airplanebooksbriefcase business cogs cross election entertainment fish house law lockmedicalpeopleselfservices socialtax

Qeqqqata Kommunia Sisimiuni Atugarissaanermut pisortaanermik Pissarsiorpoq

2020-imi februaarip aallaqqaataanit
isumaqatigiissuteqarnikkulluunniit atorfinittussamik, Atugarissaarnermut pisortaanermik Qeqqata Kommunia pissarsiorpoq.

Sisimiuni Maniitsumilu Atugarissaarnermut Immikkoortortat (ilaqutariinnermut immikkoortortat) marluusut assigiissaarnissaat Atugarissaarnermut pisortaanerup qulakkiissavaa, aammalu periusissanut, takorluukkanut politikkinullu oqaasertaleeqataasassalluni, kiisalu Kommunimi pisortaanermut aammalu Ilinniartitaanermut Aningaasaqarnermullu pisortaanermut qanimut suleqateqassalluni.

Taamaalillunilu Atugarissaarnermut pisortaanertut sulineq annertuumik suliamut ilisimasaqarnissamik piumasaqaateqassaaq, isumaginninnikkullu suliniuteqarnerup annertuumik ukkatarineqarnissaanut kiisalu aaqqissuussami innuttaasunik sullissiffiusumi eqaatsuusumilu suliat akimorlugit ataqatigiimmillu suliniuteqarnissamik pingaartitsisumi, Kommunimi pitsaasumik aningaasaqarnikkut ineriartortuarnissaanut attuumassuteqartorujussuussalluni.

Pisortaaneq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.

Qeqqata Kommuniata ”Inuunerinneq – inuuneq tamaat” ukkatarivaa, tassuunakkullu meeqqat isumassorneqarnissaat illersorneqarnissaallu kiisalu utoqqaat pitsaasumik inuuneqarnissaasa attatiinnarneqarnissaat qulakkeerneqassallutik. Meeraq qitiutillugu siornatigut ataatsimoorussamik suliniutaasumut, ’Qeqqata Kommuniani najoqqutassiaq’-ssami aallaavigineqassaaq, inuttullu atukkanut pitsanngorsaaqataassalluni. Taamatuttaaq pingaartipparput innuttaasut innarluutillit, utoqqaat, kiisalu puiortunngorsimasut isumassorluarneqarnissaat
Qinnuteqarfissaq kingulleq:
16. december 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. februar 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

         Atugarissaarnermut immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamut kiisalu immikkoortortami pitsaasumik aningaasaqarnikkut isumaginninnissamut qulakkeerinninneq

         Sunniutilimmik aaqqiissutissat atuilluartumillu inerneqarnissat siunertaralugit politikkikkut anguniakkani, aalajangiussani pilersaarutinilu unioqqutitsinngitsumik ingerlatsinissamut aamma naammassisaqarnissamut malitseqartitsinissamullu qulakkeerinninneq.

         Atuiffiup iluani pingaarnertut aqutsineq aningaasaqarnikkullu aqutsineq. Atugarissaarnermut immikkoortortami periusissiamik, ineriartortitsinissamik pitsanngorsaanissamillu ukkataqarluni, sunniutilimmik aningaasaqarnermik aqutsinissamut nukinnik tulluartumik atuinissamut qulakkeerisuunissaq ilaavoq.

         Qeqqata Kommuniani Atugarissaarnermut immikkoortortami atuutilersitsinerit kingornalu ingerlatsinerit siunertat anguniakkallu aalajangersakkat naapertorlugit ingerlanneqarnissaanik qulakkeerinninneq, matumani innuttaasut illoqarfimmi nunaqarfimmiluunniit najugaqaraluarpata pitsaasumik sullinneqarnissaanik qulakkeerinninneq

         Aaqqissuussaanermi ineriartortitsinermik, suleqatigiinnermik, ingerlariaatsinik suliassallu naammassineqarnisaanut aallartitsisuullunilu malitseqartitsisoq.

         Inatsisit atuuttut naapertorlugit immikkoortortaqarfinnik ingerlatsivinnillu siunnersuineq ilitsersuinerlu

         Killiliussat anguniakkallu aalajangiussat naapertorlugit immikkoortoqarfiit ataasiakkaat suliaminnik naammassinninnissaannik qulakkeerinninneq

Piginnaasassat:

         Kandidatitut ilinniarsimassasutit imaluunniit attuumassutilimmik ilinniarsimassasutit, aqutsisutut ilinniarsimaneq ilanngullugu

         Ilitsoqqussaralugu paasisimasaqarluartuusutit eqeersimaartuusutillu, ersarissumillu aqutsisuulluartuusutit

         Suleqateqallaqqissuusutit avatangiisinillu sunniisinnaassuseqartutit

         Atugarissaarnermut immikkoortortap ineriartortinnissaanut misilittagaqartutit imaluunniit sapiissuseqartutit

         Marluinnik kultureqarluni avatangiisilimmi anguniagalimmik sulisinnaassuseqartutit

         Ajornanngippat arlalinnik oqaaseqartuussasutit, kalaallisut, qallunaatut tuluttullu

Akissarsiat atorfeqartitaanermilu atugassarititaasut: 

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffiup akornani isumaqatigiissutit sukkulluunniit atuuttut naapertorlugit inissinneqassapput.

 

Atugarissaarnermut pisortaanertut atorfik allaffissornikkut Sisimiuni inissisimavoq, Sisimiunilu Kommunimi pisortaanerup ataani inissisimalluni.

 

Piaartumik isumaqatigiissuteqarnikkulluunniit atorfinittoqassaaq.

Atugarissaarnermut pisortaanertut atorfik pillugu annertunerusumik paasissutissat Kommunimi pisortaanerup Juliane Henningsen, oqarasuaat (+299) 86 73 01, e-mail: juhe@qeqqata.gl attavigineratigut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 16. december 2019 tigoriissavarput, ima nalunaaqutserlugu: Qeqqata Kommunia Atugarissaarnermut pisortaaneq.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuussutissarsiortut, avataaniillu suleqatigineqartartut akimortumik suleriaaseqarnermut, innuttaasunik akuutitsinermut, nammineq kajumissutsimik sulisarnermut, nunarsuarmioqataanerulernissamut sulisullu ilorrisimaarnerinut ilisarnaataapput.

 

Kommunimi atorfilimmik naapitsigit

Qeqqata Kommuniani kommunimi sulisut (atuarfinni, paaqqinnittarfinni, allaffeqarfeqarfimmi) 1300-t missaanniipput, taakkunannga 141-t, Sisimiuni 94-it Maniitsumilu 47-t, allaffeqarfimmi atorfeqarlutik.

 

Nittartakkatsinni www.qeqqata.gl/ansat Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Attavissaq:

Juliane Henningsen

(+299) 86 73 01

juhe@qeqqata.gl