airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Qeqqani- Misi-mut immikkut atuartitsinermi siunnersortimik pissarsiorpoq

Qeqqata Kommuniani Qeqqani MISI immikkut atuartitsinermi siunnersortimik Maniitsumi atorfinittussamik pissarsiorpoq.
Qeqqani MISI Sisimiuni Maniitsumilu inissisimavoq, maannakkullu atuarfimmi tarnip pissusiinik immikkut ilisimasalimmik aqutsisoqarluni, tarnip pissusiinik ilisimasalimmik ataatsimik sulisoqarluni, immikkut atuartitsinermi siunnersortinik marlunnik sulisoqarluni kiisalu allaffimmi overassistent-imik sulisoqarluni.
Qinnuteqarfissaq kingulleq:
9. august 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
September aallaqqaataani isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu 

Meeqqanut inuusuttunullu siusissukkut kiisalu immikkut pisariaqartitsisunut pinaveersaartitsinissaq, tapersersorteqartitsinissarlu immikkut sammisaralugit, Qeqqani MISI-p meeqqat ukioqanngitsunit 18-it tikillugit ukiullit sullitassarai kiisalu perorsaanikkut atuartitsinikkullu sulisunik angajoqqaanillu siunnersuineq aqqutissiuinerlu ingerlataralugu.

Qeqqani MISI-p illoqarfiit Maniitsoq aamma Sisimiut, nunaqarfittaallu arfiniliusut sullitarai. Taamaattumik ukiumut minnerpaamik marloriarluni angalasarnissaq naatsorsuutigineqassaaq.

Qeqqani MISI immikkut atuartitsinernut siunnersortimik tulliuttunik piginnaasalimmik pissarsiorpoq:

  • Meeqqanut ilikkarniarnermikkut ajornartorsiuteqartunut immikkut perorsaanikkut suleriaatsinik ilisimasalimmik, taamaalillunilu meeqqat inuusuttullu atugarissaarnissaanni, ineriartornissaanni ilinniarnissaannilu tapersersueqataalluni.

  • Meeqqanik assigiinngitsutigut piginnaasatigut ajornartorsiuteqartunut aamma/imaluunniit kinguarsimasunut perorsaanikkut misissuisarnernik ilinniartitseriaatsinillu ilisimasalik

  • Atuartup ineriartorneranut annertuumik pingaaruteqartillugu angajoqqaanut, ilinniartitsisunut, perorsaasunut imaluunniit inunnut attuumassuteqartunut allanut immikkut perorsaanikkut siunnersuisinnaanermik misilittagalik

  • Nammineerluni sulisinnaasoq, piumassuseqartoq, ineriartortitsinissamik pingaartitsisoq, minnerunngitsumillu suleqateqarluarsinnaasoq, inunnullu allanut akuersaartoq

  • Pisariaqartillugu ilitsersuisinnaasoq.

  • Qeqqata Kommuniani meeqqanik inuusuttunillu sullissinermi anguniagalimmik ineriartortitseqataaneq.

Neqeroortigaagut:

  • Suliffik sapaatip akunneranut akunnerni 40-ni suliffiulluni uummaarissoq ammasorlu.

  • Atorfik unammillernartoq pissanganartorlu

  • Suliffik ataatsimoorfiusoq

  • Pinngortitami pisuttuarnissamut, imaatigut angalaarnissamut, sisorartarnissamut, piniariartarnissamut aalisariartarnissamullu periarfissagissaarluni pinngortitarsuaq kusanarluinnartoq

  • Kulturikkut assigiinngitsunik neqerooruteqarfiulluni Kalaallit Nunaanni illoqarfiit annersaasa arfinileraat

Piukkunnaateqarluni qinnuteqartoq:

  • Meeqqat atuarfiini ilinniartitsisutut ilinniagalik ilinniaqqissimasoq, soorlu immikkut atuartitsinissamut ilinniartitsisutut ilinniarsimasoq , oqallorissaasutut ilinniarsimasoq imaluunniit immikkut ittumik perorsaanermut Perorsaasutut diplomitaarfiusumik ilinniarsimasoq allamilluunniit naleqquttumik qaffasissumik ilinniagaqarsimassaaq

  • Kalaallit Nunaanni kulturi naapertorlugu sulinissaminut piareersimassaaq

  • Meeqqanik inuusuttunillu perorsaanikkut sullissinermik ilisimasalik kissaatigineruarput

  • Tatitooq, suliassallu assigiinngitsorpassuit eqqarsaatigalugit nammineerluni eqaatsumillu sulisinnaasoq.

Akissarsiat atorfinitsitaanermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut naapertorlugit akilersorneqassalluni. Piffissami killilikkami atorfinitsinneqarnermi inimik pisatsersoriikkamik inissaqartitsisoqarsinnaavoq, malittarisassat atuuttut naapertorlugit akilersorneqartussamik.

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

September aallaqqaataani isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Atuarfimmi tarnip pissusiinik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 9. august 2019-imi tigoreersimassavarput.  Qinnuteqaat uunga nassiunneqassaaq:

Qeqqata Kommunia

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Marianne L. Olsen

(+299) 38 12 40

olsm@qeqqata.gl