airplanebooksbriefcase business cogs cross election entertainment fish house law lockmedicalpeopleselfservices socialtax

Qullersaqarfimmi allatseqarfik kontorfuldmægtige-mik pissarsiorpoq

Qeqqata Kommunia Sisimiuni qullersaqarfimmi allatseqarfimmut kontorfuldmægtige-mik pissarsiorpoq. Allatseqarfimmi pisortap ataanut sulisoq atorfinitsinneqassaaq.

Allatseqarfik immikkoortortaqarfiuvoq, pingaarnertut politikerinik kiffartuussisarfiusoq. Qullersaqarfimmi allatseqarfik allaffeqarfimmi immikkoortortani tamani sullissisuuvoq. Fuldmægtigitut ulluinnarni sulinermi politikerit aalajangiussaat tunngavigalugit ineriartortitsinermik suliniutinillu aallartitsinermik suliaqartassaatit kiisalu suliassanik assigiinngitsunik ikorfartuinermik naammassinninnermillu suliaqartassallutit.

Allatseqarfimmi suleqataasutut suliffimmik piffiit ilaanni pilertortumik aamma piffissaalatsilluni isumagisassanik suliassaqarfiusumut nuannarinnittuussaatit. Politikerit inuillu assigiinngitsorpassuit akornanni aamma piffissap ingerlanerani suliniutit ilusaasa imarisaasalu allanngorfigisinnaasaanni sulineq nuannarissavat.
Qinnuteqarfissaq kingulleq:
31. oktober 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Akissarsiat:
Isumaqatigiissutit malillugit

Suliassaqarfik  

Borgmesterimut aammalu Kommunip pisortaaneranuusinnaasunut saaffiginninnernik ataqatigiissaarineq

Najukkami ataatsimiititaliamut allatsiuneq

  • Najukkami ataatsimiititaliamut oqaluuserisassanik suliaqarneq/piareersaaneq
  • Najukkami ataatsimiititaliamit Ataatsimiititalianut oqaluuserisassanik suliarinninneq/piareersaaneq
  • Najukkami ataatsimiititaliami sulianik suliaqarnermi ikiuunneq

Qinersineq innuttaasunillu taasititsineq

Pisortatigoortumik katinnernik ataqatigiissaarineq

Pisortatigoortumik kommunimut pulaarnernut ataqatigiissaarineq

Kommunalbestyrelsimi ataatsimiinnerni suliassanillu agguataarinninnermi ataqatigiissaarinermut ikiuunneq.

Politikkikkut assigiinngitsuni ataatsimiinnerni suliap ingerlanneqarneranut ataqatigiissaarineq

 

Qullersaqarfimmi sulisut allat suleqatigalugit suliassat

-          Allakkanik isertunik nalunaarsuineq agguaanerlu

-          Allatseqarfimmi suliassanik suliarinninneq

-          Angalanernik ataqatigiissaarineq, matumani billetsinik hotelinullu inniminniineq

-          Pinnguaatit aningaasanik nakkartitsisarfinnut akuersissutit

-          Imigassamik tuniniaasinnaanermut akuersissutit

-          Borgmesterimit pilluaqqussutit checkillu tunissutit

-          Ataatsimiinnernik ilassinninnernillu aaqqissuussineq

-          Allaffimmik atortunik piniarneq toqqorsivimmiittuuteqarnerlu

-          Borgmesterimut kommunimilu pisortaanermut saaffiginnissutinik kiffartuussineq tigooraanerlu

-          Pisariaqalersillugu suliassanngortartut.

 

Suleqatitaatta tullinnguuttunik makkuninnga tunniussaqarsinnaanera imatut takorloorparput

·         Politikkimut tunngasuni aaqqissugaasumi suliaqarnermik misilittagaqarneq

·         Suliniutinik aqutsinermik misilittagarneq

·         Suliffeqarfimmi angisuumi qaffasissutsini assigiinngitsuni sulinermik misilittagaqartoq

·         Ilusilersuilluarsinnaasoq, sunniuteqarluartoq kiinneraartorlu

·         Suliniuteqarsinnaassuseqarluartoq, iliuuseqarsinnaassuseqarluartoq nammineersinnaassuseqartorlu

·         Suleqatiginnilluarsinnaassusilik akisussaassuseqartorlu

·         Suliassat assigiinngitsorpassuit akisussaaffigisinnaagai ataatsimoortumillu takunnissinnaajuaannassasoq

·         Kalaallisut qallunaatullu oqaasiliusutit

·         Patajaattoq, ammasoq akuersaartorlu

Akissarsiat atorfeqartitaanermilu atugassarititaasut  

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.  Suliffimmut atasumik inissaqartitsisoqarsinnaavoq.

 

Meeqqanik pinerliisimannginnermut pineqaatissinneqarsimannginnermullu uppernarsaatit

Atorfik una meeqqanik pinerliisimannginnermut pineqaatissinneqannginnissamullu uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Qinnuteqaat ilinnniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalerlugu, 2019-imi oktobarip 31-ani tigoreersimassavarput.

 

Atorfinnut tunngatillugu annertunerusumik paasissutissanik uunga piniartoqarsinnaavoq: Allatseqarfimmi pisortaq Peter Evaldsen oqarasuaat: (+299) 867307.

Qinnuteqqaat uunga nassiunneqassaaq: 

Qeqqata Kommunia
Sulisoqarnermut immikkoortortaq   Postboks 1014

E-mail: job@qeqqata.gl
Web: www.qeqqata.gl

Attavissaq:

Peter Evaldsen

(+299) 86 73 07