airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni ilinniartitsisunik marlunnik pissarsiorpoq Minngortuunguup atuarfianut

Minngortuunnguup Atuarfiani Nukarlerni marlunnik ilinniartitsisussarsiorpugut.
Atuarfimmi ineriartortumi tunniusimallut suleqataarusuppit, taava Minngortuunnguup Atuarfia periarfissatsialaavoq.
Ilinniartitsisut amigaatigisagut 2. aamma 3. klassini pisariaqartippagut fagini ukunani atuartitsisussatut: Kalaallisut, Qallunaatut, Matematik, Inuiaqatigiilerineq/samfundsfag, upperisalerineq/Religion & filosofi, Musik/sang, Timersorneq/Idræt , sumiiffinni toqqagassat/lokale valg aamma inuttut inerikkiartorneq. Ilinniartitsut atorfinitsinniakkat aamma 3. klassini klasselærerisut inissisimassapput.

Meeqqat atuarfiini ineriartortitsinermut peqataarusuppit?
Sisimiut illoqarfiuvoq periarfissaqarluartoq, ilinniarfigissaartoq
aammalu meeqqanut paaqqinnittarfinni
inissaqartitsinermi periarfissagissaartoq
inissaateqartoq qinnuteqartut meeraannut.

• 410-t missaanni atuartoqarpoq
• 53-nik ilinniartitsisunik aalajangersimasunik
atorfitalik
• 1.-miit 10. klasse tikillugu 20-nut agguakkanut
klasseqarpoq
• Immikkut atuartinneqartartut klasset 9-upput. 
Qinnuteqarfissaq kingulleq:
4. september 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. Oktober 2019 imaluunniit isumaqatigiissuteqarnikkut atorfinittoqassaaq
Akissarsiat:
Isumaqatigiissutit malillugit

Ilinniartitsisutut pisussaaffii: 

Atuartitsinermut ilaatillugu atuartut ataasiakkaat

atuartinneqarnerminnit pissarsiaat

ingerlaavartumik nalilerneqartassapput. Naliliinerup

aallavigissavaa atuartup nammineq

naliliinera, Atuartitsinerull pilersaarusioqqinneranut

aamma atuartumut taassumalu

angajoqqaavinut atuartup atuaqqinnissaanut,

ilinniagaqaqqinnissaanut inuutissarsiutigiumaagassaminillu

qinigaqarnissaanut siunnersuinissamut

tunngaviussalluni.

• Ingerlaavartumik ukiumut pilersaarutinik

nalilersuisarneq ingerlanneqartassaaq.

• Ilikkagassatut anguniagassat aallaavigalugit

atuartitsineq ingerlanneqartassaaq.

·         Kalaallisut oqaaseqartuussaatit.

·         Aalajaatsumik pissuseqarluni suliuaannartoq.

·         Teammini suleqataarusuttoq.

·         Atuartitseriutsinut nutaanut ammaffiginnittoq.

·         iPad-timik atuanissaminut paasisaqarnerurusuttoq.

Akissarsiat atorfeqarnermilu atugassarititaasut

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.

 

Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq.

Qinnuteqartut Kalaallit Nunaanni tjenestemanditut atorfeqareersut, ilinniartitsisutut tjenestemanditut atorfininnissaminnut periarfissaqarput. Tjenestemanditut atorfininneq pissaaq Namminersorlutik  Oqartussat Kommuninilu tjenestemandit pillugit Inatsisartut inatsisaat nr. 21 18. december 2003-meersoq tunngavigalugu.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni il. il.

 

Atorfinitsitsineq pissaaq 1. Oktober 2019 imaluunniit isumaqatigiinnikkut.

 

Atorfinnut paasissutissat annertunerusut atuarfiup pisortaanut Uvdloriaq Kleist-imut oqarasuaat (+299) 86 41 88, mail uvkl@qeqqata.gl saaffiginninnikkut

pissarsiarineqarsinnaapput. Qinnuteqarfissamut immersugassaq aaneqarsinnaavoq uunga alakkarnikkut http://www.qeqqata.gl.

 

Nassiunneqassaaq uunga: 

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 04. September 2019.

 

Qeqqata Kommunia
HR Afdeling
Postboks 1014

3911 Sisimiut
E-mail:
job@qeqqata.gl
Web:
www.qeqqata.gl

Attavissaq:

Uvdloriak Kleist

(+299) 86 41 88

uvkl@qeqqata.gl