airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Ilinniartitaanermut pisortaaneq

2020-imi marsip aallaaqqaataanit isumaqatigiissuteqarnikkulluunniit atorfinittussamik, Ilinniartitaanermut pisortaanermik Qeqqata Kommunia pissarsiorpoq.
Pisortaanermik takorluugalimmik iliuuseqarsinnaasumillu pissarsiorpugut, ilitsoqqussaralugu ersarissumik aqutsilluarsinnaasumik, aqqutissiuisuulluni pisortaqatigiit peqatigalugit politikkikkut allaffissornikkullu anguniagassanik atuutilersitsisumik.

Ilinniartitaanermut pisortaaneq Sisimiuni Maniitsumilu ilinniartitaanermut immikkoortortanut ataqatigiissitsisuussaaq, aammalu periusissianut, takorluukkanut politikkinullu oqaasertaleeqataasassalluni, aammalu Kommunimi pisortaaneq kiisalu Atugarissaarnermut pisortaaneq qanimut suleqatigissallugit. Ilinniartitaanermi pisortaaneruttaaq Kommunip aningaasaqarneranut ulluinnarni Aningaasaqarnermut pisortamit akisussaaffigineqartoq akusussaaffigissallugu.

Ilinniartitaanermut pisortaanertut suliffik ilinniartitaanermut sunngiffimmilu pisunik siammasissumik ukkataqarfigineqassaaq. Tassa imaappoq, atualertussaleriffimmik, meeqqat atuarfiinik, kulturikkut sunngiffimmilu ulluunerani neqeroorutinik aamma suliffissaqartitsiniarnermut immikkoortumi peqqinnartumik inuuneqarnissaq, atuilluartuunissaq kiisalu ataqatigiissumik akimortumik suliniuteqarnerup ineriartortinneqarnissaanik suliaqassaagut.

Qeqqata Kommuniata aningaasaqarnera patajaatsuuvoq, aningaasaqarnikkut sukangasuumik aqutsinermik piviusunngortitsinissamillu ukkataqartoq.
Assigiinngisitaartumik atuartitsinerup, digitaliseriinermut, oqaatsitigut nunarsuarmioqataanerulernissamullu, atuarfiup-angerlarsimaffiullu akornanni suleqatigiinnermut, aqutsisunik ineriartortitsinermik kiisalu meeqqat atuarfiinik ineriartortitsinissamik Kommuni immikkut ukkataqarpoq.
Qinnuteqarfissaq kingulleq:
21. januar 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. marts 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

         Ilinniartitaanermut immikkoortortap, suliffissarsiuussisarfiup sunngiffimmilu immikkoortortap kiisalu aningaasaqarnermut immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamut qulakkeerinninneq

         Sunniutilimmik aaqqiissutissat atuilluartumillu inerneqarnissaat siunertaralugit politikkikkut anguniakkani, aalajangiussani pilersaarutinilu unioqqutitsinngitsumik ingerlatsinissamut aamma naammassisaqarnissamut malitseqartitsinissamullu qulakkeerinninneq.

         Periusissiamik, ineriartortitsinissamik pitsanngorsaanissamillu ukkataqarluni, pingaarnertut aqutsineq aningaasaqarnikkullu aqutsineq.

         Aaqqissuussaanermi ineriartortitsinermik, suleqatigiinnermik, ingerlariaatsinik suliassallu naammassineqarnisaanut aallartitsisuullunilu malitseqartitsisoq.

         Qeqqata Kommuniata allaffeqarfiani tamani sulinermi ingerlalluartoqarnissaanik qulakkeerinninneq, aaqqiissutissanillu atuilluartunik siunertaqarneq. 

 

Piginnaasassat:

 

          Kandidatitut tassungaluunniit attuumassutilimmik kiisalu aqutsisutut ilinniarsimasuusutit.

         Ilinniartitaanermtu perorsaanermilu aqutsisutut misilittagaqartutit.

         Ilitsoqqussaralugu paasisimasaqarluartoq eqeersimaartorlu. Qullersatut aqutsisoq ersarissoq

          Aningaasaqarnikkut aqutsinermut misilittagaqartutit

         Suleqateqallaqqissuusutit avatangiisinillu sunniisinnaassuseqartutit

         Ilinniartitaanermi immikkoortortami ineriartortitsinermik misilittagaqartuusutit

                •         Ajornanngippat arlalinnik oqaaseqartuussasutit, kalaallisut, qallunaatut tuluttullu

Aningaasarsiat atorfininnermullu atugassarititaasut: 

Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naaperlorlugit pissapput.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartartussamik.

 

Ilinniartitaanermut aningaasaqarnermullu pisortaanertut atorfik allaffissornikkut Sisimiuni inissisimavoq, Sisimiunilu Kommunimi pisortaanerup ataani inissisimalluni.

 

Piaartumik isumaqatigiissuteqarnikkulluunniit atorfinittoqassaaq.

Ilinniartitaanermut aningaasaqarnermullu pisortaanertut atorfik pillugu annertunerusumik paasissutissat Kommunimi pisortaaneq Juliane Henningsen, oqarasuaat (+299) 86 73 01, e-mail: juhe@qeqqata.gl attavigineratigut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2020-mi januarip 21-ani tigoreersimassavarput, ima nalunaaqqutserlugu: Ilinniartitaanermut Aningaasaqarnermullu pisortaaneq Qeqqata Kommunia.

Qinnuteqaat uunga nassiunneqassaaq:  

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Qeqqata Kommuniata Ukkataqarfigisaa Kommunip suleriaasia, innuttaasunik naapitsisarnera, inuussutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

 

Kommunimi atorfilimmik naapitsigit

Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.

 

Nittartakkatsinni www.qeqqata.gl/ansat-imi

Qeqqata Kommuniani sulisutut kommunimi

sulileqqaarnermit ukiuni arlalinni sulisuunermi

sulisut assigiinngitsut misigisimasaat atuarsinnaavatit.

Attavissaq:

Juliane Henningsen

(+299) 86 73 01

juhe@qeqqata.gl