airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Pitsaaliuinermi siunnersortimik ilutigitillugu Kangaamiuni sunngiffilerinermik isumaginnittussamik pissarsiorpoq.

Qeqqata Kommunia ullup affaanut Pitsaaliuinermi siunnersortimik ullullu affaanut sunngiffimmi ataqatigiissaarisutut sulisartussamik pissarsiorpoq. Taamaalilluni ataatsimoortitsinikkut ulloq naallugu suliffiuvoq.

Pinaveersaartitsinerup aamma sunngiffiup iluani akimortumik ataqatigiissumillu suliaqartoqarnissaata sulisup qulakkiissagaa kissaatigaarput.
Qinnuteqarfissaq kingulleq:
12. juli 2019
Sumiiffik/Pisortaqarfik:
Kangaamiut
Sivisussuseq:
Tamakkiisoq
Atorfininnermi ulloq:
august aallaqqaataani isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

  • Nunaqarfimmi akimortumik pinaveersaartitsinermik suliniutinik ataqatigiissaarineq

  • Nunaqarfimmi pitsaaliuinermi suliassanut pilersaarummik suliaqartoqarnissaanut akisussaaqataaneq

  • Nukissanik pioreersunik ataqatigiissaarineq

  • Pitsaaliuinermik suliniutinik tigussaasunik aallartitsineq

  • Atuarfinni meeqqerivinnilu paasititsiniaanerit tigussaasut

  • Pitsaaliuinerik sammisat pillugit peqatigiiffinnik suleqateqarneq

  • Klubbimi ataqatigiissaarineq, ingerlatsineq nakkutilliinerlu

  • Peqatigiiffinnik suleqateqarneq

  • Pisussanik ataqatigiissaarineq

  • Sunngiffimmi atuartitsinermik ataqatigiissaarillunilu aqutsineq

  • Allaffissornikkut suliassat

  • Suliassat takkussuuttut

Piginnaasat:                     

  • Suleqateqallaqqissutit avatangiisinillu sunniisinnaassuseqartutit

  • Meeqqanik inuusuttuaqqanillu sullissinermik kiisalu pinaveersaartitsinerullu iluani misilittagaqartutit

  • Akimortumik ataqatigiissaarisinnaassuseqartutit

  • Marluinnik kulturilimmi avatangiisilimmi anguniagalimmik sulisinnaassuseqartutit

  • Nutaaliortuusutit isumassarsillaqqissuusutillu

  • Nammineersinnaassuseqartutit sulianillu aallartitsillaqqissuusutit

  • Arlalinnik oqaaseqartuusinnaavutit, kalaallisut qallunaatullu


Akissarsiat atorfeqartitaanermilu atugassarititaasut: 

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffimmi akornani isumaqatigiissutit sukkulluunniit atuuttut naapertorlugit inissinneqassapput.

 

Pinaveersaartitsinermut siunnersorti/ Sunngiffilerinermillu suleqataasutut atorfik allaffissornikkut Kangaamiuni inissisimavoq, Maniitsumilu nunaqarfinnut aqutsisup pinaveersaartitsinermilu siunnersortip ataani inissisimavoq.

 

August aallaqqaataani atorfinittoqassaaq.

Atorfik pillugu paasissutissat sukumiinerusut   nunaqarfinnut ataqatigiissaarisoq Louisannguaq Rosing e-mail: loro@qeqqata.gl oqarasuaat (+299) 81 78 33 atorlugit saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq 2019-imi 12. juli tigoreersimassavarput.

 

Qinnuteqaat uunga nassiunneqassaaq:

 

Qeqqata Kommunia

Sulisoqarnermut immikkoortortaqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Kommunimi atorfilimmik naapitsigit

Qeqqata Kommuniani kommunimi sulisut (atuarfinni, paaqqinnittarfinni, allaffeqarfeqarfimmi) 1300-t missaanniipput, taakkunannga 141-t, Sisimiuni 94-t Maniitsumilu 47-t, allaffeqarfimmi atorfeqarlutik.

 

Nittartakkatsinni www.qeqqata.gl/ansat-imi, kommunimi sulisut assigiinngitsut pingasut pillugit atuarsinnaavutit.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Louisannguaq Rosing

(+299) 81 78 33

loro@qeqqata.gl