airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Ilaqutariinnermut immikkoortortap allattoqarfia overassistentissarsiorpoq

Qeqqata Kommuniani Maniitsumi Ilaqutariinnermut immikkoortortami overassistentitut atorfik inuttassarsiorneqarpoq.

Ilaqutariinnermut immikkoortortami allatseqarfik atorfinnut pingasunut aalajangigaavoq: immikkoortortami aqutsisoq, overassistent assistent-ilu.
Qinnuteqarfissaq kingulleq:
10. januar 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. februar 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat akisussaaffiillu ukuupput:  

·         Allakkat isertut/anisullu nalunaarsorneri, scan-erlugit toqqorterneri, winformatik-imut journal-inut allattorneri, qaammatikkaartumik nalunaarsuinerit nalunaarutit/ernumaatit, Isumaginninnermut maalaartarfimmiit il.il.

-          Telefon-ikkut saaffiginnittunik tigooraaneq ingerlatitseqqiinerlu.

·         Journalskuffe-t allaffeqarfiup iluani sulianut kiisalu innuttaasunut ataasiakkaanut tunngasut iluarsaanneri, sag-it torersarneri, sag-inik toqqortuinerit, nalunaarsornerilu.

·         Winformatik-imi journal-it, sag-illu ataqatigiissaarneri

·         Kaasarfimmiussat atisassarsiutissallu aammalu ilaqutariinnut paarsaqartunut qaammammut nerisassarsiutissanik tunniussinerit.

·         Suleqatigiit iluini paarlakaajaattumik suliaqartarneq, peqanngittoqassatillugu suliat ingerlaannartuarnissaat qulakkeerneqartarpoq.

 

Piginnaassutsit:

• Allaffimmiutut ilinniagaqarsimasuuvutit

• Akisussaassuseqartuuvutit

• Sullissillaqqissuuvutit

• Kalaallisut qallunaatullu allattariarsornikkut

  oqalunnikkullu pisinnaasaqarluartuuvutit

• Tamakkiisumik isiginneriaaseqartuuvutit

  aamma ulapiffiup nalaani

• Suliassanut tunngatillugu eqaatsumik suleriaaseqartuuvutit

• Qiimasuuvutit

Aningaasarsiat atorfininnermilu atugassarititaasut: 

Aningaasarsiaqartitaanermi suliffeqartitaanermilu atugassarititaasut Naalakkersuisut aamma S.I.K. kattuffiata akornanni isumaqatigiissutit malillugit pissapput. 

 

Atorfimmut atatillugu inissaqartitsisoqanngilaq.

 

Atorfinitsitsineq pissaaq 1. februar 2020 imaluunniit isumaqatigiinnikkut.

 

Atorfinnut sukumiinerusumik paasissutissat immikkoortortami aqutsisumut Anja K. Drastrup-imut oqarasuaat (+299) 81 7871, e-mail: akdr@qeqqata.gl   imaluunniit pisortap tullianut Andrea Karlsen-imut oqarasuaat (+299) 81 78 62, e-mail: anka@qeqqata.gl saaffiginninnikkut pineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 10. januar 2020. 

Qinnuteqaat uunga nassiunneqassaaq:  

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web:www.qeqqata.gl/job

Attavissaq:

Anja K. Drastrup / Andrea Karlsen

(+299) 81 78 71 / 81 78 62

akdr@qeqqata.gl / anka@qeqqata.gl