airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivik Kuunnguaq Perorsaasumik ataatsimik pissarsiorpoq

Qeqqata Kommunia, Maniitsoq, Meeqqerivik ”Kuunnguaq” ataatsimik perorsaasumik 01. November 2019 imaluunniit isumaqatigiissuteqarnikkut atorfinittussamik pissarsiorpoq.

Kuunnguaq-mi pissutsit:

Meeqqerivik atorfik tamakkiisumik suliffiuvoq sapaatip akunneranut nalunaaquttap akunneri 40-t suliffiulluni. Meeqqerivik meeqqanut 80-inut inissaqartitsivoq. Agguarneri meeqqerivittaani 20, meeraaqqerivittaani 60-nik meeraateqarlutik.
Meeqqerivik ammasarfigai ataasinngornermiit tallimanngornermut 06:45 – 17:00. Meeqqerivinni ingerlatsineq Områdechef for Udd., daginst. Kultur, fritid, Erhvervs- og Arbejdsmarked ataani inissisimavoq, Perorsaanermik ataqatigiissaarisoq meeqqerivimmik siunnersuineq ilitsersuinerlu isumagisarpai.
Qinnuteqarfissaq kingulleq:
26. oktober 2019
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. November 2019 isumaqatigiissuteqarnikkulluunniit
Akissarsiat:
Isumaqatigiissutit malillugit

Qinnuteqarnissamut piumasaqaatit:  

Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, allannguisoqassatillugulu akuersaatoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq aalajaatsorlu.
Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittarisassat assigiinngitsut Qeqqata kommunianut atuuttut naapertorlugit sulinissamut piareeqqasoq.

Tunniussinnaasagut:

Kuunnguaq illutamigut angisuujuvoq, silaannaqarluarlunilu, sulisut ineriartortut, pikkorissarnerit assigiinngitsut, MISI qanimut suleqatigaarput, Maniitsumi meeqqeriveqatigiit ataatsimoorluta anguniakkat assigiinngitsut pillugit immersoqatigiittarpugut, Sulisut / angajoqqaanik ataatsimiisitsinermi perorsaanilerinerit, tallimap kingorna ataatsimiinnerit asuujaarfinngortarput, Peqqik atorneqarsinnaavoq, immikkuullarissumik suliniuteqartut taperserneqartarput.

Akissarsiat atorfeqarnermilu atugassat:  

Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu atuuttut malillugit.
Atorfimmut atatillugu inissaqartitsisoqarpoq, malittarisassat atuuttut malillugit ineqarnermut akiliisoqartassalluni.
Atorfimmut paasissutissat erseqqinnerusut pissarsiarineqarsinnaapput ukununnga saaffiginninnikkut: Meeqqerivimmi aqutsisoq Andreas Jessen tlf. +299 81 30 76 imalluunniit
kuunnguaqmaniitsoq@qeqqata.gl
Pisortatigoortumik pillagaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.

Qinnuteqaatit, ilinniarsimanermut uppernarsaatit, siusinnerusukkullu sulisimanermut uppernarsaatit ilanngullugit kingusinnerpaamik 26. Oktober 2019 nassiunneqassapput uunga: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Andreas Jessen

(+299) 81 30 76

kuunnguaqmaniitsoq@qeqqata.gl