airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Utoqqaat angerlarsimaffianni Qupanuk-mi peqqissaasoq

Sisimiuni Utoqqaat angerlarsimaffiat Qupanuk septembarip aallaqqaataaniit sulilersussamik peqqissaasumik pissarsiorpoq.
Suliffimmik isikkivigilluinnartumik peqqissaasutut umannillernartumik suliffimmik ujartuivit?
Sisimiunilu sulerusuppit, ukioq kaajallallugu illoqarfiup timaatungaani kusanarluinnartumi nuannisaarnissamut periarfissaqarluartumi?
Aamma utoqqaat angerlarsimaffianni najugaqartut eqqarsaatigalugit sulerusussuseqarpit, suliatigut piukkunnaateqarpit sullisserusussuseqarpit? Taamaappat utoqqaat angerlarsimaffianni Qupanuk-mi immaqa peqqissaasutut suleqatitaarisinnaavatsigut.
Qupanuk pillugu
Qupanuk utoqqarnut angerlarsimaffiuvoq, najugaqartunut 42-nut kiisalu qasuersaarfissamut ataatsimut inissaqarluni immikkoortortanut marlunnut agguataagaasoq, tamatumalu saniatigut ulluunerani ornittagaqarpoq/sammisaqartitsiveqarpoq. Immikkoortortat marluusut tassaapput immikkoortortaq paaqqutarinniffik kiisalu puigortunngortunut immikkoortortaq.
Qupanuk-mi sulisut 69-it aqutsisumut, tullersortimut, allaffimmiunut, paaqqutarinnittunut, iggavimmut, pedel-imut, pedel-ip ikiortaanut, biilertumut, errorsisarfimmut eqqiaasunullu agguataagaapput.
Atorfik ulloq naallugu atorfiuvoq, peqqissaasutullu sulinermi aqutsisoq immikkoortortaanilu sulisut qanimut suleqatigineqartarput.
Qinnuteqarfissaq kingulleq:
16. august 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. September 2019
Akissarsiat:
Isumaqatigiissutit malillugit

Suliassat akisussaaffiillu: 

Peqqissaasumik najugaqartunik suleqateqarsinnaasumik sullissisinnaasumillu pissarsiorpugut, tassanilu pitsaasumik isumassuinertalimmillu paaqqinninneq qitiutinneqarpoq, minnerunngitsumillu najugaqartut naleqarluartumik pineqarnissaat pineqarluni.

Nakorsaatinik isumaginninneq, isumassuilluarnertalimmik paaqqinninneq, najugaqartunik timimik atorluartitsineq suliaqartitsinerlu, qanigisaasut aamma akimut suleqatigiinneq taakkuupput suliassatta pingaarnerit ilaat.

Peqqissaasutut, immikkoortortami aqutsisoq, tullersorti immikkoortortanilu aqutsisut peqatigalugit, suliffimmi paaqqutarinninnissaq akisussaaffigissavat. Suleqatiginnissinnaassuseq pitsaasoq aamma sumiiffimmi peqqissaavimmi pingaartinneqartorujussuit ilagaat. Tamanna pisariaqaleraluttuinnarpoq, ingammik najugaqartut siusinnerujussuakkut takkuttalertut pigiuaannagassaminnik nappaateqalersimasarmata ataavartumillu qaffasissumik suliatigut piginnaasalimmik nakkutigineqarnissaminnik pisariaqartitsisuullutik.

Naatsorsuutigaarput:

·         peqqissaasuussasutit akuerisaasoq

·         sulianut tunngatillugu ilisimasaqarluartoq

·         utoqqaat angerlarsimaffianni najugaqartunik sulinissamut kajumissuseqartutit.

·         Tamatigoortuusutit aalajaatsuullutillu

·         Suliamik ilisimasaqarnerup inuttullu qanoq ittuussusermik assigiimmik pingaartitsisoq ataqatigiissaarisinnaasorlu, suliaqarfinni assigiinngitsuni sulisunilu ilinniarsimanngitsut akornanni pitsaasumik suliffimmi attaveqaatinik pilersitsisinnaasoq.

·         ammasumik eqaatsumillu eqqarsartaasilik ineriartortitserusuttoq ilinniartitsisinnaasorlu.

·         Paaqqutarinninnermik inerisaaqataarusullutillu takussutisseeqataarusuttutit

·         ilinniartitsinermi peqataarusussuseqartutit.

·         suliffeqarfimmik pitsaasumik pilersitseqataasoq kiisalu suliffeqarfiup avataanik pitsaasumik pilersitsinissamut tunniussaqarusussuseqartoq

·         nutaaliornermik eqqarsarsinnaassuseqartoq

·         erseqqarissumik attaveqarsinnaasoq

·         namminersorluni sulisartoq, akisussaassuseqartoq sullisserusussuseqartorlu

·         sulianut atatillugu eqaatsumik sulisinnaalluni takutitsisinnaasoq, suliallu agguataarneqarnerini ingerlaavartumik aaqqiissuuteqarsinnaasoq

·         pilersitserusussutsimik, nukissaqarluarnermik iliuuseqarsinnaassutsimillu takutitsisinnaasoq

·         Sulianik aaqqiissutigisartakkatta ingerlaavartumik inerisarneqarnerani pitsanngorsarneqarneranilu peqataasoq

·         sulisunik ilinniarsimasunik ilinniarsimanngitsunillu suleqateqallaqqittuusutit.

Neqeroorutigaarput:

·         Sulineq annerusumik ataasinngornermiit tallimanngornermut ullukkut pissaaq.

·         Atorfimmut, suliassanut utoqqaat angerlarsimaffianullu ilisarititsilluarneq

·         Inuttut suliamullu tunngasutigut ineriartorneq

·         Suleqatitsialannik suleqateqarneq.

·         Annertuumik akisussaaffik aalajangeeqataaffillu.

·         Ulluinnarmut sunneeqataanissamut, suliat ilaanni peqqinnissaqarfimmik suleqateqarnermik kiisalu namminersuuteqarluni akisussaaffeqarnissamut periarfissaqartumik atorfik pissanganartoq

·         Aqutsisumik suleqateqarneq kiisalu aqutsisuunikkut siunnersiueqatigiinneq

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommuni Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissarsiat atorfeqartitaanermilu atugassarititaasut: 

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

 

Sulilerfissaq ulloq 1. septembari 2019.

 

Atorfimmut atatillugu inissamik innersuussisoqassaaq, malittarisassat atuuttut naapertorlugit qularnaveeqqut/attartornermut akiligassat akilerneqassallutik.

 

Atorfik pillugu paasissutissat annertunerusut, ilaqutariinnermut immikkoortortami pisortamut Kirsten Bødker-imut, oqarasuaat (+299) 86 74 17-imut imaluunniit e-mail: kirb@qeqqata.gl-imut saaffiginninnikkut pissarsiarineqarsinnaapput.

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2019-imi August 16-iani uunga nassiunneqassaaq: 

Qeqqata Kommunia

Makkorsip Aqq. 2

3911 Sisimiut

 

job@qeqqata.gl