airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Atuilluartuunermut siunnersortimik misilittagalimmik pissarsiorpoq

Isumaginninnerup iluani peqqinnerulernissamik aamma akimortumik suliniuteqarfiusuni suliassaqarfiulluni ukkataqarfiusumi pisortaanerup sulisuini Atuilluartuunissamut siunnersortitut atorfik pissanganartoq inuttassarsiuunneqarpoq.

Pisortaanerup sulisuisa ilaattut ilaqutariinnermut immikkoortortap iluani suliniutinik akimortunik ataqatigiissunillu ataqatigiissaarisinnaasoq atuilluartuunissamut siunnersorti kissaatigaarput.
Qinnuteqarfissaq kingulleq:
1. august 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiissuteqarnikkulluunniit atorfinittoqassaaq.
Akissarsiat:
Isumaqatigiissutit malillugit

Suliassat akisussaaffillu: 

         Atuilluartumik isumaginninnerup, akuutitsinerup malitseqartitsinerullu iluani suliniutinik ingerlatsineq aqutsinerlu.

         Qullersaqarfimmit pisortaaqatigiinnilluunniit pilersitanut aqutsisooqatigiinnut suleqatigiissitanullu peqataaneq

         Namminersorlutik Oqartussanut tusarniaanermi akissuteqaasiorneq

         Ilaqutariinnermut immikkoortortap iluani suliniutinut sulianut saqqummiussassanik suliaqarneq

         Ilaqutariinnermut, peqqinnerup isumaginninnikkullu pissutsit iluanni suliassanik tigussaasunik nassuiaasiorneq paasiniaanerlu

         Qullersaqarfimmut, pisortaaqatigiinnut, Atugarissaarnermut Suliffissaqartitsiniarnermut Pinaveersaartitsinermullu ataatsimiititaliamut, Aningaasaqarnermut, inuussutissarsiornermut takornariaqarnermullu ataatsimiititaliamut, Kommunalbestyrelsimut, siunnersortitut allattaanertullu suliassanut ikiuunneq.

         Pikkorissarnernik, workshoppini, ullunik sammisaqarfinnik pisortatigoortumillu tikeraartoqarnernik ataqatigiissaarineq

         Illup iluani avataanilu paasissutissanik atugassanik katersineq

         Pisortap sulisui suleqatigalugit suliassanik allanik suliaqarneq

         Pisariaqalersillugu suliassanngortartut

 

Piginnaasassat:                     

         Suliannut attuumassutilimmik ilinniagartuujuvutit allamilluunniit attuumassuteqartumik ingerlaqqiffiusumik ilinniagaqartutit aamma Kalaallit Nunaanni inuiaqatigiinni pissutsinut ilisimasaqartutit

         Oqaatsitigut allattariarsornikkullu attaveqaqateqallaqqissasutit

         Suleqateqallaqqissuusutit avatangiisinillu sunniisinnaassuseqartutit

         Suliniutinik aqutsinerup iluani misilittagaqarneq aamma Kalaallit Nunaanni ilaqutariinnut isumaginninnermullu plssutsinik ilisimasaqarsinnaasoq

         Aaqqissuussaanermi politikkikkut aqutaasumi suliat suliarineqartarnerinik pitsaasumik ilisimasaqarneq.

         Tamanik takunnillaqqissuseqarluni suliassanik aallartitsisinnaaneq, iliuuseqallaqqissuuneq, sungiussiasuunerlu

         Marluinnik kulturilimmi avatangiisilimmi anguniagalimmk sulisinnaassuseqartutit

         Arlalinnik oqaaseqartuusutit, kalaallisut, qallunaatut, Tuluttut

Akissarsiat atorfeqartitaanermilu atugassarititaasut: 

Akissarsiat atorfeqartitaanermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

Inissamik innersuussisoqarsinnaavoq malittarisassat sukkulluunniit atuuttut malillugit ineqanermut akiliutinik il.il. akilerneqartussamik.

 

Atorfik allaffissornikkut Sisimiuni inissisimavoq, Sisimiunilu Atorfillit pisortaata ataani aaqqissuussaanikkut inissisimalluni.

 

Piaartumik isumaqatigiissuteqarnikkulluunniit atorfinittoqassaaq.

Atorfik pillugu paasissutissat annertunerusut, kommunimi pisortaanermut Paneeraq Olsen, oqarasuaat (+299) 86 73 01-imut imaluunniit e-mail: paol@qeqqata.gl imaluunniit Sisimiuni Pisortaanerup sulisuini pisortamut Hans Christian Sværd, oqarasuaat (+299) 86 73 02, e-mail: hcsv@qeqqata.gl atorlugit saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik  kingusinnerpaamik 2019-imi aggustip aappaani tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Pisortaanerup sulisui pillugit

Pisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisui Sisimiuni arfinilinnut Maniitsumilu pingasunut agguataarsimasunut sulisunut qulinngiluanut amerlassusiligaavoq. Pisortaanerup sulisuini suleqataasup ingerlatsinermi suliassanik ineriartortitsinermillu suliassanik illup iluani akimortumik suliaqartarpoq. Suliassat politikkimut - soorluttaaq allaffissornikkut suliassaasinnaapput.

 

Nittartakkatsinni www.qeqqata.gl/ansat kommunimi sulisut assigiinngitsut pillugit atuarsinnaavatit.

Attavissaq:

Hans Christian Sværd

(+299) 86 73 02

hcsv@qeqqata.gl