airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni suliffimmut siunnersortimik inuttassarsiuunneqartoq

Qeqqata Kommuniata Namminersorlutik Oqartussat kiffartuussinissamut isumaqatigiissuteqarfigineratigut Majoriaq pilersinnikuuaa, taassumalu kommunimi suliffissarsiuussinerup, ilinniagaqarnissamut siunnersuinerup, inuussutissarsiutinik ilinniagaqarnerup kiisalu sulisunik piginnaanngorsaasarnerit iluaniittut tamaasa isumagisarissavai. Taamaalilluni Qeqqata Kommuniata suliffissarsiuussisarfiata piginnaanngorsaasarfik illoqatigaa. Majoriaq aaqqissuussaanikkut Inuussutissarsiornermut Takornariaqarnermullu ataatsimiititaliap ataani inissisimavoq.
Qinnuteqarfissaq kingulleq:
8. juli 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
august aallaqqaataani isumaqatigiinnikkulluunnit
Akissarsiat:
Isumaqatigiissutit malillugit

Suliassat akisussaaffiillu: 

  • Suliffissarsiortunik sulisitsisunut / suliffeqarfinnut innersuussinerit.

  • Suliffissarsiortunik nalunaarsuineq.

  • Suliffeqanngikkallarnersiutit pillugit sullissineq.

  • Suliffissarsiortunik sulilersitsinerit akissarsiatigut tapiissutit piginnaanngorsaanerillu aqqutigalugit suliffiup iluani avataaniillu suleqatigisartakkat suleqatiginerisigut.

  • Avataanit sulisoqarneq pillugu qinnuteqaatinik sullissineq.

  • Suliffissaqartitsiniarluni suliniutinut tunngatillugu, Kommunip nunaqarfiinut siunnersuineq.

  • Suliffeqarfinnut pulaartarneq suliffiup iluani avataanilu sulisut suleqatiginerisigut pikkorissaanissamut, ilinniagaqaqqinnissamut piginnaanngorsaanissamullu pisariaqartitsinerit qulaajarnissai siunertaralugu.

  • Pikkorissarnissamut, ilinniagaqaqqinnissamut qinnuteqaatit suliarineri kiisalu paasissutissanik nuna tamakkerlugu toqqorsivimmut iliuusissatut pilersaarutinik nalunaarsuineq.

  • Piginnaanngorsaalluni suliaqarneq, sulilersitsinerit ilinniagaqartitseqqinnerlu.

  • Suliffissarsiortunut iliuusissatut pilersaarutit suliarineri kiisalu Suli.gl-imi CV-mik allattuinissamik ilitsersuineq.

  • Sisimiuni sulisartut piginnaasaviinik ineriartortitsineq assigiimmik suliffeqarfinnut ilinniarfiit suliffeqarfiillu suleqatigalugit.

Atorfimmut piginnaasassat:

  • Kalaallit Nunaanni ilinniarfiit pillugit ilisimasaqarluarneq.

  • Suliffimmi suliassanut tunngatillugu eqaatsuuneq.

  • Nunat tamalaat kulturiinut piginnaasat.

  • Eqaatsuuneq nammineersinnaassuseqarnerlu.

  • Suleqateqarsinnaaneq.

  • Marluinnik kalaallisut danskisullu oqaaseqartuusoq.

Akissarsiat, atorfinitsitaanermilu atugassarititaasut: 

 Aningaasarsiat atorfininnermilu atugassarititaasut, Naalakkersuisut atorfeqartussallu pe­qatigiiffianut isumaqatigiissutit atorfininnerup nalaani atuuttut malillugit atorfinitsitsisoqassaaq.

Atorfiniffissaq august aallaqqaataani imaluunniit isumaqatigiissuteqarnikkut.

Atorfik pillugu ersarinnerusumik paasissutissat Immikkoortortami pisortamut Frederik Kreutzmann oqarasuaat 86 71 50 imal. mail frkr@qeqqata.gl saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik, kingusinnerpaamik  juli-p  8.-ani 2019-imi tigoreersimassavarput. Qinnuteqaat

Uunga nassiutissaaq.:

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Attavissaq:

Frederik Kreutzmann

(+299) 86 71 50

frkr@qeqqata.gl