airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Ilaqutariinnermut immikkoortortami sullissisutut atorfik killilimmik piffissaligaq

Siusinaartumik pensionisialinnut immikkoortumi suliassanik suliaqartarnissamut, tassani siusinaartumik pensioninut suliassanik nalilersueqqinnermik suliaqartoqartartussaalluni, piffissami 01. September 2019-imiit decembarip 31-ata 2020-p tungaanut sullissisumik pikkorissumik piumassuseqarluartumillu Qeqqata Kommunia Maniitsumi Ilaqutariinnermut immikkoortortaq pissarsiorpoq.
Qeqqata Kommuniani Maniitsumi Ilaqutariinnermut immikkoortortami suleqataasut innuttaasunik sullissinerup iluani inatsisit atuuttut naapertorlugit sulisarput aammalu suliatigut inuttullu ineriartornissamut periarfissaqarpoq, taamaammat illiusinnaavoq atorfissaqartitarput.
Ilaqutariinnut immikkoortortaq 23-nik sulisoqarpoq imatut agguataagaasunik, Pisortatigut ikiorsiinermi immikkoortoq, Allatseqarfik, Innarluutilinnut immikkoortoq tassani sullinneqartarlutik Inuit innarluutillit, Utoqqaat, siusinaartumik pensionisianik pisartagaqarsinnaatitaalernikut kiisalu meeqqat ilaqutariillu.
Qinnuteqarfissaq kingulleq:
19. august 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Septemberip aallaqqaataani isumaqatigiissuteqarnikkulluunniit atorfinittoqassaaq
Akissarsiat:
Isumaqatigiissut atuuttoq naapertorlugu

Akisussaaffiit suliassaqarfiillu 

·         Siusinaartumik pensionisianik pisartagaqarnissamut pisinnaatitaanermut Inatsisartut inatsisaat tunngavigalugu sullissineq.

·         Suliffissarsiuussisarfimmik suleqateqarnikkut suliffimmik misiliisitsinerit

·         Siusinaartumik pensionisianik pisartagaqarnissamut pisinnaatitaasut piginnaasaannik

allaaserinninneq

·         Siunnersuineq ilitsersuinerlu

·         Ataatsimiitsitaliamut innersuusiornerit

  • Katsorsartikkusullutik saaffiginnittunut sullissineq

·         Katsorsartereernerup kingorna ingerlatsinissamik pilersaarusiorneq

·         Qanimut immikkoortortaqarfiup avataani suleqatigineqassapput Majoriaq suliffeqarfiillu allat.

·         Iliuusissanik pilersaarusiuussinerit  malitseqartitsinerillu

 

Naatsorsuutigaarput:

  • Inatsisinik isumaginninnermut tunngasuni ilisimasaqartuusutit, piumasaqaataananili
  • Kommunimi suliassanik suliaqarnermik il.il. misilittagaqassasutit.
  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit.
  • Tamat isiginnissinnaalluartuusutit aamma pisuni ulapaarfiusuni.

 

Ilinniakkatigut piginnaasat:

  • Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit imaluunniit misilittagaqartuusutit.
  • Marluinnik oqaaseqartuusutit.                                                                                                                               
  • Oqaatsinik atuinermut allattariarsornermullu pitsaasumik piginnaasaqartuusutit.

 

Inuttut piginnaasat:

  • Sullissinermik sungiusimasaqartutit. 
  • Saaffikkuminartuusutit, akuersaartumillu isiginnittariaaseqartuusutit.
  • Namminersortumik akisussaassuseqartumillu sulisinnaasutit.
  • Aalajaatsuusutit tatiginartuusutillu.                                                                                                        
  • Suliassanut ilisimaarinnittuusutit, pimoorussisuullutillu.                                                      
  • Suleqatikkuminartuusutit

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.  

Atorfik inissaqartitsinngilaq.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Pineqaatissinneqarsimannginnermut uppernarsaat. Atorfik pineqaatissinneqarsimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni pineqaatissinneqarsimannginnermut uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat.

Atorfik pillugu paasissutissat sukumiinerusut Ilaqutariinnermut pisortaq Bertha Dalager, oqarasuaat (+299) 81 78 53, e-mail: beda@qeqqata.gl imaluunniit Pisortamut tullersorti Andrea Karlsen, oqarasuaat (+299) 81 78 62, e-mail anka@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2019-imi august-ip 19-ani tigoreersimassavarput.

Nassiunneqassaaq uunga: 

Qeqqata Kommunia
HR Afdeling
Postboks 1014

3911 Sisimiut
E-mail:
job@qeqqata.gl
Web:
www.qeqqata.gl

Attavissaq:

Bertha Dalager

(+299) 81 78 53

beda@qeqqata.gl