airplanebooksbriefcase business cogs cross election entertainment fish house law lockmedicalpeopleselfservices socialtax

Majoriaq Maniitsumut allaffimmioq

Majoriaq Maniitsumi suliffissarsiuussisarfik allaffimmiuunissarsiorpoq. 1. september 2019 sulilersussamik imaluunnit isumaqatigiissuteqarnikkut piaartumik sulilersussamik.
Qinnuteqarfissaq kingulleq:
16. august 2019
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
Septemberip aallaqqaataani 2019-imi isumaqatigiissuteqarnikkut piaartumik
Akissarsiat:
SIK-mut isumaqatigiissutit tunngavigalugit

Suliassat akisussaaffiillu ukuupput:  

·        Innuttaasunik saaffiginnittunik kiffartuussineq

·        Suliffussarsiortunik nalunaarsuineq (naqitsisitsineq) kiisalu suliffissarsiortunut iliuusissamik pilersaarusiortitsineq

·        IT-reg-imut winformatikkimullu nalunaarsuineq

·        Suleqatigiiffimmi (inatsisitigut pisussaaffilik) Ilaqutariinnermi immikkoortortaq, meeqqat atuarfiat allallu susassaqartut peqatigalugit ataatsimeeqataasarneq

·        Matchgruppenik agguataarisarnermi peqataaneq

·        Suleffeerukkallarnersiutinik (arbejdsmarkedsydelser) napparsimanersiutinillu (sygedagpenge) suliaqarneq

·        Nuttarsinnaanermut tunngatillugu ikiorsissutit pillugit paasissutissiillunilu isumaginninneq

·        Pikkorissartitsisarnernut tunngatillugu periarfissanik ujartuinermi ilinniarfeqarfinnut susassaqartunut attaviginninneq

·        Innuttaasunut sulisitsisunullu paasissutissanik agguaasisarneq

 

Suliassat akisussaaffiillu saniatigut ukunani suliaqaqataasinnaaneq:

·        Avataanit tikisitsilluni sulisussarsiornermut tunngatillugu qinnuteqaatinik suliaqarneq

·        Suliffissarsiortut cv-inik Suli.gl-imut ilioraanissamik ilitsersuussillunilu sullissisoq

·        Ilinniakkanut qinnuteqarniarlutik saaffiginnitunik aqqutissiuussineq kiffartuussinerlu

 

Majoriaq Maniitsoq 13-inik sulisoqarpoq, imatut agguataaqqasunik:

1 pisortaq, 1 pisortap tullia (souschef), 1 overassistent ilinniartulerisoq, 2 overassistentit suliffissarsiuussisarfimmi, 3 FA-mi ilinniartitsisut, 2 faglæret 2 ikiortit Pilersitsivimmi kiisalu 1 pedel.

 

Naatsorsuutigivarput:

·         Allaffimmiutut ilinniarsimasuusutit

·         Aalajaatsuusutit suleqatikkuminartuusutillu

·         Kiffartuussilluarsinnaasuusutit

·         Kalaallisut qallunaatulu oqaalussinnaallutillu allassinnaasutit tamannali piumasaqaataanngilaq

·         Qarasaasiamik, minnerpaamik naammaginartumik qaffasissusilimmik atuisinnaasuusutit

·         Suliassatigut eqaatsumik suleriaaseqartuusutit

·         Isumagissaartuusutit

Aningaasarsiat atorfininnermilu atugassarititaasut: 

Aningaasarsiaqartitaanermi suliffeqartitaanermilu atugassarititaasut Naalakkersuisut aamma S.I.K. kattuffiata akornanni isumaqatigiissutit atuuttut malillugit pissapput.

 

Atorfimmut atatillugu inissaqartitsisoqanngilaq.

 

Atorfimmut tunngatillugu paasissutissanik annertunerusunik pissarserusukkaanni, Centerleder Bitten Heilmann oqarasuaat 817253 atorlugu attavigineqarsinnaavoq imaluunnit e-mail-ikkut bitt@qeqqata.gl.

 

Qinnuteqaat ilinniagaqarsimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 16. august 2019.

Qinnuteqaat e-mailikkut uunga nassiunneqarsinnaavoq: 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Imaluunnit allakkatigut uunga: Qeqqata Kommunia, HR Afdeling, Postboks 1014, 3911 Sisimiut

Attavissaq:

Bitten Heilmann

(+299) 81 72 53

bitt@qeqqata.gl