airplanebooksbriefcase business cogs cross election entertainment fish house law lockmedicalpeopleselfservices socialtax

Angerlarsimaffimmi ikiortinut isumaginninnermi- aamma peqqinnissamut ikiortit marluk

Qeqqata Kommuniani Sisimiut Angerlarsimaffinni ikiortini ilinniarsimasunik sulisussarsiorput, isumaginninnermi peqqinnermut ikiortitut, isumaginninnermi ikiortitut imaluunniit peqqinnermut ikiortitut ilinniarsimaguit, Angerlarsimaffinni ikiortit ilinnit qinnuteqaammik tigusaqarusupput
Qinnuteqarfissaq kingulleq:
11. juli 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
august aallaqqaataani imaluunniit isumaqatigiinnikkut
Akissarsiat:
Isumaqatigiissutit malillugit

Atorfininneq isumaqatigiissutillu 

Piaartumik atorfinitsitsisoqarsinnaavoq.
Innuttaasunik inuttut ikiorneqarnissamik paaqqutarineqarnissamillu pisariaqartitsisunik, nammineernerulersitsisinnaasunik suliassanik kiisalu nalinginnaasumillu assassorfissatigut ikiuuttarput.
Sapaatip akunneranut suliffissat akunnerit 40-pput ulluinnarni nal. 8-22 nalaani. Qaammammut ataasiarluni sapaatit akunnerisa naanerini ataatsimi sulisarnissaq naatsorsuutigineqassaaq. Ilaanneeriarluni aggeqquneqaratarluni vagtiusoqaratartarsinnaavoq.

Suliassat makkuupput:

  • Inuttut paaqqutarinninnermik isumassuinermillu suliaqarneq tapersersuinerlu
  • Ilinniartitsineq ilitsersuinerlu
  • Innuttaasut angerlarsimaffiini nalinginnaasumik ikiuineq
  • Innuttaasunik puigortunngortunik allatigullu ajornartorsiutilinnik paaqqutarinninneq
  • Pigaartuunerni peqataaneq

 

Pingaartipparput illit:

  • Isumaginninnermi peqqinnermut ikiortitut, isumaginninnermi ikiortitut imaluunniit peqqinnermi ikiortitut ilinniagaqartuusutit
  • Suliatigut inuttullu ineriartornissamik kissaateqartuusutit
  • Kiffartuusserusussuseqartutit inunnillu qiimasuusunik pingaartitsisuusutit
  • Inunnik qanorluunniit utoqqaatigigaluarpata sullissinissannik nuannarisaqartuusutit
  • Ulluinnarni suliffinni eqaatsumik sulisinnaasutit ilakkuminartuusutillu, angerlarsimaffinni ikiortit iluini siunissami ineriartortitsinissamut peqataarusussuseqartutit
  • Suliffiup avatangiisiinik pitsaasumik tunniussaqarsinnaasutit
  • Pisussaaffimmik naammassinnikkusussuseqartuusutit patajaatsuullutillu
  • Akisussaassuseqartutit, ulluinnarnilu unammillernarsinnaasunut aaqqiissutissamik siunnersuuteqarsinnaasutit
  • Qiimasuusutit, qungujulallutillu suliassanik tigusisinnaasutit
  • Pinerluuteqarsimassanngitsutit
  • Biilernermut allagartaqartutit, tamannali piumasaqaataanngilaq

 

Suliffik neqeroorutigisarput.

  • Sukumiisumik ilisarititsineq
  • Piginnaasanik ataavartumik ineriartortitsineq
  • Suleqatigiinni ineriartornermut sunniuteqarnissamik periarfissaqartitsineq
  • Pitsaasunik suleqateqarluni angerlarsimaffimmi ikiortit ingerlalluartut
  • Suliassat pissanganartut, assigiinngitsut namminersorfiusullu

 

Akissarsiattaanermilu atugassarititaasut 

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma SIK akornanni isumaqatigiissutit atuuttut malillugit iluarsineqassapput.

 

Pinerliisimannginnermut uppernarsaat:

 

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.

Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Inissaqartitsisoqanngilaq.

 

Juli aallaqqaataani imaluunniit isumaqatigiinnikkut.

 

Atorfik pillugu paasissutissat sukumiinerusut angerlarsimaffimmi ikiortit Allaffik Marie Petersen-imut, oqarasuaat (+299) 86 42 84, e-mail: mpde@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu nassiunneqassaaq ulloq  20.  juni 2019-imi

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Marie Petersen

(+299) 86 42 84

mpde@qeqqata.gl