airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Meeqqanut Ilaqutariinnullu immikkoortortami isumaginninnikkut siunnersorti/sullissisoq

Qeqqata Kommunia Sisimiuni Meeqqanut Ilaqutariinnullu immikkoortortami isumaginninnikkut siunnersortimik/sullissisumik marlunnik pissarsiorpoq.
Qinnuteqarfissaq kingulleq:
10. juli 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. august 2019 imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffillu:  

Qeqqata Kommunia (Sisimiut) Meeqqanut Ilaqutariinnullu immikkoortortamut isumaginninnikkut siunnersortimik/sullissisumik marlunnik pissarsiorpoq.

Ilaqutariinnermut immikkoortortaq 25-nik sulisoqarpoq, taakkungannga Meeqqanut Ilaqutariinnullu immikkoortortamut Immikkoortortami aqutsisoq, Ikiorsiisanermut immikkoortortaq, Allatseqarfik, Utoqqarnut immikkoortortaq aamma Innarluutilinnut immikkoortortaq ilanngullugit sulisunut qulingiluanut amerlassusiligaalluni.

Ilaqutariinnermut immikkoortortami suleqataasut suliamikkut inuttullu ineriartorput, tassani immikkoortut arlallit ukkatarineqarlutik, pingaartumik meeqqanut inuusuttunullu tunngasut. Qeqqata Kommunia meeqqanut inuusuttunullu ukkatarinnittunik suleqatigiissitanik arfinilinnik pilersitsinikuuvoq, tassani suleqatigisat attuumassuteqartut tamarmik peqataallutik aammalu taakku illup iluani avataanilu qanittumik suleqatigiillutik. Aammattaaq ilaqutariinnermut immikkoortortami sullissinerup iluani atugassiaasussamik "Qeqqata-model" pilersaarummik suliaqartoqarpoq.

Isumaginninnermut siunnersortip annertunerusumik suliassaqarfigissavai Meqqanik ilaqutariinnillu suliassat, siunnersuineq ilitsersuinerlu kiisalu inatsit atuuttoq naapertorlugu ikiorsiiniutinik aallartitsineq, ililuusissatut pilersaarutinik isumaginninnikkullu misissuinernik suliaqarneq, inissarsiuussineq innersuussinerlu, sullitat akimorlugit ataatsimiinnerit, illup iluani avataanilu suleqatigisanik suleqatigiinnermut ataatsimiinnerit, Immikkoortumi sulianut avitseqatigiinneq, kiisalu suliassat takkussuuttut nalinginnaasut.

Naatsorsuutigaarput:

  • Isumaginninnermut immikkoortup iluani inatsisinut ilisimasaqartutit.

  • Kommuni sullissinernut il.il. misilittagaqartutit.

  • Patajaatsuusutit tatiginartuusutillu

  • Pitsaasumik akuersaartumillu periuseqartutit

  • Akimut suleqatigiilluni ataatsimiisitsinernut katsorsaallunilu ataatsimiisitsinerni misilittagaqartutit

 

Ilinniakkatigut piginnaasat:

  • Isumaginninnermi siunnersortitut ilinniarsimasoq imaluunniit attuumassutilinnik isumaginninnikkut tunuliaqutaqartoq

  • Marluinnik oqaaseqartoq

  • Oqaluttariarsornikkut allattariarsornikkullu pitsaasunik piginnaasaqartoq

 

Inuttut piginnaasat:

• Sullissillaqqissuusutit

• Saaffigiuminartuusutit

• Suliamut tunniussimasuusutit eqeersimaartuusutillu

• Suleqatiginnikkusussuseqartutit

• Takunnissinnaassuseqarluartutit, aamma ulapaarfinni.

Akissarsiatigut atorfinitsitaanermilu atugassarititaasut:  

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut malillugit inissinneqassapput.

 

Inissaqartitsisoqarsinnaavoq malittarisassat sukkulluunniit atuuttut malillugit akilerneqartartussamik.

 

August aallaqqaataani isumaqatigiissuteqarnikkulluunniit atorfinittoqassaaq.

 

Pinerluuteqarsimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq.  Inatsit naapertorlugu atorfinitsitsineq aatsaat pisinnaavoq pinerluuteqarsimannginnermut uppernarsaammik kommune pissarsereerpat. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat annertunerusut Pisortap tullianut Estella Buhrkall oqarasuaat (+299) 86 74 31, e-mail: esbu@qeqqata.gl saaffigineratigut pissarsiarineqarsinnaapput>

 

Qinnuteqaat ilinniarsimanermut uppernarsaatinik attuumassutilinnik, imminut ilisaritinnermik, oqaaseqaatinik attaveqarfissanillu ilalik kingusinnerpaamik ulloq 10. juli 2019 tigoreersimassavarput.

Qinnuteqaatit uunnga nassiunneqassapput: 

Qeqqata Kommunia

HR-afdeling

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Estella Buhrkall

(+299) 86 74 31

esbu@qeqqata.gl