airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia innuttassunut innarluutilinnut tapersersortinik 5-nik pissarsiorpoq

PISOQ-mi tapersersorteqarfimmi tapersersortitut atorfiit 5-it inuttassarsiorneqarput.

Najugaqatigiiffinni, ataatsimoorluni najukkani ulluunerani ornittakkami Ivik, sannavimmi illersukkami Sannavik innuttaasullu angerlarsimaffiini 86-it missaani tapersersorteqarpoq.
Qinnuteqarfissaq kingulleq:
31. august 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiissuteqarnikkulluunniit atorfinitsitsisoqassaaq
Akissarsiat:
Isumaqatigiissutit malillugit

Suliassat akisussaaffiillu 

·  Innuttaasut ataasiakkaat sapinngisaasa ineriartortinnissaanut pisariaqartitaanik tapersersuineq kiisalu innarluutilimmut sungiusarnissamut pilersaarutinik iliuusissatullu pilersaarutinik aallarnisaaneq.

·  Illoqarfigisami illoqarfiullu avataani suleqatigisanik suleqateqarneq.

·  Nalunaarusianik suliaqarneq kiisalu innarluutilinnut inersimasunut, meeqqanut ataasiakkaanut suliassaqartitsinissamut iliuusissatut pilersaarutinik suliaqarneq kiisalu sullitanut ataasiakkaanut tapersersortit ataasiakkaat sulinerannik nalunaarusiorneq ilitsersuinerlu.

 

Piginnaasassat

·  Perorsaasutut, isumaginninnermi ikiortitut assigisaanilluunniit ilinniarsimasuusutit, innarluutilinnut immikkoortortaqarfinni siusinnerusukkut atorfeqarsimanissat iluaqutaassaaq.

·  Aalajaatsuusutit, akisussaassuseqartutit pisussaaffinnillu naammassinnittuusutit.

·  Aallartitsisinnaasutit peqataasutillu.

·  Eqaatsumik sulisinnaasutit suleqateqarsinnaassuseqartutillu.

Akissarsiaqartitaanermi atorfinitsitaanermilu atugassarititat 

Akissarsiaqartitaaneq atorfinitsitaanerlu atorfininnermi Namminersorlutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttoq naapertorlugu aaqqinne­qassapput.

 

Perorsaasutut atorfimmut inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni il. il. Erseqqissaatigineqassaaq ikiortitut atorfimmut inissaqartitsisoqanngimmat.

 

Piaartumik isumaqatigiissuteqarnikkulluunniit atorfinitsitsisoqassaaq.

 

Atorfik pillugu paasissutissat sukumiinerusut Pisoq-mi pisortamut Sven-Olov Åsblom, svol@sisimiut.gl imaluunniit sulinermi ataqatigiissaarisumut Helene Inûsugtok’ oqarasuaat 86 44 60 atorlugu pissarsiarineqarsinnaapput.

 


Meeqqanik pinerliisimannginnermut pineqaatissinneqarsimannginnermullu uppernarsaat

 

Atorfik meeqqanik pinerliisimannginnermut pineqaatissinneqarsimannginnermullu uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat.

Qinnuteqaat ilinniagaqarsimanermut uppernarsaatinik, CV, (ukiut suliffigisimasat) pillagaasimanerup / pillagaasimannginnerup allagartaa oqaaseqaatinik ilalerlugu kingusinnerpaamik 31. august 2019 uunga nassiunneqassaaq: 

Qeqqata Kommunia

Sulisoqarnermut Allaffik

Postbox 1014

3911 Sisimiut

E-mail: jobs@qeqqata.gl

 

www.qeqqata.gl

Attavissaq:

Sven-Olov Åsblom

(+299) 86 44 60

svol@qeqqata.gl