airplanebooksbriefcase business cogs cross election entertainment fish house law lockmedicalpeopleselfservices socialtax

Nutaaliorfeeraq, Sisimiuni suliniummut aqutsisoq

Nutaaliorfeeraq Majoriaq Sisimiut ataani atuagarsornertaqanngitsumik ingerlasuuvoq. Nutaaliorfeeqqami inuusuttatsinnut inummik ilakkuminartumik Septemberip aallaqqaataani 2019, imal. isumaqatigiinnikkut atorfinittussamik pissarsiorpugut.
Qinnuteqarfissaq kingulleq:
27. august 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Septemberip aallaqqaataani isumaqatigiinnikkulluunnit
Akissarsiat:
Isumaqatigiissutit malillugit

Suliassat akisussaaffiillu: 

Nutaaliorfeeqqap siunertarai:

·         Qeqqata Kommuniani Sisimiuni, sulilersitsiniaanermut neqeroorut inuusuttut atugarisaannut tulluarsagaq.

·         Majoriami atuagarsornikkut ingerlaatsimut sioqqutsilluni qinigassatulluunniit allatut inuusuttunut neqeroorneq.

·         Ingerlaaseq sulinermik, ulluinnarni aaqqissuussamik, sulinikkut misilittakkanik nassaarsiullaqqissutsimillu tunngaveqartoq.

·         Inuusuttut sammisassanik assigiinngitsunik misileraavigisinnaasaannik pilersitsineq.

·         Inuusuttut ilinniagaqarnissap nalinginnaasumillu suliffissaqartitsiniarnerup iluani periarfissaannik pitsanngorsaaneq.

·         Inuusuttunik inuttut ilinniakkatigullu ineriartornissaannut inerikkiartornissaannullu tapersersuineq.

·         Ataasiakkaat periarfissaannik pitsanngorsaaniarluni aaqqissuussaasumik siunertalimmik sulineq.

·         Avatangiisimik toqqissisimanartumik isumassarsiorfiusinnaasumillu pilersitsineq.

Sullitassat:

·         Annerusumik inuusuttut 16-t 24-llu akornanni ukiullit.

·         Inuusuttut suliffeqanngitsut suliffissaqartitsiniarnerup iluani iluatsitsisinnaanngitsut attassisinnaanngitsulluunniit.

·         Inuusuttut ilinniakkamik aallartitsisimanngitsut unitsitsiinnarsimasulluunniit.

·         Inuusuttut akunnattooqqasut.

·         Inuusuttut sulilernissaminnut ilinnialernissaminnulluunniit inuttut, inuuniarnikkut peqqissutsimikkulluunniit peqquteqarlutik piareersimanngitsut.

Akisussaaffik oqartussaaffeqarfillu:

·         Nutaaliorfeeqqami aqutsisoq, ataqatigiissaarisoq ineriartortitsisorlu, kiisalu Centerlederi qanimut suleqatigalugu kommunip Nutaaliorfeeraani allaffissornikkut perorsaanikkullu suliassat isumagissallugit.

·         Nutaaliorfeeqqami sulisunik aqutsinermut siuttuunissaq suliassanillu aaqqissuussinissaq.

Suliassat pingaarnerit:

·         Majoriami Centerlederi suleqatigalugu Nutaaliorfeeqqamut missingersuutinut malitseqartitseqataaneq.

·         Nutaaliorfeeqqami sulisut Majoriamilu Centerlederip akornanni ataqatigiissaarinermik isumaginninneq.

Inuttut piginnaasat:

Qinnuteqartuni toqqaanermi pingaartinneqarput,

·         inuusuttut tungaatigut misilittagaqartuusutit ilinniakkatigullu perorsaanikkulluunniit tunuliaqutaqartuusutit,

·         naammagittartuusutit, siunniusimasaqarlutit naammasserusutaqartuullutillu,

·         kinaassutsikkut suleqatikkuminartuullutillu saaffikkuminartuusutit,

·         ulapaarfinni eqqissisimasinnaassuseqarlutit tamanillu isiginnissinnaassasutit,

·         ilinniartitsisinnaassuseqartuusutit,

·         misilittagaqartuusutit - inuttut suliffiullu tungaatigut - inuusuttunut ilakkuminassutigisinnaasannik, inussiarnersumik, aalajaatsumik tatiginnilersitsisinnaasumillu attaveqarfigilersinnaallugit.

·         inunnut isiginnittariaatsit kissalaartuusoq

·         marluinnik oqaaseqartuuguit iluaqutaassaaq.

Akissarsiat, atorfinitsitaanermilu atugassarititaasut: 

Meeqqanik pinerliisimannginnermut uppernarsaat:

Atorfik una meeqqanik innarliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik innarliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq. 

Aningaasarsiat atorfinitsitaanermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.  

 

Annertunerusumik paasisaqarusukkuit attavissaq:

Atorfik pillugu paasissutissat annertunerusut Majoriami pisortamut saaffiginninnikkut pissarsiarineqarsinnaapput.

Afdelingsleder Frederik Kreutzmann  +299  86 71 60  e-mail : frkr@qeqqata.gl

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 27. August 2019 tigoreersimassavarput.

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Attavissaq:

Frederik Kreutzmann

(+299) 86 71 60

frkr@qeqqata.gl