airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Pilersitsivik ikiortissarsiorpoq

Pilersitsiviup sannavia atuagarsorfiunngitsumik ingerlataq Majoriaq Maniitsup ataani inissisimavoq, atuartunut qulinut 15-29-nik ukiulinut inissaqartitsisoq.
Qinnuteqarfissaq kingulleq:
31. maj 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
September aallaqqaataani isumaqatiginnikkulluunniit
Akissarsiat:
Isumaqatigiissutit malillugit

Maniitsumi Pilersitsivik ikiortissarsiorpoq 

Pilersitsivimmi ingerlaneq neqoroorutaavoq, inuusuttunut arlaatigut peqquteqarluni ilinniakkamut suliffimmulluunnit ingerlariaqqinngitsoorsimasunut kajumilersitsinissamik sammitinneqartoq.

 

Sannavimmi sulisut tassaapput ilinniartitsisoq ataaseq ikiortilu ataaseq, tamakkiisumik sulisuusut.

 

Suliassat akisussaaffiillu annerusumik makuupput:

  • Inuusuttuaqqat meeqqat atuarfiiniit naammassereerlutik unittoornikut, suliffeqalernissaat ilinniakkamilluunniit aallartitsinissaannik ilitsersorlugillu tapersersussallugit

  • Pilersitsivimmi atugarisat nuannersuunissaat qulakkiissallugu.

  • Pilersitsivimmi maleruagassat atuartunit malinneqarnissaat qulakkiissallugu

 

Piginnaasat makku piumaneqarput:

  • Sanaartornerup iluani imaluunnit inunnik sullissisutut ilinniarsimasoq taakkununngaluunnit sammisumik ukiuni arlaqartuni sulinermi misilittagaqartoq (sannavinni sulisimaneq pitsaaqutinut ilaasinnaavoq).

  • Inuusuttuaqqanik 15-29-illu akornanni ukiulinnik sullissinermik misilittagaqartuusutit

  • Inuusuttuaqqanik nuannarisaqartuusutit

  • Angajoqqaanik suleqateqarluarsinnaasutit

  • Aalajaatsuusutit akisussaassuseqartuullutillu, sulinermilu namminersorsinnaassuseqarluartutit

  • Timikkut tarnikkullu pisinnaalluartuusutit.

 

 

Neqoroorutigisinnaasarput tassaavoq:

Suliffimmi ineriartortumi akisussaaqataaneq, kiisalu nammineq inuttut sulianullu tunngassutilinni peqataallutit ineriartortitseqataaffigisinnaasat.

 

Akissarsiat atorfeqarnermilu atugassarititaasut 

Atorfininnerup nalaani Namminersorlutik Oqartussat SIK-llu isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq. Atorfimmut atasumik inissaqartitsisoqanngilaq.

 

Pineqaatissinneqarsimannginnermut uppernarsaat

Qeqqata Kommunianiit pissarsiarineqartussaq, meeqqanik pinerlisaqarsimannginnermut pineqaatissinneqarsimannginnermullu uppernarsaat naammagisimaarnartoq tunngavigalugu atorfinitsitsisoqassaaq.

 

Atorfininneq pissaaq 1. september 2019 imaluunnit isumaqatigiissuteqarnikkut.

Atorfimmut tunngatillugu paasissutissat annertunerusut pisortamut Bitten Heilmann-imut oqarasuaat 81 72 53-mut, email bitt@qeqqata.gl attaveqarnikkut pissarsiarineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik (CV), oqaaseqaatinik attuumassuteqarsinnaasunilluunnik ilalik nassiunneqasaaq uunga: Majoriaq maniitsoq, Postboks 202, 3912 Maniitsoq, imaluunnit mailikkut uunga: piaman@qeqqata.gl kingusinnerpaamillu tigoreersimassavarput ulloq 31. maj 2019.

Qinnuteqaat uunga nassiunneqassaaq 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Bitten Heilmann

(+299) 81 72 53

bitt@qeqqata.gl