airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Meeqqanut aamma ilaqutariinnermut immikkoortortamut inuussutissarsiutigalugu ilaqutariit paarsisartut pingasut.

Sisimiuni Ilaqutariinnermut Immikkoortortaqarfik inuussutissarsiutigalugu ilaqutariit paarsisartunik pingasunik 2019-imi aggustip aallaqqaataani
Qinnuteqarfissaq kingulleq:
31. juli 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. august 2019 imaluunniit isumaqatigiinnikkut
Akissarsiat:
Isumaqatigiissutit malillugit

Atorfinitsitaaneq isumaqatigiissutillu 

Inuussutissarsiutigalugu ilaqutariit paarsisartut nalinginnaasumik ilaqutariit paarsisartut assigalugit meeqqat ukioqanngitsuniit 18-nit tikillugit ukiulinnut angerlarsimaffiup avataanut inissinneqarsimasunik isumassuisuussaaq, ilaqutariit paarsisartunulli allanut sanilliullugu inuussutissarsiutigalugu ilaqutariit paarsisartut Qeqqata Kommunia aamma paarsisartut/ilaquttarsiat akornanni atorfinititsineq pineqarpoq.

Inuussutissarsiutigalugu ima paasineqassaaq, piginnaasanut, sungiussisimanermut inissaqartitsinermullu Qeqqata Kommunianit annertunerusumik piumasaqaateqarneq, kiisalu isumaqatigiissutini atugassarititaasut qaqugukkulluunniit atuuttut naapertorlugit ilaqutariit paarsisartunik atorfeqartitsineq.

Nalinginnaasumik ilaqutariit paarsisartunut sanilliullu inuussutissarsiutigalugu ilaqutariit paarsisartut atorfeqarneq arlalinnik iluaqutitaqarpoq, tassa paarsinermi ajunngitsorsiaanani akisarsiaqartitaaneq pineqarmat.

Inuussutissarsiutigalugu ilaqutariit paarsisartutut atorfeqassagaanni isumaginninnikkut perorsaanikkulluunniit tunuliaquteqartariaqarpoq, aammalu meeqqanik inuusuttuaqqanillu sunnertiasunik ilisimasaqarluartuuneq sullisserusussuseqarnissaq.

Inuussutissarsiutigalugu ilaqutariit paarsisartuunermi, aappaasup/inooqataasup aappaa inuussutissarsiutigalugu ilaqutariit paarsisartuuppat, annerpaamik meeqqanik marlunnik pingaarnertut akisussaaffigisassanik tunniussisoqassaaq.

Meeqqap pingajuanik inissiinermi aappariit marluullutik inuussutissarsiutigalugu ilaqutariit paarsisartutut atorfeqarnissaat naatsorsuutigisariaqarpoq.

Tassani ilisimasalinnik paarsinermi meeqqanik immikkut unammillernartumik inissisimasunik tunniussisinnaaneq pineqarmat.

Meeqqap pisariaqartissinnaansai pisariaqartitaalu eqqarsaatigalugit,sapinngisamik meeqqat ilaqutariit paarsisartullu imminnut tulluartuunissaat Ilaqutariinnermut Immikkoortortaqarfimmit anguniarneqartuassaaq.

Atorfik ulloq naallugu atorfiuvoq, taamaattumillu piffinni inuussutissarsiutigalugu ilaqutariit paarsisartut, angerlarsimaffimmi meeqqanik ikinnerusunik ilungersunannginnerusunilluunniit, meeqqanut inuusuttuaqqanullu sunnertianerusunut suliniutaasumut allatut piareersimanissaq naatsorsuutigineqartariaqarpoq.

Inuussutissarsiutigalugu ilaqutariit paarsisartuuneq allaffissornikkut Ilaqutariinnermut Immikkoortortaqarfiup ataani Meeqqanut Ilaqutariinnullu immikkoortortamut atavoq.

Pingaartipparput illit:

  • Perorsaasutut isumaginninnikkulluunniit naleqquttumik ilinniagaqartuusutit

  • Meeqqanik inuusuttunillu sunnertiasunik sullisserusussuseqartuusutit

  • Meeqqat pisariaqartitaannut ineriartornerannullu ilisimasaqartuusutit, kiisalu meeqqamut qitiutitsisinnaasutit
  • Ilinnik allaanertusumik tunuliaquteqartunik oqaloqateqarsinnaasuusutit
  • Inuunermik pitsaasumik isiginnittaaseqartutit, ammasuullutillu inussiarnersuusutit
  • Piumassuseqqortuujusutit aamma namminersorsinnaasuusutit
  • Inissiaq tulluartoq

Suliassatit makkuupput:

  • Qitornarsiaasunut paaqqinninneq aamma isumaginninneq

  • Ilaqutariinnermut Immikkoortortaqarfimmi ilaqutariinnik paarsisartulerisartunut nalunaarsuineq attaveqartarnerlu

  • Ilaqutariit paarsisartunut/oqilisaasisartunut pikkorissaanermi peqataaneq

     

Neqeroorutigaarput:

  • Ilaqutariit paarsisartunut ilinniartitsineq

  • Pikkorissarnernut naleqquttunut peqataaneq

  • Aalajangersimasumik ilaqutariinnut paarsisartunut siunnersortimit siunnersorneqarneq aamma ilitsersorneqarneq

  • Pisariaqartitsinermi imaajartinneq tapersersorneqarnerlu

  • Meeraq pillugu suliatigut attaveqaqatigiittoqarsinnaaneq

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik erseqqissaatigineqassaaq naalagaaffiup politiivinit meeqqanik pinerliisimannginnermut uppernarsaammik naammaginartumik Qeqqata Kommunimi pissarsisoqareerpat aatsaat atorfinittoqarsinnaammat.

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu pineqaatissinneqarsimannginnermut uppernarsaat Qeqqata kommunimit tiguneqareerpat, aatsaat atorfinittoqarsinnaavoq.  

Akissarsiat atorfeqartitaanermilu atugassarititaasut.  

Akissarsiatigut atorfinitsitaanermilu atugassarititaasut: Kalaallit Nunaanni Naalakkersuisut NPK-llu imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Atorfininneq:

 

Atorfik pillugu paasissutissat annertunerusut pisortap tullianut Estella Buhrkall oqarasuaat: (+299) 86 74 31 mail; esbu@qeqqata.gl imaluunniit Ilaqutariinnermut pisortaq Kirsten Bødker oqarasuaat (+299) 86 74 17 mail; kirb@qeqqata.gl atorlugit pissarsiarineqarsinnaapput

 

Atorfininnermut atatillugu inissaqartitsisoqanngilaq.

 

Qinnuteqaat soraarummeersimanermut uppernarsaatinik, oqaaseqaatinik, imminut ilisaritinnermik, Meeqqanik pinerliisimannginnermut uppernarsaammik, Pineqaatissinneqarsimannginnermik uppernarsaammik kiisalu saaffiginniffissanik ilaligaq kingusinnerpaamik 04. juli 2019 nassiunneqassaaq:

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Estella Buhrkall

(+299) 86 74 17

esbu@qeqqata.gl