airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Majoriaq ilinniartut ineqarfiini siunnersortitut overassistentimik pissarsiorpoq

Sismiuni Majoriaq overassistentimik pissarsiorpoq, taanna ilinniartut ineqarfiinut allaffissornernik pingaarnertut suliaqartassalluni aammalu Majoriamut tamarmut naatsorsuuserisuussalluni.
Ilinniartut inaannut imikkoortortap ataani ilinniartunut inissiat 70-iupput. Ilinniartut inaannut immikkoortortap ilinniartut inai pillugit allaffissorneq isumagisarpaa.
Atorfik Majoriami immikkoortortami aqutsisumut attaveqartassaaq
Atorfik nutaapajaajuvoq, soorunalimi Majoriami ilinniartut ineqarfiinut tunngassutilinnik inerisaaqqissinnaasumik aqutsisussamik atorfinitsitsisinnissarput takorluugaraarput.
Qinnuteqarfissaq kingulleq:
27. august 2019
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Septemberip aallaqqaataani 2019-imi isumaqatigiissuteqarnikkulluunniit
Akissarsiat:
Isumaqatigiissutit malillugit

Aqutsisutut ilaatigut makkua akisussaaffigissavatit: 

  • Ilinniartut ineqarfiisa tamarmik ingerlanneqarnerinut periutsinik pilersaarutinillu suliaqarneq
  • Inissiisarnermut ataatsimiititaliamut allatseqarfittut ingerlatsineq
  • Immikkoortortat tamarmik inerisaaqataaffigalugit 
  • Ilinniartunik tikeraanillu inissiinerit allaffissornertailu
  • Matuersaatinut akisussaasoq
  • Ilinniartut ineqarfii pillugit ullut tamaasa naatsorsuutit/naligiissaarinerit
  • Ineqarfimmi siulersuisunut aqutsisuuneq
  • Pitsaaliuineq kiisalu sammisassanik pilersaarusiorneq
  • Suleqatigiinnik allanik inerisaaqataaneq suleqateqarnerlu.
  • Akiligassiissutit pillugit allaffissorneq kiisalu Majoriamiik akilikkat tamarmik nassiussuuteqqinneri

 

Suliffeqarfimmi assingusinnaasumi atorfimmit assingusumiit misilittakkat iluaquterujussuussapput.

Avatangiisinut assigiinngitsunik kultureqarfiusumut akuliussinnaassuseqarneq iluaqutaassaaq, aammalu ilinniartut ineqarfiinut 70-inik ineqarfittaqartumut ingerlatsinissamut pisariaqartinneqartunut, maleruagassanut ineriartortitsinissamut malinnitsitsinissamullu eqaassuseqarlunilu ataqqinnissinnaaneq. Iluaqutaassaaq, marluinnik oqaaseqartuuguit kalaallisut qallunaatullu.

Atorfik pillugu paasissutissat aqutsisumut Inûna Davidsen inud@qeqqata.gl imal. +299 86 71 53 saaffiginninnikkt pissarsiarineqarsinnaapput.

Atorfik 2019-imi septembarip aallaqqaataani isumaqatigiissuteqarnikkulluunniit inuttalerusunneqarpoq.

Akissarsiat atorfeqartitaanermilu atugassarititaasut 

Atorfininnerup nalaani AK isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq.

 

Najugaqarneq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik inissaqartitsisoqarsinnaavoq.    Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinaavoq, taamaattumik utaqqiisaagallartumik ineqartitsisoqarsinnaavoq, tassunga ilanngullugu najugaqatigiiffinnut minnerusunut imaluunniit akunnittarfimmi ineqartitsisoqarallarsinnaalluni, taakkulu akileraarusersorneqassallutik.

Qinnuteqaat e-mailikkut uunga nassiunneqarsinnaavoq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Imaluunnit allakkatigut uunga: Qeqqata Kommunia, HR Afdeling, Postboks 1014, 3911 Sisimiut

Attavissaq:

Inùna Davidsen

(+299) 86 71 53

inud@qeqqata.gl