airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi atuarfiit nutarterneqarnissaannut Qeqqata Kommunia sanaartortitsisutut siunnersortissarsiorpoq / sanaartornermik nakkutilliisussarsiorpoq

Atuarfik Kilaaseeraq annertuumik ukiorpaaluillu ingerlanerini nutarterneqartussanngorpoq. Kangaamiuni atuarfiup nutarterneqarnissaa aallartisarneqalerpoq. Taamaattumik suliassanut taakkununnga siunnersortaasinnaasumik / nakkutilliisuusinnaasumik Qeqqata Kommunia pisariaqartitsivoq.

Atuarfiit nutarterneqarnerat naammassippata, sanaartortitsisutut siunnersorti Teknikkimut Avatangiisinullu Immikkoortortami aalajangersimasumik atorfininnissaminut periarfissaqassaaq.

Aaqqissuussaanikkut atorfik Maniitsumi Ilinniartitaanermut immikkoortortami Ilinniartitaanermut pisortap ataaniissaaq, taamaakkaluartorli Teknikkimut Avatangiisinullu Immikkoortortaq qanimut suleqatigineqassalluni.
Qinnuteqarfissaq kingulleq:
22. november 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Akissarsiat:
Isumaqatigiissutit malillugit

Suliassat akisussaaffiillu  

Atuisut kissaataat, aningaasaliissutitigut sinaakkutit, nutarterisitsinernillu aqutsinissami suliniutitut pilersaarutigineqarsimasut ataqatigiissinnerisigut, atuarfiit nutartertinneqarnissaasa ingerlanneqarnissaat.

 

Atuarfik Kilaaseeqqap nutarterneqarnissaani allaffissornikkut aqutsisutullu nakkutilliinissamik akisussaassuteqarneq.

 

Atuarfiit nutarterneqarnerinut atatillugu qullersaqarfimmut suliatigut siunnersortaaneq

 

Inatsisinut tunngatillugu apeqquteqaataasinnaasunut, matumani politikkikkut aalajangigassanik paasissutissiissutissanillu saqqummiussassaliorneq ilanngullugit, politikkikkut ataatsimiititalianut siunnersuineq

 

Atuarfinnik nutarterinernik nakkutilliineq, matumani sanaartornermik aqutsineq, sanaartornermilu naatsorsuutit ilanngullugit

 

Ilinniartitaanermut Immikkoortortami sanaartornikkut suliassat takkussuuttut nalinginnaasut

 

Piginnaasassat:

·         Teknikkimut sammisumik ilinniarsimassasutit – illussanik titartaasartoq, ingeniøri imaluunniit bygningskonstruktøri

·         Atuisut, gruppit kissaataat, sanaartortitsisullu suliassaannik ataqatigiissaarinissamik misilittagaqartutit

·         Pisortat aamma/imaluunniit namminersortut sanaartortitsinerinik annerusunik nakkutilliinermik misilittagaqarluartutit

·         Oqaatsitigut allattariarsornikkullu attaveqaqateqallaqqissasutit

·         Nammineersinnaassuseqarlutillu

·         Piumassuseqassasutit, ulapaarfinnilu eqqissisimasumik sulisinnaassasutit

·         Marluinnik oqaaseqassasutit, kalaallisut/qallunaatut – tamannali piumasaqaataanngilaq

·         Suleqatitit, aqutsisut, politikerillu kiisalu illup avataani suleqatit suleqatigisinnaassagitit

·         Aaqqissuussaasumik suleriaaseqartutit, misissueqqissaarisinnaassuseqartutit kiisalu paasinartumik ersarissumillu saqqummiisinnaasutit

·         Ammasuusutit, qiimasuusutit, qiimmisaarnermillu nuannarisaqarlutik persuarsiorpalaartuunngitsutit

Akissarsiat atorfeqartitaanermilu atugassarititaasut  

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.  Isumaqatigiissutitigut piumasaqaataasut naapertorlugit atorfinitsitsisoqassaaq.

 

Inissaqartitsisoqarsinnaavoq, taannalu malittarisassat atuuttut naapertorlugit akilersorneqassalluni.

 

Piaartumik isumaqatigissuteqarnikkulluunniit atorfinitsitsisoqassaaq.

 

Atorfik pillugu annertunerusumik paasisaqarusukkuit, Ilinniartitaanermi Immikkoortortami Anna Heilmann-imut, oqarasuaat +299 81 78 68 mail: annh@qeqqata.gl-imut saaffiginninnissannut tikilluaqqusaavutit.

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunillu ilaqartinneqartoq, kingusinnerpaamik 2019-imi novemberip 22-ani Qinnuteqaatit uunnga nassiunneqassapput:  

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

 

E-mail: job@qeqqata.gl

Attavissaq:

Anna Heilmann

(+299) 81 78 68

annh@qeqqata.gl