airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Ikiorsiisarnermut immikkoortumut immikkoortumi aqutsisoq

SISIMIUT MISILIGUK
Sisimiut illoqarfiuvoq pissanganartoq, qalipaatigissumik kultureqarlunilu pinngortitaqartoq kiisalu timersornermik peqatigiiffilerinermillu ingerlatsilluarfiusoq.

Sisimiuni Ilaqutariinnermut Immikkoortortaq Ikiorsiisarnermut immikkoortumut immikkoortumi aqutsisumik 2019-imi decembarip aallaqqaataani atorfinittussamik pissarsiorpoq, taassuma ersarissumik aqutsineq aammalu pisortanit ikiorsiissutit pillugit Ilaqutariinnermut Immikkoortortamut saaffiginnissutinik piukkunnartumik sullissinisap qulakkeerneqarnissaa pingaarnertut suliassarivaa.

Ikiorsiisarnermut immikkoortup innuttaasut tigusarpai aammalu siunnersorlugit ilitsersorlugillu, pisortanit ikiorsiissutinik naatsorsuuttarlugit, iliuusissatut pilersaarusiuuttarlugit ataatsimiititaliarisamullu innersuussutinik suliaqartarluni.

Ikiorsiisarnermut immikkoortortaq atorfinnut tallimanut inuttaligaavoq: Immikkoortortami aqutsisoq ataaseq sullissisullu sisamat.

Ikiorsiisarnermut immikkoortumi namminerisamik innuttaasunik sullissiveqarpoq: Tigooraavik, tassani innuttaasut saaffiginnittarlutik. Tassanngaaniit saaffiginnissutaannut tunngatillugu sullinneqalertarput.

Ilaqutariinnermut immikkoortortap ataaniipput Ikiorsiisarnermut immikkoortortaq, Utoqqarnut immikkoortortaq, Meeqqanut inuusuttunullu immikkoortortaq, Innarluutilinnut immikkoortortaq Allatseqarfillu.

Pisortamut tullersorti ilaqutariinnermullu pisortaq ilanngullugit, Ilaqutariinnermut immikkoortortaq sulisinut 25-nut amerlassusiligaavoq.

Ikiorsiisarnermut immikkoortoq annertunerusumik Meeqqanut- aamma Ilaqutariinnut immikkoortumik aamma Utoqqarnut immikkoortumik aammali Suliffissarsiuussisarfimmik Majoriamillu suleqateqarnerusarpoq.

Taassuma saniatigut, Ilaqutariinnermut immikkoortortaq tamakkerlugu suliat pillugit ataatsimeeqatigiittarnermik aammalu sapaatip akunnikkaartumik nunaqarfiit allaffiinik ataatsimeeqateqartarnernik qanimut suleqatigiittoqarpoq, tassanilu immikkoortumi aqutsisoq peqataasarportaaq.
Qinnuteqarfissaq kingulleq:
25. november 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. december 2019
Akissarsiat:
Isumaqatigiissutit malillugit

Suliassat akisussaaffiillu tassaapput: 

·         Ikiorsiisarnermut immikkoortumi pingaarnertut oqartussatut sullissineq

·         Immikkoortumik aqutsineq pisariaqarfianilu sullissisuuneq

·         Siunnersuineq ilitsersuinerlu

·         Iliuusissatut pilersaarutit sananeqarnissaasa taakkualu malitseqartinneqartarnerisa qulakkeerneqarnissaa.

·         Politikkikkut ataatsimiititaliamut attuumassuteqartumut suliamik saqqummiussaliorneq

·         Akimortumik suleqateqarneq, aamma inissiaatileqatigiiffik INI-mik

·         Sulianut apeqqutini sullissisunik siunnersiueqatigiinneq

·         Suleriaatsip ineriartortinnissaa pitsanngorsarnissaalu

·         Ikiorsiisarnermut immikkoortup aningaasaqarnerata aqunneqarneqarnera, suliasamullu tassunga paasisimasaqarnissaq

·         Ilaqutariinnermut immikkoortortami ikiorsiisarnermut immikkoortoq pingaartillugu ineriartortitsinermut peqataaneq

·         Isumaginninnikkut inissianut innersuussinissamut ataatsimiititaliami peqataaneq

·         Isumaginninnermi Naammagittaalliuuteqartarfimmit saaffiginnissutinik akissuteqaateqarneq 

Naatsorsuutigaarput:

·         isumaginninnermi siunnersortitut isumaginninnermulluunniit suliaqarfinni allat iluanni ilinniagaqartuusutit.

·         immikkoortup iluani inatsisinut ilisimasaqartutit, piumasaqaataanngilarli

·         Marluinnik oqaaseqartuusutit

·         Suleqatikkuminartuullutillu saaffikkuminartuusutit.

·         Oqaatsitigut allattariarsornikkullu piginnaasaqarluartutit

·         Pinerluuteqarsimassanngitsutit

·         ammasuusutit ersarissumillu aqutseriaaseqartuusutit

·         siusinnerusukkut suliffigisimasannit aqutsinermik misilittagaqartutit, piumasaqaataanngilarli

·         Aalajangiinissamut pikkoriffeqartuusutit

·         Sulisunik kajumissaarillaqqissuusutit suleqatikkuminartuusutillu

·         Kommuunit missingersuutaannik naatsorsuutaannillu aqutsinermik ilisimasaqartuusutit

·         politikkikkut aqunneqartumik suliffeqarfimmi sulinermut piumassuseqartutit imaluunniit ilisimasaqarlutillu misilittagaqarusuttuusutit

·         Tamat isiginnissinnaalluartuusutit aamma pisuni ulapaarfiusuni

Neqeroorutigaarput:

·         Suliffissannik ilisarititsineq

·         Suliffik pissanganartoq unammillernartorlu

·         Suliffeqarfik uummaarissoq ulluinnarni unammillernartorpassualik

·         suleqatit aqutsisooqatillu pitsaasut arlaqartut

·         Illup avataani iluanilu suleqateqarneq

·         Piginnaasannik ataavartumik ineriartortitsineq

·         Ikiorsiisarnermut immikkoortumi ineriartornermut sunniuteqarnissamik periarfissaqartitsineq

·         ikiorsiisarnermut immikkoortoq ingerlalluartoq

·         immikkoortortani aqutsisoqatit pitsaasut

·         Suliassat pissanganartut, tamatigoortut namminersorfiusullu

 

Ikiorsiisarnermut immikkoortumi immikkoortumik aqutsisoq Ilaqutariinnermut pisortamut qaninnertut attaveqassaaq.

Akissarsiat atorfeqartitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

2019-imi decembarip aallaqqaataani atorfinittoqassaaq.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

 

Atorfik pillugu paasissutissat annertunerusut, ilaqutariinnermut immikkoortortami pisortamut Kirsten Bødker-imut, oqarasuaat (+299) 867417 imaluunniit e-mail: kirb@qeqqata.gl-imut saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik attaveqaatissanillu ilaqartoq tigoreersimassavarput 25. november 2019.

Qinnuteqaat nassiunneqassaaq uunga: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web:www.qeqqata.gl/job

Attavissaq:

Kirsten Bødker

(+299) 86 74 17

kirb@qeqqata.gl