airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Utoqqaat Angerlarsimaffiat QUPANUK sundhedsassistentinik marlunnik pissarsiorpoq

Sundhedsassistentitut ilinniarsimasuuit utoqqarnillu sullisserusussuseqarpit.
Sisimiuni Utoqqaat angerlarsimaffiat immikkoortortanut marlunnut agguataagaavoq: Paaqqutarinniffik puigortunngorsimasunullu immikkoortortaq, immikkoortortallu taakkua marluk tamarmik immikkut immikkoortortami aqutsisumit aqunneqarput:
- Paaqqutarinniffik najugaqartunut 22-nut inissaqartitsivoq ataaserlu qasuersaarfiulluni.
- Puigortunngorsimasunut immikkoortortaq najugaqartunut 20-nut inissaqartitsivoq.

Najugaqartut ataasiakkaat imminnut ikiornissaminnut nukittorsarneqarlutillu attassiinnarnissaannut ikiorneqarnissaat aamma, illumi najugaqartut sulisuisalu ataatsimoorlutik, ataasiakkaanut ataqqinnittumik inuuneqarnissaat pingaartinneqarpoq.
Qinnuteqarfissaq kingulleq:
17. november 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. december 2019 isumaqatigiissuteqarnikkulluunniit
Akissarsiat:
Isumaqatigiissutit malillugit

Illit ilaatigut makku suliarisassavatit:  

  • Paarsaqarneq isumassuinerlu, utoqqarnut suliassaqarfimmi siunertarineqartut, anguniakkat malittarisassallu suliarineqarsimasut qulakkeereqataaffiginissaat.
  • Oqaloqatigiinnikkut toqqissisimanermik tatigeqatigiinnermillu pilersitsineq.
  • Najugaqartup pisinnaasai nukittorsaavigissallugit, ataqqinnittumik suleriaaseqarlutit
  • Utoqqarnik isumassuinerup iluani ingerlanneqartut naapertorlugit peqataanikkut ineriartortitseqataaffiginissai.

Naatsorsuutigaarput:

  • Sundhedsassistentitut ilinniarsimasoq
  • Aalajaatsuusutit suliannullu akisussaassuseqartutit.
  • Inuit assigiinngissusaanik akuersaartuusutit tulluarsarsinnaasutillu.
  • Isumassatsialaateqassasutit ingerlatsisinnaassuseqassasutillu
  • Suleqateqallaqqissuusutit
  • Sulinermi piginnaasatit atorusuttassagitit.
  • Ajornanngippat marluinnik oqaaseqartuussasutit

Neqeroorutigaarput:

Ilitsersuut

 

Suliffimmi ineriartortumi akisussaaqataaneq sunniuteqaqataanerlu pingaartinneqartut.

 

Suliffiup sivisussusaa sapaatit-akunneranut 40 tiimiuvoq, suleriaaserlu atorneqartoq aaliangersimasumik uteqattaartoq atorneqarpoq, sulineq 12-tiiminik sivisussuseqartarluni, sapaatillu akunneri sisamat ingerlanerani ullut 14-it katillugit sulinngiffeqartarluni, naatsorsuutigissavallu sapaatit-akunnerisa naaneri allortarlugit akisussaasutut atuuffeqarlutit sulisarnissat. 

Suliffik pissanganartoq assigiinngitsorpassuarnik namminersornartunillu suliassaqarfiusoq.

Suliffik namminersornartorujussuaq, ineriartortitsinissamut periarfissagissaartoq

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Akissarsiat atorfeqartitaanermilu atugassarititaasut: 

Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

 

Qaammatini pingasuni misiligummik atorfinitsitsisoqassaaq.

 

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Atorfiniffissaq: 1. december 2019 isumaqatigiissuteqarnikkulluunniit.

 

Atorfinnut sukumiinerusumik paasissutissat pillugit attavigisinnaavat Peter Mattaaq oqarasuaat: 86 73 58-mut mail: pema@qeqqata.gl –mut saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq kingusinnerpaamik 17. november 2019-imi uunga nassiunneqariissapput: 

Qeqqata Kommunia

Sulisoqarnermut immikkooortortaqarfik

Postbox 1014

3911 Sisimiut

E-mail: qeqqata@qeqqata.gl

Nittartagaqwww.qeqqata.gl

Attavissaq:

Peter Mattaaq

(+299) 86 73 58

pema@qeqqata.gl