airplanebooksbriefcase business cogs cross election entertainment fish house law lockmedicalpeopleselfservices socialtax

Ilaqutariinnermut immikkoortortami Innarluutilinnut immikkoortumi sullissisoq

Sisimiuni Ilaqutariinnermut immikkoortortami Innarluutilinnut immikkoortumi sullissisumik 01. September 2019 inuttassarsiorneqarpoq.
Innarluutilinnut immikkoortup meeqqat inersimasullu innarluutillit sullitarivai. Innuttaasut innarluutaannut tunngatillugu siunnersuillunilu ilitsersuisoqartarpoq, ilaatigut arlaannaanilluunniit ikiuutissanik aamma pisariaqartitsisoqartarluni.
Innarluutilinnut immikkkoortoq atorfinnut pingasunut amerlassusiligaavoq: Immikkoortortami aqutsisoq ataaseq sullissisullu marluk.
Ilaqutariinnermut immikkoortortaq Innarluutilinnut immikkoortumik, Utoqqarnut immikkoortumik, Meeqqanut Inuusuttunullu immikkoortumik, ikiorsiisarnermut immikkoortumik Allatseqarfimmillu immikkoortortaqarpoq.
Pisortamut tullersorti ilaqutariinnermullu pisortaq ilanngullugit, Ilaqutariinnermut immikkoortortaq sulisinut 25-nut amerlassusiligaavoq.
Innarluutilinnut immikkortoq annertunerusumik Meeqqanut- aamma Ilaqutariinnut immikkoortumik aamma Utoqqarnut immikkoortumik kisianni aamma Suliffissarsiuussisarfimmik Majoriamillu suleqateqarnerusarpoq.
Taassuma saniatigut Ilaqutariinnermut immikkoortortaq tamakkerlugu suliat pillugit ataatsimeeqatgiittarnermik aammalu nunaqarfiit allaffiinik ataatsimeeqateqartarnernik qanimut suleqatigiittoqarpoq.
Qinnuteqarfissaq kingulleq:
31. juli 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. September 2019
Akissarsiat:
Isumaqatigiissutit malillugit

Suliassat akisussaaffiillu: 

·         Inatsit atuuttoq pillugu innuttaasunut innarluutilinnut siunnersuineq ilitsersuinerlu

·         Innuttaasunik meeqqanullu angajoqqaajusunik suleqateqarluni ikuutissanik piareersaasiorneq

·         Meeqqanut innarluutilinnut angajoqqaasunik qanimut suleqateqarneq

·         Iliuusissatut pilersaarutinik, malitseqartitsinernik allanillu suliaqartarneq

·         Ilaqutariinnermut Isumaginninnermullu ataatsimiititaliamut suliassanik saqqummiussassanik suliaqarneq

  • Innuttaasut angerlarsimaffiinut pulaarneq
  • Allakkatigut saaffiginnissutinik akiortuineq
  • Sulianik aallartitsineq kiisalu nalunaarsuiffinnik ingerlatsineq
  • Paasissitissanik pissarsiniarneq, soorlu nakorsap oqaaseqaataanik, inuttut allattorsimaffimmi paasissutissat, suliffissarsiuussisarfimmut assigisaallu
  • Allakkanik inaarsaaneq
  • Innarluutilinnut centerimut Pissassarfimmut qinnuteqarnerit
  • Suliat pillugit ataatsimiinnernut peqataaneq

·         Immikkoortumi Naalakkersuisoqarfimmik suleqateqarneq

·         Suleqatinik aammalu kommunip immikkoortortaanik najugaqaqatigiiffinnik ornittakkanillu qanimut suleqateqarneq

 

Naatsorsuutigaarput:

·         innuttaasut innarluutaannut suliassanut tunngasunik suliassanik suliaqarnissamut kajumissuseqartutit

  • Allaffissornermut tunngasumik ilinniagaqartuusutit tassungaluunniit attuumassutilimmik ilinniarsimassasutit
  • pisortat allaffeqarfiisa iluani misilittagaqartuusutit
  • EDB / IT-mullu ilisimasaqarluartuusutit
  • torersumik suleriaaseqartuusutit
  • marluinnik kalaallisut danskisullu oqaaseqartuusutit
  • pisuni ulapiffinni sapersaateqarnak isumannaarisinnaasutit
  • Sullissillaqqissuusutit
  • Sungiussiasuusutit
  • sulisoq nuannaartuusutit, ilaannikkut illaqataalaartarsinnaasoq

 

Neqeroorutigaarput:

·         Atorfimmik ilisarititsineq

·         Piginnaasanik ataavartumik ineriartortitsineq

·         Innarluutilinnut immikkoortumi ineriartornermut sunniuteqarnissamik periarfissaqartitsineq

·         Pitsaasunik suleqateqarluni suleqatigiinneq ingerlalluartoq

·         Suliassat pissanganartut, assigiinngitsut namminersorfiusullu

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Akissarsiat atorfeqartitaanermilu atugassarititaasut: 

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma Atorfilli Kattuffiata akornanni isumaqatigiissutit atuuttut malillugit iluarsineqassapput.

Atorfimmut atatillugu inissaqartitsisoqarsinnaavoq.

Qinnuteqaat uunga nassiunneqassaaq: 

Atorfik pillugu paasissutissat annertunerusut, immikkoortumi aqutsisumut Mettea R. Jeremiassen-imut, oqarasuaat (+299) 867337-imut imaluunniit e-mail: merj@qeqqata.gl-imut saaffiginninnikkut pissarsiarineqarsinnaapput.

 

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2019-imi September aallaqqaataani uunga nassiunneqassaaq:

 

Qeqqata Kommunia

Personalekontoret

Postboks 1014

3911 Sisimiut

E-mail: job@qeqqata.gl

Web: www.qeqqata.gl/jobs

Attavissaq:

Mettea R. Jeremiassen

(+299) 86 73 37

merj@qeqqata.gl