airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Ilinniartitaanermut immikkoortumi perorsaanermut siunnersorti

Qeqqata Kommuniani Sisimiuni Ilinniartitaanermut immikkoortumi perorsaanermut siunnersorti inuttassarsiuunneqarpoq.

Meeqqanut soqutiginnittuuviit aammalu meeqqerivinni Meeqqerivitsialak ineriartortinneqarnissaanut peqataallutit suleqataarusuppiit.

Sisimiuni, Kangerlussuarmi, Sarfannguani aamma Itillimi 13-inik meeqqeriveqarfiusumi, 140-nik sulisulimmi meeqqanullu 637-nut inissalimmi suliffeqartussamik, Sisimiuni Ilinniartitaanermut immikkoortoq, Meeqqerivinnut allaffeqarfik 2020-imi marsip aallaqqaataani sulilersussamik perorsaanermut siunnersortissarsiorpoq. Aamma sisamanik dagplejereqarpoq.

Meeqqanut, Atuarfinnut, kulturimut sunngiffimmullu immikkoortortanut tamanut sullissisumut, ilinniartitaanermut immikkoortumut ilaassaatit. Allatseqarfimmi sulisut arfineq-marluuvugut, inuttaasunik sullissisuulluta aammalu Ilinniartitaanermut ataatsimiititaliap ataanilluta.
Qinnuteqarfissaq kingulleq:
20. januar 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. marts 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat piginnaasallu: 

Suliassatit meeqqeriveqarnermut immikkoortortamut attuumassuteqarput, tamatumani annertunerusumik aallarnisaanernik suliniutinillu nutaanik ineriartortitsinermik, perorsaanermut siunnersuinermik, ilitsersuinermik suliaqassallutit aammalu meeqqerivinni aqutsisuusunik suleqateqassallutit.

Meeqqerivinni sulisuusunut perorsaanikkut pikkorissarnernik ineriartuutaasunik aaqqissuisassaatit.

Meeqqanut ilaqutariinnullu siusissukkut suliniutinut tunngassutilinnut, akimortumik ataatsimiinnernut peqataasassaatit.

Perorsaanikkut sulisut peqatigalugit nakkutiginnillutillu ineriartuutaasinnaasunik suliaqassaatit.

Angajoqqaat suleqatigalugit akimortumik suliat akimorlugit suleqatigiit ataatsimiinnerini peqataasassaatit,

Meeqqerivinnik atualertussanullu siunnersuisartunik atuartut aallartilerneranni ataatsimiittarnerinut ataqatigiissaarisuussaatit.

Suliat allat pillugit suleqatigisat allat siunnersueqatigisassavatit.

Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit,

 

Piginnaasassat:

• Perorsaasutut ilinniarsimasuusutit

• Meeqqeriveqarnermut immikkoortortani ukiuni amerlasuuni misilittagaqartutit

• Nammineersinnaassuteqartutit akimortumillu sulisinnaassuseqartutit

• Suleqatikkuminartuusutit, sungiussiasuusutit takunnillaqqissuusutillu

• Marluinnik oqaaseqartutit, kalaallisut - qallunaatullu

Akissarsiatigut atorfinitsitaanermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat, kalaallit nunaanni kommunit aamma NPK akornanni isumaqatigiissutit atuuttut naapertorlugit pissapput.

 

Inissaqartitsisoqarsinnaavoq malittarisassat atuuttut malillugit ineqarnermut akiliisoqartassalluni.

 

Atorfinitsitaaneq marsip aallaqqaataani isumaqatigiissuteqarnikkullunniit pissaaq.

 

Atorfik pillugu paasissutissat sukumiinerusut Ilinniartitaanermi pisortamut Annga Lynge oqarasuaat (+299) 86 7380, e-mail anly@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik saaffiginniffiusinnaasunilluilalik kingusinnerpaamik 20/1-2020-imi tigoreersimasssavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail:job@qeqqata.gl

Web: www.qeqqata.gl/atorfiit

Attavissaq:

Annga Lynge

(+299) 86 73 80

anly@qeqqata.gl