airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Meeqqerivinnut allaffeqarfik angerlarsimaffimmi paarsisartumik piaarnerpaamik sulilertussamik pissarsiorpoq

Qinnuteqarfissaq kingulleq:
10. januar 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

·         Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaat nr. 16, 3. december 2012-meersoq naapertorlugu angerlarsimaffimmi paarsisartoq sulissaaq.

·         Angerlarsimaffimmi paarsisartoq meeqqanik atualertussanik sisamanik paarsaqartinneqarsinnaavoq.

·         Qaammammusiaqarluni atorfinitsinneqassaaq, sapaatip akunneranut akunnerit suliffiusussat 47-pput.

·         Angerlarsimaffimmi paarsisartoq ullut tamaasa ullaakkut nal. 7:00-imiit ualikkut nal. 17:00 tungaanut piareersimasassaaq, perorsaanikkullu kaammattuutaasunik sammisaqartitsinernik neqerooruteqarluni, tamannalu angerlarsimaffimmi paarsisartup angerlarsimaffiani ingerlanneqartassalluni.

·         Angerlarsimaffimmi paarsisartup nammineerluni meeqqanut paarsaminut nerisassanut, errorsinermut asaanermullu aningaasartuutissat isumagisassavai.

·         Angerlarsimaffimmi paarsisartoq meeqqat paarsami sisamat saniatigut, angerlarsimaffimmi paarsisartuni allani sulinngiffeqartoqartillugu piffissap ilaani meeqqanik tigummiaqarsinnaavoq.

 

Piginnaasat:                     

·         Akuersinissamut piumasaqaataavoq angerlarsimaffimmi paarsisartoq timikkut tarnikkullu peqqissuussasoq, perorsaanikkullu kaammattuutaasunik sammisaqartitsinernik neqeroornissaminut piginnaasaqassasoq.

 

Naatsorsuutigaarput:

·         Angerlarsimaffimmi paarsisartoq illoqutigiinnilu najugaqartut sinneri peqqinnermut uppernarsaammik kiisalu 18-inik ukioqalereersimasut tamarmik pinerluuteqarsimannginnermut aamma Meeqqanik pinerluuteqarsimannginnermut uppernarsaammik tunniussissapput.

Akissarsiat atorfeqartitaanermilu atugassarititaasut: 

Akissarsiat atorfinitsitaanermilu atugassarititaasut Naalakkersuisut aamma SIK akornanni isumaqatigiissutit atuuttut naapertorlugit aaqqinneqassapput.

 

Atorfimmut paasissutissat Meeqqeriviit pisortaannut Pia Lennert-imut, oqarasuaat (+299) 86 74 02, e-mail: pile@qeqqata.gl saaffiginninnikkut pineqarsinnaapput.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.  Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqanngilaq.

 

Piaartumik atorfinitsitsisoqassaaq imaluunniit isumaqatigiissuteqarnikkut.

 

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 10. januar 2020-mi tigoreersimassavarput

Qinnuteqaat uunga nassiunneqassaaq:  

Qeqqata Kommunia
HR Afdeling
Postboks 1014

3911 Sisimiut
E-mail:
job@qeqqata.gl
Web:
www.qeqqata.gl

Attavissaq:

Karoline Berthelsen

(+299) 86 73 21

kber@qeqqata.gl