airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Ilaqutariinnermut immikkoortortami sullissisutut piffissami killilikkami atorfik.

Siusinaartumik pensionisialinnut immikkoortumi suliassanik suliaqartarnissamut, tassani siusinaartumik pensioninut suliassanik nalilersueqqinnermik suliaqartoqartartussaalluni, piffissami 2019-imi septembarip aallaqqaataaniit 2020-mi decembarip 31-ata tungaanut sullississumik pikkorissumik piumassuseqarluartumillu Sisimiuni Ilaqutariinnermut immikkoortortaq pissarsiorpoq.
Qeqqata Kommuniani Sisimiuni Ilaqutariinnermut immikkoortortami suleqataasut innuttaasunik sullissinerup iluani inatsisit atuuttut naapertorlugit sulisarput aammalu suliatigut inuttullu ineriartornissamut periarfissaqarpoq, taamaammat illiusinnaavoq atorfissaqartitarput.
Ilaqutariinnermut immikkoortortaq 25-nik sulisoqarpoq imatut agguataagaasunik, Pisortatigut ikiorsiisarnermi immikkoortoq, Allatseqarfik, Innarluutilinnut immikkoortoq, tassani sullinneqarlutik Inuit innarluutillit, Utoqqaat, siusinaartumik pensionisianik pisartagaqarsinnaatitaalernikut kiisalu meeqqanut Ilaqutariinnullu immikkoortoq.
Atorfik saqqummiunneqartoq Utoqqarnut aamma siusinaartumik pensionisialinnut immikkoortumi inissisimavoq.
Qinnuteqarfissaq kingulleq:
25. august 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. September 2019
Akissarsiat:
Isumaqatigiissutit malillugit

Akisussaaffiit suliassallu: 

  • Siusinaartumik pensionit pillugit Inatsisartut inatsisaannut naapertuuttumik sullissineq
  • Suliffissarsiuussisarfimmik suleqateqarnikkut suliffimmi piginnaanngorsartitsineq
  • Siusinaartumik pensionillit piginnaasaannik allaaserinninneq
  • Siunnersuineq ilitsersuinerlu
  • Ataatsimiitsitaliamut innersuusiornerit
  • Innuttaasunik atornerluisuunermut katsorsartinnissamik kissaateqartunik sullissineq
  • Katsorsartereernerup kingorna katsorsartinnerup ingerlaqqinnissanik suliaqarneq
  • Illup avataani suleqatinik soorlu Majoriaq suliffeqarfinnillu allanik suleqateqarneq
  • Iliuusissanik pilersaarusiuussinerit malitseqartsitinerillu

 

Naatsorsuutigaarput:

  • Isumaginninnermi inatsimmut ilisimasaqartutit, piumasaqaataanngilarli
  • Kommunimi sullissinermi il.il. misilittagaqartutit, piumasaqaataanngilarli
  • Netværskmødenik sulllissanullu ataatsimiinnernik misilittagaqartutit, piumasaqaataanngilarli
  • Tamat isiginnissinnaalluartuusutit aamma pisuni ulapaarfiusuni, piumasaqaataanngilarli

 

Ilinniakkatigut piginnaasat:

          Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit.

          Marluinnik oqaaseqartutit

          Oqaatsinik atuinermut allattariasornermullu pitsaasumik piginnaasaqartuusutit.

 

Inuttut piginnaasat:

          Sullissinermik sungiusimasaqartutit

          Saaffikkuminartuusutit, akuersaartumillu isiginnittariaaseqartuusutit.

          Nammineersinnaassuseqartumik akisussaassuseqartumillu sulisinnaasutit

          Aalajaatsuusutit tatiginartuusutillu

          Suliassanut ilisimaarinnittuusutit, pimoorussisuullutillu

          Suleqatikkuminartuusutit

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.

Atorfimmut tassunga atatillugu inissaqartitsisoqanngilaq.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu meeqqanik pinerliisimannginnermut pineqaatissinneqarsimannginnermullu uppernarsaammik kommuni aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,

Atorfik pillugu paasissutissat sukumiinerusut Ilaqutariinnermut immikkoortortami Ilaqutariinnermut pisortaq Kirsten Bødker, oqarasuaat +299 867417 email: kirb@qeqqata.gl imaluunniit pisortap tullianut Estella Buhrkall, oqarasuaat +299 867435 email: esbu@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik, kingusinnerpaamik 2019-imi August 25-iani tigoreersimassavarput.

Qinnuteqqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

 

Web: www.qeqqata.gl GI

Attavissaq:

Kirsten Bødker

(+299) 86 74 17

kirb@qeqqata.gl