airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqata Kommunia Sisimiuni Ilinniartitaanermut Aningaasaqarnermullu pisortaanermik pissarsiorpoq

2020-mi februaarip aallaaqqaataanit
isumaqatigiissuteqarnikkulluunniit atorfinittussamik, Ilinniartitaanermut aningaasaqarnermullu pisortaanermik Qeqqata Kommunia pissarsiorpoq

Ilinniartitaanermut Aningaasaqarnermullu pisortaaneq Sisimiuni Maniitsumilu ilinniartitaanermut immikkoortortanut kiisalu aningaasaqarnermut immikkoortortanut marlunnut ataqatigiissitsisuussaaq, periusissanut, takorluukkanut politikkinullu oqaasertaleeqataasassalluni, aammalu Kommunimi pisortaanermut kiisalu Atugarissaarnermut pisortaanermut qanimut suleqataassalluni.

Taamaalillunilu Ilinniartitaanermut Aningaasaqarnermullu pisortaanertut sulineq annertuumik suliamut ilisimasaqarnissamik piumasaqaateqassaaq, ilinniartitaanermillu suliniuteqarnerup annertuumik ukkatarineqarnissaanut kiisalu aaqqissuussami innuttaasunik sullissiffiusumi eqaatsuusumilu suliat akimorlugit ataqatigiimmillu suliniuteqarnissamik pingaartitsisumi, Kommunimi pitsaasumik aningaasaqarnikkut ineriartortuarnissaanut attuumassuteqartorujussuussalluni.

Aqutsisoq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.

Qeqqata Kommuniata aningaasaqarnera pitsaasuuvoq, aningaasaqarnikkut sukangasumik aqutsinermik piviusunngortitsinissamillu ukkataqartoq. Assigiinngisitaartumik atuartitsinerup, digitaliseriinermut, oqaatsit, atuarfik-angerlarsimaffiullu akornanni suleqatigiinnermut kiisalu aqutsisunik ineriartortitsinerup iluani

suliniuteqarnikkut, meeqqat atuarfiinik ineriartortitsinissamut Kommuni immikkut ukkataqarpoq.
Qinnuteqarfissaq kingulleq:
16. december 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. februar 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

         Ilinniartitaanermut immikkoortortap, suliffeqarfik sunngiffimmilu immikkoortortap kiisalu aningaasaqarnermut immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamut qulakkeerineq

         Sunniutilimmik aaqqiissutissat atuilluartumillu inerneqarnissat siunertaralugit politikkikkut anguniakkani, aalajangiussani pilersaarutinilu unioqqutitsinngitsumik ingerlatsinissamut aamma naammassisaqarnissamut malitseqartitsinissamullu qulakkeerinninneq.

         Pingaarnertut aqutsineq aningaasaqarnikkullu aqutsineq. Periusissiamik, ineriartortitsinissamik pitsanngorsaanissamillu ukkataqarluni, sunniutilimmik aningaasaqarnermik aqutsinissamut nukinnik tulluartumik atuinissamut qulakkeerisuunissaq ilaavoq.

         Aaqqissuussaanermi ineriartortitsinermik, suleqatigiinnermik, ingerlariaatsinik suliassallu naammassineqarnisaanut aallartitsisuullunilu malitseqartitsisoq.

         Qeqqata Kommuniata allaffeqarfiani tamani sulinermi ingerlalluartoqarnissaanik qulakkeerineq, Qeqqata Kommuniatalu sumut ingerlaneranik tamanit ilisimaneqarnissaanik isumaginninneq

Piginnaasassat:

         Kandidatitut ilinniarsimassasutit imaluunniit attuumassutilimmik ilinniarsimassasutit, aqutsisutut ilinniarsimaneq ilanngullugu.

         Ilinniartitaanermut perorsaanermullu aqutsinikkut qaffasissumik misilittagaqartuunissaa

         Ilitsoqqussaralugu paasisimasaqarluartoq eqeersimaartorlu. Qullersaalluni aqutsisoq ersarissoq

         Aningaasaqarnikkut aqutsinermut misilittagaqartutit

         Suleqateqallaqqissuusutit avatangiisinillu sunniisinnaassuseqartutit

         Ilinniartitaanermut immikkoortortap aningaasaqarnerullu ineriartortinnissaanut misilittagaqartutit imaluunniit sapiissuseqartutit

         Marluinnik kulturilimmi avatangiisilimmi anguniagalimmk sulisinnaassuseqartutit

         Ajornanngippat arlalinnik oqaaseqartuussasutit, kalaallisut, qallunaatut tuluttullu

Akissarsiat atorfeqartitaanermilu atugassarititaasut: 

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffimmi akornani isumaqatigiissutit sukkulluunniit atuuttut naapertorlugit inissinneqassapput.

 

Ilinniartitaanermut aningaasaqarnermullu pisortaanertut atorfik allaffissornikkut Sisimiuni inissisimavoq, Sisimiunilu Kommunimi pisortaanerup ataani inissisimalluni.

 

Piaartumik isumaqatigiissuteqarnikkulluunniit atorfinittoqassaaq.

Ilinniartitaanermut aningaasaqarnermullu pisortaanertut atorfik pillugu annertunerusumik paasissutissat Kommunimi pisortaanerup Juliane Henningsen, oqarasuaat (+299) 86 73 01, e-mail: juhe@qeqqata.gl attavigineratigut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 16. december 2019 tigoriissavarput, ima nalunaaqqutserlugu: Qeqqata Kommunia Ilinniartitaanermut Aningaasaqarnermullu pisortaaneq.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuussutissarsiortut, avataaniillu suleqatigineqartartut akimortumik suleriaaseqarnermut, innuttaasunik akuutitsinermut, nammineq kajumissutsimik sulisarnermut, nunarsuarmioqataanerulernissamut sulisullu ilorrisimaarnerinut ilisarnaataapput.

 

Kommunimi atorfilimmik naapitsigit

Qeqqata Kommuniani kommunimi sulisut (atuarfinni, paaqqinnittarfinni, allaffeqarfeqarfimmi) 1300-t missaanniipput, taakkunannga 141-t, Sisimiuni 94-it Maniitsumilu 47-t, allaffeqarfimmi atorfeqarlutik.

 

Nittartakkatsinni www.qeqqata.gl/ansat Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Attavissaq:

Juliane Henningsen

(+299) 86 73 01

juhe@qeqqata.gl