airplanebooksbriefcase business cogs cross election entertainment fish house law lockmedicalpeopleselfservices socialtax

Nutaaliorfeeraq, Sisimiuni suliniummut aqutsisoq

Nutaaliorfeeraq Majoriaq Sisimiut ataani atuagarsornertaqanngitsumik ingerlasuuvoq. Nutaaliorfeeqqami inuusuttatsinnut inummik ilakkuminartumik 2019-imi Oktoberip aallaqqaataani isumaqatigiissuteqarnikkulluunniit atorfinittussamik pissarsiorpugut.
Qinnuteqarfissaq kingulleq:
27. september 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
01. Oktober 2019 isumaqatigiissuteqarnikkulluunniit
Akissarsiat:
Isumaqatigiissutit naapertorlugit

Suliassat akisussaaffiillu: 

Nutaaliorfeeqqap siunertarai:

·         Qeqqata Kommuniani Sisimiuni, sulilersitsiniaanermut neqeroorut inuusuttut atugarisaannut tulluarsagaq.

·         Majoriami atuagarsornikkut ingerlaatsimut sioqqutsilluni qinigassatulluunniit allatut inuusuttunut neqeroorneq.

·         Ingerlaaseq sulinermik, ulluinnarni aaqqissuussamik, sulinikkut misilittakkanik nassaarsiullaqqissutsimillu tunngaveqartoq.

·         Inuusuttut sammisassanik assigiinngitsunik misileraavigisinnaasaannik pilersitsineq.

·         Inuusuttut ilinniagaqarfinnut nalinginnaasumillu suliffissaqartitsiniarnerup iluani periarfissaannik pitsanngorsaaneq.

·         Inuusuttunik inuttut ilinniakkatigullu ineriartornissaannut inerikkiartornissaannullu tapersersuineq.

·         Ataasiakkaat periarfissaannik pitsanngorsaaniarluni aaqqissuussaasumik siunertalimmik sulineq.

·         Avatangiisimik toqqissisimanartumik isumassarsiorfiusinnaasumillu pilersitsineq.

Sullitassat.

·         Annerusumik inuusuttut 16-t 24-llu akornanni ukiullit.

·         Inuusuttut suliffeqanngitsut suliffissaqartitsiniarnerup iluani iluatsitsisinnaanngitsut attassisinnaanngitsulluunniit.

·         Inuusuttut ilinniakkamik aallartitsisimanngitsut unitsitsiinnarsimasulluunniit.

·         Inuusuttut akunnattooqqasut.

·         Inuusuttut sulilernissaminnut ilinnialernissaminnulluunniit inuttut, inuuniarnikkut peqqissutsimikkulluunniit peqquteqarlutik piareersimanngitsut.

Akisussaaffik piginnaasaqarfiillu:

·         Nutaaliorfeeqqami aqutsisoq, ataqatigiissaarisoq ineriartortitsisorlu, kiisalu Centerlederi qanimut suleqatigalugu kommunip Nutaaliorfeeraani allaffissornikkut perorsaanikkullu suliassat isumagissallugit.

·         Nutaaliorfeeqqami sulisunik aqutsinermut siuttuunissaq suliassanillu aaqqissuussinissaq.

Suliassat pingaarnerit

·         Majoriami Centerlederi suleqatigalugu Nutaaliorfeeqqamut missingersuutinut malitseqartitsineq.

·         Majoriami Nutaaliorfeeqqap sulisuisa Centerimilu aqutsisup akornanni ataqatigiissaarineq.

Piginnaasassat inuttullu piginnaasat:

Qinnuteqartuni toqqaanermi pingaartinneqarput,

·         inuusuttut tungaatigut misilittagaqartuusutit ilinniakkatigullu perorsaanikkulluunniit tunuliaqutaqartuusutit,

·         naammagittartuusutit, siunniusimasaqarlutit angusaqarusuttuusutillu,

·         kinaassutsikkut suleqatikkuminartuullutillu saaffikkuminartuusutit,

·         ulapaarfinni eqqissisimasinnaassuseqarlutit tamanillu isiginnissinnaassasutit,

·         ilinniartitsisinnaassuseqartuusutit,

·         misilittagaqartuusutit - inuttut suliffiullu tungaatigut - inuusuttunut ilakkuminassutigisinnaasannik, inussiarnersumik, aalajaatsumik tatiginnilersitsisinnaasumillu attaveqarfigilersinnaallugit.

·         inunnut isiginnittariaatsit kissalaartuusoq

·         marluinnik oqaaseqartuuguit iluaqutaassaaq.

Akissarsiat atorfinitsitaanermilu atugassarititaasut: 

Akissarsiatigut atorfininnermilu atugassarititat, isumaqatigiissut atuuttoq naapertorlugu aalajangiiffigineqartassapput.

Atorfimmut atatillugu inissaqartitsisoqanngilaq.                                  

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna. 

Annertunerusumik paasisaqarusukkuit attavissaq:

Atorfik pillugu ersarinnerusumik paasissutissat Immikkoortortami aqutsisumut Frederik Kreutzmann oqarasuaat 86 71 60 email frkr@qeqqata.gl saaffiginninnikkut pissarsiarineqarsinnaapput

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalerlugu, 2019-imi septemberip 27-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail:
job@qeqqata.gl
Web:
www.qeqqata.gl

Attavissaq:

Frederik Kreutzmann

(+299) 86 71 60

frkr@qeqqata.gl