airplanebooksbriefcase business cogs cross election entertainment fish house law lockmedicalpeopleselfservices socialtax

Ilaqutariinnut kiffartuussivimmut miljøarbejderimik pissarsiorpoq.

Qeqqata Kommuniani Ilaqutariinnermut Immikkoortortami Ilaqutariinnut Kiffartuussivimmi miljøarbejderitut atorfik inuttassarsiuunneqarput.
Qinnuteqarfissaq kingulleq:
23. august 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Isumaqatigiissutit malillugit
Akissarsiat:
Isumaqatigiissutit malillugit

Suliassat akisussaaffiillu 

 
  • Sullissisut qanimut suleqatigalugit meeqqat inuusuttullu atugarisaat nakkutigalugit.
  • Meeqqallu perorsaneqarnerannut paaqqutarineqarnerannullu tunngatillugu angajoqqaat tapersersorlugit.
  • Meeqqat qanitaanniillutit, atuanngitsuukulanerit peroriartornermilu atugarisat pitsaanngitsut, atornerluinerit allallu pinaveersaartinniarlugit sammisassanik attavinnillu pilersitsillutit.
  • Meeqqat inuusuttullu sinnerlugit oqaaseqartartutut takutittariaqarputit atuarnerup ilinniarnerulluunnit saniatigut ornittagaanni saaffigineqarsinnaallutit.
  • Ajornartorsiutit pinngitsoortinniarlugit pioreersulluunniit annerulersinniarnagit pisariaqarfiisigut angajoqqaanut attaveqartarlutit.
  • Angajoqqaanut siunnersuisuussaatit. 
  • Meeqqanut inuusuttunullu ajornartorsiuteqartunut ataavartumik aaqqiissutaasinnaasumik pilersitsiniarnermi peqataasinnaasut atuarfiit, sunngiffimmi sammisassaqartitsiviit, inuutissasiorfiit, politiit, peqqissaaviit allallu attaveqarfigineri siuarsarlugit.
  • Meeqqat inuusuttullu ulluinnarni ajornartorsiutaannik ikiussavatit, soorlu atuariartornissaannik, suliartornissaannik, eqqiluisaarnissaannik, naammattunik inuussutissartaqarluartunillu nerinissaannik, atornerluisuunerannik allatigullu ikiortarlugit.

Piginnaasassat

  • Isumaginninnermi perorsaasutut allatulluunniit tassunga attuumassuteqartumik ilinniagaqarsimavutit.
  • Meeqqanik inuusuttunillu sullissinermik misilittagaqarputit.
  • Meeqqat inuusuttullu ilinniagaqarnikkut isumaginninnermilu ikiorneqarnissaannik periarfissanik ikiornissaannut ilisimasaqarluarputit.
  • Suleqatigiit iluanni suleqataallaqqissuuvutit attaveqaatinillu pilersitsinissamut pikkorissuullutit.
  • Marluinnik kalaallisut qallunaatullu oqaaseqartuusutit.

  

Akissarsiat atorfeqarnermilu atugassarititaasut  

Aningaasarsianut atorfinitsitaanermilu atugassarititaasut isumaqatigiissutit atuuttut malillugit pissapput.

Isumaginninnermi perorsaasutut ilinniagalimmut inissaqartitsisoqarsinnaavoq, malittarisassat atuuttut malillugit akilersorneqartussamik.

September-ip aallaqqaataani 2019 imal. isumaqatigiissuteqarnikkut.

Atorfinitsitsinnginnermi meeqqanik pinerliisimannginnermut uppernarsaammik piniartoqassaaq.

Atorfik pillugu paasissutissat annertunerusut Ilaqutariit Kiffartuussivianni pisortamut Dorthe Margrethe Møller oqarasuat (+299) 86 60 77, e-mail: domo@qeqqata.gl saaffiginninnikkut pissarsiarineqarsinnaapput.

Qinnuteqaat ilinniagaqarsimanermut uppernarsaatinik, imminut ilisaritinnermik, oqaaseqaatinik, saaffiginniffiusinnaasunik pinerlussimannginnermullu uppernarsaamik ilalerlugu kingusinnerpaamik 23. August 2019

Qinnuteqaat uunga nassiunneqassaaq:  

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: jobs@qeqqata.gl

Web: www.qeqqata.gl/atorfiit

Attavissaq:

Dorthe Margrethe Møller

(+299) 86 60 77

domo@qeqqata.gl