airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia piffissap ilaani pinaveersaatitsisumik kiisalu piffissap ilaani Pinerluttunik isumaginnittoqarfimmi isumassuinermi ikiortimik pissarsiorpoq

Taamaalilluni piffissami tamakkiisumik atorfik ataatsimoortitaalluni.
Atorfik Kommunip allaffeqarfiani inissisimasuuvoq.

Ilaatigut kommunimi nal. 8-12 akornanni sulinissat kiisalu ilaatigut nal. 12-16 akornanni Pinerluttunik isumaginnittoqarfimmi sulinissat naatsortsuutigaarput, tamannalu atorfiit marluusut akornanni sulineq nikerartinneqarsinnaakutsoorluni. Frihedenimi Pinerluuteqarsimasunik isumaginnittoqarfimmi sineriak tamakkerlugu, Ilulissanit Tasiilaq tikillugu, sulisunit qanimut suleqatigiinnertaqassaaq, Nuummilu immikkoortortaqarfimmik pingaarnertut suleqatigiinneq ingerlanneqassalluni.

Pinaveersaartitsinerup aamma meeqqat inuusuttullu akornanni Pinerlunniarnermut pinaveersaartitsinerup Pinerluttunillu isumaginnittoqarfiup iluani akimortumik ataqatigiissumillu suliaqartoqarnissaata sulisup qulakkiissagaa kissaatigaarput.
Qinnuteqarfissaq kingulleq:
30. oktober 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik, isumaqatigiissuteqarnikkulluunniit atorfinitsitsisoqassaaq
Akissarsiat:
Isumaqatigiissut malillugu akissaasersorneqassaaq

Suliassat akisussaaffiillu:  

Illoqarfimmi nunaqarfinnilu pitsaaliuinermi ataatsimiititaliap suliniutissatut aalajangiussai naapertorlugit pitsaaliuinermi peqqinnerulersitsinissamillu suliassanik pilersaarusiorneq, pilersaarutinillu ineriartortitsineq. Pinaveersaartitsineq pillugit suliffeqarfinnut, atuarfimmut peqatigiiffinnullu oqalugiartussat pillugit, pineqartut qanimut suleqatigalugit ataqatigiissaareqataaneq aaqqissuusseqataanerlu. Sapaatip akunnerata 18-ip, 22-p aamma 46-p ingerlanneqarnissaannut kiisalu Qeqqata Kommuniani ulluni malunnartinneqartartuni peqataaneq Imigassamik atornerluisuulernissamik, pinerliniarnissamillu pinaveersaartitsineq Ajornartorsiutinngorsinnaasut pinaveersaartissallugit annerulersitsinaveer-sassallugillu.

Piginnaasassat:

 

Isumaginninnerup peqqinnissallu iluani, assigisaanilluunniit ilinniagaqartutit, imaluunniit imigassamik aanngajaarniutillu pillugit sullissinermi misilittagaqartutit.

Nammineersinnaassuseqartutit, piumassuseqartutit, sulerusussuseqartutit, tamat isiginnissinnaassuseqartutillu.

Illoqarfimmi nunaqarfinnilu sulianik ataqatigiissaarisinnaasutit.

Pilersaarusiornermut malinnaatitsinermullu misilittagaqartutit.

Suleqatikkuminartuussaatit isumagissaartuusutillu.

Oqariartuutinik ingerlatitseqqissinnaallutit ammasuusutit.

Marluinnik oqaaseqartuusutit, kalaallisut qallunaatullu (piumasaqaataanngilarli)

Aningaasarsiatigut atorfinitsitaanermilu atugassarititaasut:  

Akissarsiat atorfinitsitaanermullu atugassarititaasut, matumani atorfininnermi isumaqatigiissutit atuuttut malillugit inissinneqassapput. Atorfimmut atatillugu sulisunut inissiamik innersuussisoqarsinnaavoq

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Piaartumik, isumaqatigiissuteqarnikkulluunniit atorfinitsitsisoqassaaq.

Atorfinissagaanni, meeqqanik pinerliisimannginnermut uppernarsaat aamma pinerluuteqarsimannginnermut uppernarsaat piniarneqassapput.

Ilaqutariinnut inerisaavimmi pisortaq Najaaraq Røddik-imut, oqarasuaat 81 25 85-imut imaluunniit mailimut naro@qeqqata.gl-imut saaffiginnissuteqarnikkut, atorfik pillugu paasissutissat annertunerusut pissarsiarineqarsinnaapput..

 

 Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 4. Oktober 2019 tigoreersimassavarput.

Qinnuteqaat uunga nassiunneqassaaq:  

Qeqqata Kommunia
HR Afdeling
Postboks 1014
E-mail:
job@qeqqata.gl
Web:
www.qeqqata.gl

Attavissaq:

Najaaraq Røddik

(+299) 81 25 85

naro@qeqqata.gl