airplanebooksbriefcase business cogs cross election entertainment fish house law lockmedicalpeopleselfservices socialtax

Illersuisi

Inummut innarluutilimmut illersuisoorusuppit?
Maniitsumi Ilaqutariinnermut immikkoortortaq Inunnut innarluutilinnut illersuisussarsiorpoq.
Qinnuteqarfissaq kingulleq:
17. februar 2020
Sumiiffik/Pisortaqarfik:
Maniitsoq
Atorfininnermi ulloq:
Piaartumik isumaqatigiissuteqarnikkulluunniit
Akissarsiat:
Isumaqatigiissutit malillugit

Januaarip aallaqqaataani 2020-mi inuit innarluutillit tapersersorneqartarnerat pillugu inatsi nutaaq atuutilerpoq.  Tassunga attuumassuteqartumik inuit innarluutillit illersuisussaannik aaqqissuussaliortoqassaaq.

Inatsimut atatillugu Qeqqata Kommunia pisussaavoq inunnut innarluutilinnut illersuisoqartitsisinnaanermik, inummut innarluutilimmut ikiuutinik nassaarniarnermut aalajangiinermullu atatillugu.

Taamaammat Ilaqutariinnut Immikkoortortaq Maniitsumiittoq inunnut innarluutilinnut illersuisussarsiorpoq.

Maniitsumi inuit innarluutilinnut allangueqataarusuppit?  Ilaqutariinnut Immikkoortortap suliassaraa, inuit innarluutillit sullinneqarnerminni suliamut akuutinneqarnissaat qularnaassallugu.

Inuup innarluutillip sullissisumik oqaloqateqarnerani aamma tapersersorteqarneq pillugu Kommunip aalajangigaanik Isumaginninnermut Naammagittaalliuuteqartarfimmut allagaqarnermi tunniussinermilu, kingornalu Isumaginninnermut Naammagittaalliuuteqarfiup suliamik ingerlatsinera tapersersorteqarnerlu pillugu aalajangiinerani illersuisumit tapersersorteqarsinnaanissaa, illersuisoqarnermi aaqqiissutip qulakkiissavaa.

Qeqqata Kommunia inunnut innarluutilinnut ikiuuttartussanik minnerpaamik marlunnik illersuisussanik taasissaaq, ammasumik kommunalbestyrelsimi ukiuni sisamani atuuttussami taasinermi, taaseqqissinnaanermik periarfissalimmi.

Ukiut sisamat ingerlanerani illersuisoq tunuarpat, piffissap sinneranut atuuttussamik illersuisumik nutaamik taasisoqassaaq.  Pinerlussimannginnermut uppernarsaat / Meeqqamut pinerlussimannginnermut uppernarsaat taasilernermi pissarsiarineqassapput.  

Taasinermi malittarisassat qularnaassavaat illersuisut kommuni eqqarsaatigalugu illersuinerminni kiffaanngissuseqarnissaat, meeqqat najortissaanik taasisarneq assigalugu, Inatsisartut inatsisaat meeqqat najorteqarnerat malillugu.

Illersuisoq inummut innarluutilimmut aqqutissiusinnaassuseqassaaq, sullisssisumillu oqaloqateqarnermini illersuisoqarnissamik pisussaatitaalluni.

Isumaginninnermut- Innarluutilinnut Immikkoortortami illersuisoq ilisimasaqarlunilu misilittagaqassaaq, Isumaginninnermut Aqutsisoqarfimmiillu aaqqissuussaasartumik illersortitut pikkorissarsimassalluni.  Illersuisutut pikkorissarsimanissaq piumasaqaateqartariaqanngilaq inatsisilerituutut ilinniarsimagaanni, inunnik isumaginninnermik siunnersortiugaanni immaqaluunniit immikkut ittumik perorsaasuugaanni Innarluutilinnut Immikkoortortami misilittagaqarluni. 

Illersuisutut makku suliassaraatit:

·       Innarluutilinnut Immikkoortortami pisussaatitaaffinnik inuk innarluutilik aqqutissiuullugu.

·       Pisortaqarfinni oqaloqateqarnermi inuk innarluutilik illersorlugu.

·       Sullissinerup ingerlanerani inuup innarluutillip pisussaatitaaffi qularnaarsarlugit.

·       Naammagittaalliorsinnaatitaanermut periarfissamik inuk innarluutilik siunnersorlugu.

Meeqqat tapersersorneqarnissaannut Inatsisartut inatsisaat nr. 20, 26. juni 2017-imeersoq § 44. Imm. 5 malillugu illersuisumik akissarsiaqartitsineq pissaaq.

Illersuisumut akissarsiat akunneq siulleq 563 koruunit, kingornalu akunnermut 394 koruunit.

Pinerluuteqarsimannginnermut aammalu meeqqanik pinerluuteqarsimannginnermut uppernarsaatit.

Pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput.

Soqutiginnikkaluarlutit peqataanissannut qularpit? Innarluutilinnut Immikkoortumi aqutsisoq, Louise Kristiansen louk@qeqqata.gl oqarasuaatikkuluunniit 81 78 58 attavigiuk.

Qinnuteqaat ima allassimasoq Illersuisoq, ilinniarsimanermut, siusinnerusukkullu suliffigisimasanik paasissutissanik allanillu imalik uunga nassiunneqassaaq louk@qeqqata.gl.

Qinnuteqarnissamut killigititaq tassaavoq ulloq 17. februar 2020.