suliassatigut avitseqateqarsinnaanermik suliniutinik inerisaanermik / suleqateqarnermik peqataaffeqarneq

  • Pinartunut suliassanut peqataaneq


Piginnaasassat:

  • Suliassanut attuumassutilimmik ilinniagartuujuvutit allamilluunniit attuumassuteqartumik ingerlaqqiffiusumik ilinniagaqartutit aamma Kalaallit Nunaanni inuiaqatigiinni pissutsinut ilisimasaqartutit

  • Oqaatsitigut allattariarsornikkullu attaveqaqateqallaqqissasutit

  • Tamanik takunnillaqqissuseqartuusutit, suliassanik aallartitsisinnaassuseqartutit, iliuuseqallaqqissuusutit sungiussiasuusutillu

  • Suleqateqarluarsinnaasutit, avatangiisinnillu sunniisinnaassuseqassasutit

  • Inerisaanermut ineriartortitsinermullu suliniutit misilittagaqarfigissagitit

  • Kulturimi marloqiusaasumik avatangiisilimmi anguniagaqartumik sulisinnaassuseqartutit

  • Arlalinnik oqaaseqartuusutit, kalaallisut, qallunaatut tuluttullu

Akissarsiat atorfininnermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akkornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Juli aallaqqaataani isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat annertunerusut, Maniitsumi ineriartortitsinermut pisortamut Sofie Jessen-imut, oqarasuaat (+299) 81 78 49, e-mail: soje@qeqqata.gl saaffiginninnikkut pissarsiarineqarsinnaapput imaluunniit Sisimiuni Pisortaanerup sulisuinut pisortamut Hans Christian Sværd, oqarasuaat (+299) 86 73 02, e-mail: hcsv@qeqqata.gl

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2019-imi juni 14-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Sofie Jessen / Hans Christian Sværd

+299 81 78 49 / +299 86 73 02

soje@qeqqata.gl / hcsv@qeqqata.gl