airplanebooksbriefcase business cogs cross election entertainment fish house law lockmedicalpeopleselfservices socialtax

Sulisoqarnermut pisortaq

Qeqqata Kommuniani Sulisoqarnermut pisortatut atorfik inuttassarsiorneqarpoq.

HR-mi immikkoortortaqarfik Sulisoqarnermut pisortamik pikkorissumik piginnaasalimmillu piaartumik isumaqatigiissuteqarnikkulluunniit pissarsiorpoq. Ulapaartuaannartuuvugut, utaqqikutsoorsinnaavatsigilli. HR-imi sulisut arfiniliupput, sisamat Sisimiuni inissisimallutik, Maniitsumi ataaseq kiisalu ilinniartoq.
Qinnuteqarfissaq kingulleq:
30. september 2019
Sumiiffik/Pisortaqarfik:
Sisimiut
Sivisussuseq:
Piffissaq tamakkerlugu suliffik
Atorfininnermi ulloq:
1 November 2019 isumaqatigiissuteqarnikkulluunniit
Akissarsiat:
Isumaqatigiissutit naapertorlugit

Atorfinitsitaaneq sulinermilu isumaqatigiissutit 

Sulisoqarnermut pisortap sulisoqarnermut isumaqatigiissutinik, sulisunik aallussinermik kiisalu Qeqqata Kommuniani suleqataasunut ataasiakkaanut sulisunik qulakkeerinninnermik piginnaasatigullu ineriartortitsinermik suliaqarnissamik nuannarisaqassaaq

Atorfik Sisimiuni inissisimavoq.

Sulisoqarnermut pisortaq Kommunimi pisortaaneq qaninnertut attavigisarissavaa. Sulisoqarnermut immikkoortortami atorfiit tallimanut amerlassusiligaapput: Sisimiuni sulisoqarnermut pisortaq ataaseq, sulisoqarnermut siunnersortit marluk Sulinermilu avatangiisit pillugit siunnerti ataaseq kiisalu Maniitsumi kontorfuldmægtigi ataaseq.

Suliassat akisussaaffiillu:

Periusissiamik takorluukkanik tapertaasuumik ilusilersuinissamut atuutilersitsinissamullu, Sulisoqarnermut pisortatut nutaatut pingaarutilimmik inissisimanissannut immikkuullarissumik periarfissaqarputit.

Sulisoqarnermi allaffeqarfiup ulluinnarni ingerlannera aqunneqarneralu akisussaaffigissavatit, Qeqqata Kommunia 1.300-t missaanik sulisoqarpoq. HR-mi ingerlatsinernik pitsanngorsaanermi ineriartortitseqqinnermut atuutilersitsinermullu sunniuteqataanissamut periarfissinneqassaatit, ilaatigut digitalinngorsaanikkut ilaatigullu suleqataasumik akuutitsisumillu angusaqarluarusuttumik aqutsinikkut. Kommunimi pisortaaneq qaninnertut attavigisarissavat, Sulisoqarnermullu allaffimmik suleqatinut Qeqqata Kommunianilu aqutsisunut pingaarutilittut siunnersiueqatigisartagaassallutit. Kiisalu sulisunut tunngasutigut ingerlaavartumik allaffissornikkut suliaqarneq.

Sulisoqarnermut sisamanik sulisoqartumut akisussaasutut, sulisunut tunngasutigut inatsisitigut sulinermilu pissutsit iluani pissutsinut suliamut piginnaasaqartutit kiisalu oqartussaasut inissisimanerinut ilisimasaqartutit tunniussaqarsinnaasuuvutit. Ersarissumik sammiveqartumik, isumassitsisumik akuersaartumillu aqutseriaaseqartuusutit. Tamatuma saniatigut eqeersimaartuuvutit, akuersortoq, suleqatigiinnermilu tamat isiginnissuseqartoq.

Sulisunut tunngassutilinnik politikkikkut suliarineqartussanik piareersaasassaatit. Sulisoqarnermut tunngasutigut kisitsisit pisariaqartitat pingaarnerit suliarineri, allaffissornermi sulisoqarnikkut pilersaarusiornermi ineriartortitsinermilu atugassanik. Sulisut ineriartortinneqarnerat pillugu atuilluartuunissakkut suliniutini peqataaneq suliniutinilu aqutsisuuneq. Sulisoqarnermut tunngasutigut malittarisassanik suliaqarneq ilitsersuinerlu

Piginnaasassat:

  • Tassunga attuumassutilimmik ilinniagaqartuusutit aammalu sulinermik ingerlatsinermik misilittagaqartutit
  • Pisortat suliffeqarfiinit namminersorlutilluunniit inuutissarsiutilinnit aqutsinermik misilittagaqartutit
  • Nammineq aaqqissuussamillu sulisinnaassuseqartutit
  • Suleqatikkuminartuusutit
  • Ulapaarfinni takunnissinnaassuseqarluartutit
  • Suliniutinik piareersaasinnaasutit ulluinnarnilu ingerlatsinermut atuutilersitsisinnaasutit
  • Marluinnik oqaaseqartuusutit - piumasaqaataanngilarli

Akissarsiat atorfininnermilu atugassarititaasut 

Akissarsiaqartitaanermi atorfeqartitaanermilu atugassarititaasut, tassunga ilanngullugit atorfinikkiartorluni soraarnermilu angalanerit taamatullu pigisat nuunneqarnerat Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput. Isumaqatigiissutitigut piumasaqaataasut naapertorlugit atorfinitsitsisoqassaaq.

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

 

Atorfininneq pissaaq 1. november 2019 imaluunniit isumaqatigiissuteqarnikkut.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik pillugu paasissutissat sukukmiinerusut kommunimi pisortaanermut Paneeraq Olsen oqarasuaat (+299 86 73 01), e-mail paol@qeqqata.gl imaluunniit kommunimi pisortaanerup tullianut Laust Løgstrup oqarasuaat (+299 86 73 10), e-mail laul@qeqqata.gl atorlugit pissarsiarineqarsinnaapput

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2019-imi septembarip 30-ani tigoreersimassavarput.

Qinnuteqaat unnga nassiunneqassaaq: 

Qeqqata Kommunia

HR Afdeling

Postboks 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Paneeraq Olsen / Laust Løgstrup

(+299) 86 73 01 / 86 73 10

poal@qeqqata.gl / laul@qeqqata.gl