airplanebooksbriefcase business cogs cross election entertainment fish house law lockmedicalpeopleselfservices socialtax

Utoqqaat angerlarsimaffiani ineriartortumi peqqissaasunut aqutsisoq

Sisimiuni Utoqqaat angerlarsimaffia Qupanuk, sulisunut akisussaanngitsumik, piffissami tamakkiisumi peqqissaasunut aqutsisussarsiorpoq, najugaqartunik naleqartitsilluni isumassuisumik paaqqutarinninnermi ukkataqarfiusumi, sulinermut peqataasinnaasoq.
Utoqqaat angerlarsimaffiani peqqissaanermik ineriartortitsinermik aqutsisuussaatit, matumani suliamik ilisimasanik qaffassaanermut peqataallutit aammalu ulluinnarni najugaqartut akornanni angalaartassallutit.
Utoqqaat angerlarsimaffiat Qupanuk marlunnik immikkoortortaqarpoq, puigortunngortut paaqqutarisariallillu, najugaqartunut 42-nut qasuersaarfissamullu ataatsimut inissaqartitsilluni. 2019-ip ukiaani puigortunngortunut immikkoortortaq matoqqasumik ilaneqarpoq. najugaqartut amerlanerpaartaat paaqqutariaqartitsisuupput, illumilu peqqissaasoqarnikkut anguniagaraarput, najugaqartut napparsimavimmukaatinngikkaluarlugit, illup iluani amerlanernik katsorsaanernik ingerlatsisinnaalissalluta.
Utoqqaat angerlarsimaffiat Qupanuk sulisunut 69-inut amerlassusiligaavoq, taakkunannga 45-it paaqqutarinnittuullutik.
Qinnuteqarfissaq kingulleq:
31. december 2019
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaarnerpaamik
Akissarsiat:
Isumaqatigiissutit malillugit

Suliassat:  

-          Nakorsaatinik isumaginninnermut nakorsaatinillu ingerlatsinermut akisussaaneq, suleqatinik ilinniartitsineq ilanngullugu

-          Paaqqutarinninnerup ineriartortinnera, pitsaassutsimik qulakkeerinninneq aalajangersimasumillu pisarnerup pitsanngorsarneqarnera, suleqatinik ilinniartitsineq

-          Najugaqartunik timimik atorluartitsineq suliaqartitsinerlu

-          Paaqqutarinninnermut atatillugu qanigisaasunik attaveqarneq

-          Suliat akimorlugit suleqatigiinneq, matumani innuttaasunik utoqqaat angerlarsimaffianut innersuussineq

 

Naatsorsuutigaarput

-          Peqqissaasuussasutit akuerisaasoq

-          Utoqqarnik sullissinissamut kajumissuseqartutit.

-          Tamatigoortuusutit aalajaatsuusutillu.

-          Suliamik ilisimasaqarnerup inuttullu qanoq ittuussusermik assigiimmik pingaartitsisutit ataqatigiissaarisinnaasutillu, suliaqarfinni assigiinngitsuni sulisunilu ilinniarsimanngitsut akornanni pitsaasumik suliffimmi attaveqaatinik pilersitsisinnaasutit.

-          Erseqqarissumik attaveqarsinnaasutit, namminersorlutit sulisartutit, akisussaassuseqartutit sullisserusussuseqartutillu

 

Neqeroorutigaavut.

-          Piffissaq tamakkerlugu atorfik ataasinngornermiit tallimanngorneq ilanngullugu aalajangersimasumik nal. 08:00-imiit 16:00 tungaanut suliffiusoq

-          Ukiut suliffiit amerlassusaat naapertorlugu 41.389,71 koruunimiit 44.582,21 koruunit tikillugit akissaatit pitsaasut, Peqqissaasut tarrarsuisullu pillugit isumaqatigiissut naapertorlugu pensionisiassat ilanngullugit.

-          Inuttut suliatigullu inerisarneq

-          Ulluinnarmut sunneeqataanissamut, suliani assigiinngitsuni peqqinnissaqarfimmik suleqateqarnermik kiisalu namminersuuteqarluni akisussaaffeqarnissamut periarfissaqartumik atorfik pissanganartoq

 

Atorfik pillugu paasissutissat annertunerusut, utoqqaat angerlarsimaffianni pisortamut Peter Mattaaq, pema@qeqqata.gl-imut imaluunniit oqarasuaat 867358-imut saaffiginninnikkut pissarsiarineqarsinnaapput .

Akissarsiat atorfinitsitaanermilu atugassarititaasut 

Atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput. Ukiut suliffiit amerlassusaat naapertorlugu 41.389,71 koruunimiit 44.582,21 koruunit tikillugit akissaatit naatsorsuutigineqarput, Peqqissaasut tarrarsuisullu pillugit isumaqatigiissut naapertorlugu pensionisiassat ilanngullugit.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommuni Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfimmut atatillugu inissamik innersuussisoqassaaq, malittarisassat atuuttut naapertorlugit qularnaveeqqut/attartornermut akiligassat akilerneqassallutik.

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2019-12-31-ani uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web:www.qeqqata.gl/job

Attavissaq:

Peter Mattaaq

(+299) 86 73 58

pema@qeqqata.gl